One Step To You___{Completed}

09

“ ကိုကို  ဟင့်”

“  ဟင် ရိပေါ်လေး ဘာဖြစ်လာတာလည်း? ”

သူစာလုပ်နေတဲ့နားကို ငိုမဲ့မဲ့မျက်နှာလေးနဲ့ ရောက်လာသူက ၀မ်ရိပေါ်လေး။ ဒီ‌အိမ်ကိုရောက်ပြီး ခြောက်လလောက်အကြာမှာ တစ်ဦးထဲသားရှောင်းကျန့်နဲ့ ဒီကလေးလေးနဲ့ အရမ်းရင်းနှီးသွားရပြီ။အချိန်တိုင်းလိုလို ဝါဂွမ်းလုံးလေးက ရှောင်းကျန့်အခန်းထဲရောက်နေတတ်တာဖြစ်သည်။

“ သားလေ လမ်းထိပ်က ဖက်ထုပ်ပေါင်းစားချင်နေတာ ၊ မေမေက မစားရဘူးတဲ့ ဟင့် ”

ရှုံ့မဲ့မဲ့နဲ့ပြောလာသူလေးက နှုတ်ခမ်းလေးစူလို့၊ စကားပြောလိုက်တိုင်းလှုပ်ရှားသွားတဲ့ ပါးဖောင်းဖောင်းလေးတွေက တအိအိ။ အလယ်တန်းကျောင်းသားဆိုပေမယ့် ရိပေါ်လေးက သူ့မျက်လုံးထဲသုံးနှစ်သားလေးလိုဖြစ်နေသည်။
အလိုမကျတဲ့ မျက်နှာလေးက သူ့နားကပ်ချွဲနေတော့ ရှောင်းကျန့်အရည်ပျော်ရ၏။

“ ရိပေါ်လေး စားချင်ရင် ကိုကိုက ၀ယ်ကျွေးမှာပေါ့။ အိုက်ယား မငိုရဘူးနော် လာပါအုံးကိုကို့ဆီ”

ရင်ခွင်ထဲ တိုးဝှေ့လာသူလေးကို ပွေ့ချီပြီးပေါင်ပေါ်ထိုင်စေတော့ သူ့ရင်ခွင်ထဲ ကလေးလေးက ခေါင်းလေးတိုးဝှေ့လို့
။၀မ်ရိပေါ်က ကြောင်ပေါက်လေးလိုနူးညံ့၏။ချွဲလည်းချွဲတတ်‌သည်
ဒီကလေးလေး သူ့ဆီ ကပ်ချွဲတိုင်း အလိုလိုက်ပေးချင်တဲ့ စိတ်တွေကလည်း တားဆီးမရဖြစ်ရ၏။