كامت ترجف عظامي كتله تريد تسوقني للموت برجليه
كام يضحك عليه كالي اااي و شبيهم الكربلائيين
شفته يحكي جد و قافل
كتله ع الاقل ما اعرف احجي لغتهم، لا عفيه عموو انته مو كلت اني اوصلك لبر الامان؟!!!
كام يضحك هههه خررب حظي و شنو لغتهم بله؟
كتله غير لغه فارسيه، و اني العربيه كووه مدبرتها
كام يضحك هههه هاااا يعني ما يحجون عربي مووو
كتله اي و من كلتها بكل ثقه نطقتها
لان بصراحه كانت عندي هيك فكرة و قناعه واصله الها من الطفولة
ان الشيعه الي بالوسط و الجنوب غير ذولي الي عدنه
اليمنه ناس مسالميين و طيبين و ما عدهم تقيه او كذب
عكس ذوالك الابعاد
اني كنت اكرهه هاي الفئة من الناس
رغم اني ما اكرهه اي انسان
مو بس اني كل اهل ديرتي
يعني نتزوج منهم و يتزووجون منه
عايشيين و متعايشيين بشكل كامل
المهم
عموو كالي يا بنتي كل الي سامعته عن هاي الناس ماله صحه
ذوله ناس حالهم من حالنه
نفس البينه بيهم
و الضيم البيهم قديم كلش قديم
فخفت من كلام عمووو كلت اخاف هذا منهم و كان عامل عالناس تقييه و خادعهم انه منا
ياااا دنيا اشلون بيج انتي بيا ايد وكعتي 💔
انوب قررت اطكها طك بوجهه عمووو
فكتله عمووو يعني اشرد من الارهاب
اروح لعقر دار الارهاب
و زعامته؟
كالي عمووو اريدك تثقيين بيه
و تسمعين كلامي و تطيعيني
و اني خادم الك و ناصح
يشهد الله عليه
حسيت من كلام الرجل ان نواياه صادقه و طيبه
و يسعى بكل جهده يوصلني لبر الامان
لذالك وافقت و اني ما مقتنعه
يعني كلت اله اي و التعبير لقلبي كان بهذا الشكل 😢
المهم
مشينه وصلنه لمنطقة اسمها جرف الصخر
واحد جنابي يعرف الرجال ضافنه
عموو وصاني ما احجي شي عن سبب سفرتنا و لا شنو علاقته بيه
من كثر ما وصاني لا تكولين كذا و كذا
قررت اصير خرسه كدامهم
صدك اكو بنيه بعمري وجهها لطيف و تودد الي
بس المشكله انو اخاف احجي
فكمت اتكلم معاها بالاشارات 😅
الابنيه راحت لعموو كالت اله شنو هاي البنت خرسه؟
عمووو ضحك كال لا هاي تحجي بس كوردي ما يعرف عربي 😂
المهم بالموت عبرت هاي الليله ع سلام
ثاني يوم وصلنه لارض الموت
كربلاء
... يتبع
أنت تقرأ
السبية بلا سبي
Nouvellesقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
