"ف الحقيقة ساعات الإنسان مش بيبقي مخطط لأي حاجة ممكن تحصله دايمًا بيتفاجأ بيها قدامه كدا من غير أي مقدمات ،وبيسأل نفسه ي تري هتبقي عاملة ازاي ؟ولا شكلها اي ؟ولا انا هعمل اي ؟،كتير من الأسئلة والقليل من الإجابات اللي نادرًا ما بنلاقيها."
الكلام دا انا دايمًا بقوله ل نفسي ودايمًا بوصل لنفس النقطة اللي مابعرفش فيها أجاوب نفسي و"تظل لحظة الصمت سيدة اللحظة". أنا فريدة حياتي كلها بقيت بشكل عشوائي من بعد ما اتخرجت من الجامعة ،م هي دي الحياة اللي كل بنت خريجة بتحلم بيها ،او بمعنى أصح الحياة اللي كنت بحلم بيها طول عمري ،كنت عايزة أسافر وأبدأ حياة تانية جديدة غير اللي كنت عايشاها وأدور ع شغل يناسبني هناك وأعيش من أول وجديد، ولكن أنا دلوقتي ف مصر وبحكم "الحكم المصري" ف انا مابشتغلش ب شهادتي والمفاجأة إني مابشتغلش أصلًا ..
معاناة صح؟مش فارقة انا بقالي سنة ع الحال دا بدور كل يوم ع شغل جربت الشغل اللي ع النت اللي المفروض يكسب ب الدولارات وماعمليش حاجة غير إنه ضيع وقتي وبس، جربت ف كذا مكان ومارتحتش فيه برده،ف في مرة كنت صاحية من النوم لسه لقيت فوني بيرن وكانت دي سما صحبتي بتقولي :
_صحي النوم ي كسولة هانم عندي ليكي خبر إنما إي لوز اللوز .
=اي ي بنتي ع الصبح خير ولوز اي ؟
_لقيتلك شغل ي فيري
(وكالعادة دي نفس الجملة اللي بصحي عليها كل يوم )
=ها وبعدين اي الجديد يعني !
_لا ما الجديد إن المكان دا طالبين فيه خرجي سياحة وفنادق ومحتاجين خبرة وانت اشتغلتي قبل كدا ف الموضوع دا وكمان المرتب مغري كدا وحاجة آخر عظمة من الآخر 💃
=ياااه وايه المكان العظمة دا ي آنسة عظمة ع الصبح!
_فندق five stars ف اسكندرية
=اي اسكندرية لا بتهزري !؟
_والله بتكلم جد .
حلمك اللي فضلتي تحاربي عشانه اهو فاضل عليه تكة صغيرة بس🥺 مش قولتلك اصبري وربنا هيراضيكي .
=طيب بسرعة بسرعة ابعتيلي عايزة أقدم .
_طيب إصحي كدا بس وفوقي واشربي القهوة بتاعتك بس وحياة ابوكي خليها زيادة بلاش السادة اللي ع الصبح دي.😐
=يلا ي سما اقفلي ...😒
#اسكريبت صغير ك مقدمة ل اللي جاي ❤️
#حكاية_فريدة
#ل_الكاتبة_مها_عادل
YOU ARE READING
الصمت يبوح بالروح 💙
Romanceلكلٍ من امل ما يسعي خلفه ،ولكن من سنن هذه الحياة القاسية أن يسعي كل شئ ورائك دون ذلك الأمل ،اشبهه من المستحيل حقيقي.. أيحدث شئ؟! لا نعلم . جرب ،وحسب. 💙
