وصلنه لارض الموت كربلاء
و السيارة تمشي
اني مدنكه راسي و مطلعه بس عيوني من الحافه مال الجامه
چني ابو العسر و ماد راسه
عود اخاف يشفوني
طبعا عموو يباوعلي بالمرايه و ميت ضحك 😏
اتنصت هف هاي شنو اشو الي يبيعوون يصيحون بنفس كلامنه يعني بالعربي
هذا يصيح ماااي ارو
و ذاك يصيح خيار بالف 😳
اتفاجئتة من سمعتهم يحجون عربي و مثلنه
و انوب ملابسهم كارثة
متحشمه و حياطين بيوتهم عاليه
اني سمعانه بيوتهم امفتحه
و كلمن يدخل بالبيت اليعجبه حتى لو ما يعرفهم ويبات وياهم و من هاي السوالف
انوب لاحظت اكو فقر
مو ناس طاكيين يبوكون بثروات هذا البلد و يصرفون بس ع مدنهم
هف هاي بداية صادمة الي و حتى مرعبه
المهم
وصلنه لبيت اخت عموو
الباب كانت مردوده
فدكها و ما دخل؟!!
اجه الصوت مال شابه من وره الباب منووو؟!
عموو رد و كال هاا خالو سحر سوو طريق وياي خطار
البنيه كالت اتفضلوا و انهزمت للداخل
لا مدت راسها و لا شافتنه
اني كمت اضرب اخماس باسداس
هاي شنو اني شسامعه هذا الي اشوفه شنو
المهم دخلنه
اجت اخت عموو لافه شعرها بشال
سلمت عليه و رادت تبوس ايده و ما خلاها
انوب سئلته عني
و الجواب هو الكارثة
احنه طول الطريق جنه انجذب حتى انخلص ارواحنه
اشو عموو راسن حجاها مثل ماهيهه
كال هاي خطيه البنيه صاروا ياخذوها سبيه
و بالموت خلصناها منهم ؟!!
و اجينه انضمها يمكم منا لمن الله يخلص هاي الشدة
الحجيه ما قصرت شلون لسان حلوو و شلون فره تبرد الكلب
رحببت بيه و كالت الي اني و بيتي و جهالي انصير الج عين غطه و عين افراش
اني صراحتاً خجلت
و وجناتي صارت حمر
و ندست عمو بايدي
و كتله ليش احرجتني و كلت كلشي عني
خالتوو ضحكت كالت يمممه شلون ابنيه هاي جنها جماررره
و صلت ع النبي (ص)
من العين و الحسد
هففف هاي شنو المره بس اتخجل بيه
انوب بتها تشبك بيه و مكييفه
تكل لامها اااي و اااخيرا صار عندي اخت 😳
اني فرحوني كلش
خالتووو كمشتني من ايدي و كبل للحمام
دخلتني و كالت اسبحي و ارتاحي
و من تكملين صيحيلي حتى انطيك اهدوم جديده تلبسيها
و اني راح اسويلكم اطيب اكل
طبعا اني الحمام صارلي مده احلم بيه بس بالاحلام
نزعت ملابسي
ايعع ريحتي تكتل
تكول ابو ابريص ميت بعبي
... يتبع
أنت تقرأ
السبية بلا سبي
Short Storyقصة واقعية، تتحدث باللهجة العراقية عن محنة فتاة افقدتها الحرب اعز ما تملك بهذه الحياة
