يا بسمه على الوشوش
مسلوبه منها فرحتى
ياعيون سواد مابيناموش
حيران ما بينهم دمعتي
يافؤاد هواه أصبح عليل
من هجره تاهت ضحكتي
كان لي معاكي كام سؤال
ازاي قدرتي عن حياتى تبعدى
وازاى قدرتى تبدلى
ضحكة عيونى بدمعتى
هو انتي حالفه ع الحياه
ما تعيدها تانى بسمتى
كسر القلوب حرفة وخداع
هجر الحبيب من غير وداع
رسم الحقيقة ببسمتين
فيهم خداع عمر وسنين
كل اللى يسمع ضحكه منك
يفتكرها من فؤادك
نفسي اعرف ايه مرادك
من كلام الحب مره
واخدتي برضوا
من جراح القلب ايه
كل اللى كان عايشه بكلامك
كان خداع
افتكر إن المشاعر يعنى حبك
فجأه يلقى الحب ضاع
فجأه نبض القلب راح
واتبدل الحب بجراح
ضحكة القلب اللي كانت
بدلتها العين بدمعه
كل ايامه اللى كانت
بعد ما بالهجر هانت
صوت صراخ القلب.... سامعه
الضحكه راحت من عنينا
مافاضلش غير دمعه وحزينه
واللى فارق في الحكايه
مكتوب هناك إني ظلمتك
#كرم_محمد_حربي
أنت تقرأ
أحاديث المساء(قصص،خواطر،مقالات، قصائد)
Ngẫu nhiênحرفٌ يكتبما تحدثه به الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدلال، هنا الشجن ودموع الحنين.
