لم يكن ذنبي

البارت السادس

‏‎"أمّا الود فكلّهم يتظاهرون به،
وأمّا المواقف فهي التي تثبت أو تنفي."

لا تهتم أبداً لما يُقَالُ لك ،
بل اهتم لما يُفعَلُ مِن أجلكَ
فالكلماتُ قد تكذبُ ..
ولكنّ التصرفاتِ دائماً تقولُ الحقيقة !

سهاد : وره يوم العقد اجت ام مهدي وبناتها وكعدو ويه امي وبدو يرتبون حياتي الي اصلا اني ماعرف عنها شي غير انو ناس غيري حددو مصيري وحددو ويامن اعيش اخخخ من الدنيا والله لو يرجع بيه الزمن جان صرخت بالرفض على الجحيم الدخلته برجلي معبالي بهذا الزواج افوت جهنم واورط غيري وياي اني اختصرت هواي تفاصيل بقصتي يكفي راح تسمعون قصة بناتي التبجي الصخر.. رجعت للواقع اباوع عليهن يتفقن بعد اسبوعين للعرس؟ شنو يا عرس؟ هيج بسرعه راح اصير يم رجال اكبر من عندي بهواي ولقبه المجرم من غير شكله المخيف المهم اتفقن وانطن لأمي فلوس وامي الضحكة شاكه حلكها احسها طايره من الفرح وهيج مرت الايام واشترولي نيشان وتعرفون شغلات عرايس اني واقبال جيرانه مقصرت تعلم بيه وهواي فهمتني أمور ووصل اليوم الموعود الي هو بداية دخولي لجحيم باجر العرس وامي واقبال يسون بجسمي الي هو اصلا ابيض وكلشي مبي غير كم شعرايه لونهن اشكر واني صافنه بغير عالم كأنما كلبي جان يحس راح أواجه الشياطين بهذا الزواج كلموني وخالتي عدنا وجديتي والبيت متروس ناس كلمن يحظر بجهه وناس توصي بيه وناس تسألني ع زوجي الي ولا مره بعد شفته غير بس بيوم العقد خلص اليوم واجه يوم العرس واجتي عليه ام مهدي الي تحب تترس عيونها كحل مع العلم شيخ عبد الله ابد ميقبل على هذا الشي بس هي تعاند او من وراه تخلي وتطلع وعلجها بحلكها اخذوني لصالون هي وعمه عبد الرحمن واخته امال بدت ام الصالون مكياج وتسريحه وبطني احسها تصيح من الألم مدري شبيه ارجف وخايفه من كلشي وبس ساكته مثل العابة منين ميجيبوني اجي وياهم الساعة ب٣ كملتني ام الصالون لان شكلي حلو ومتعبت ويايه وضلت النسوان تصلي على محمد واني العروسه الوحيده الي بدون ام كل العرايس امها وياها اني امي حجتها أطفال ومتكدر تعوفهم بلبيت اهم شي متغث نغم وتعوفهم يمها كمل اليوم ووصل وقت الزفه ودخلو اهل العريس وبين هلاهل وقفلات جانو اهل قبل يسموها ومن ضمنها هاي الرادها وهاي ألتمناها!! رادني شوكت؟؟ واني شفته مره وحده دخل العريس لابس قاط اسود وقميص ابيض وبدون ربطة عنق وفاتح الدكم لنص صدره وكأنما شقاوه ووكف ابو مهدي بتشكر من والدي واخواني الي اكبرهم فلاح الأحسه بغير عالم مجرد جسده ويانه والكل بارد بعرسي حتى دمعة منزلت الهم عليه اخ منج يدنيا اذا اهلك مو بحالك لعد الغريب شلون فزيت من صفنتي بأس راسي ابو مهدي وطلعوني لسيارة لزمني عبد الرحمن ولزمت ايده قاسيه حيل كأنما يجر بخروف يريد يذبحه مشت السيارات مودعه اخر أحلامي واخر ذرة طفولة وخلص هنا أعلنت دخولي لجحيم بعد مابيها مجال لا مفر

عبد الرحمن : خطبت مثل مراد والدي وتمت على خير كعدت ثاني يوم مارست حياتي الطبيعية جنت متواعد ويه صاحبتي واصلا مرت الايام واني نسيت انو اني خاطب فقط اتذكر من امي تجي تأخذ من عندي فلوس تكلي اشتري للعروس وشفت اخوي اسعد يحظر ومهتم ويرتب بغرفتي ويصبغ كأنما هو العريس ههه اضحك من اشوف اهتمامه ولهفته احس اكثر أنسان قريب من روحي بهذا البيت مرت الايام واجه يوم العرس وامي طالعه كأنما هي العروس من تبديل وكشخه ومكياج امي بيها طبع تغار كلش تحب تكون أجمل شي بالساحه وهذا الشي كان بمثابة دمار لحياتي الزوجية واخواتي منعتهن لا مكياج ولا لبس فاضح احسهن يردن ينفجرن من القهر لان هنه مثل طبع امي يحبن الفيكة والفخفخه اجاني والدي كال يله تتوكل رحنا البيت العروس الي جنه خرابه اتعجب شلون عايشين بي رغم احنا بيتنا همين بسيط بس اهون من هذا بالف مره