لم يكن ذنبي

البارت الثامن

في مرات الحياة تغمرنا أشياء جميله
تسعدنا ثم تذهب ولا تعود أبداً
كأنها تخبرنا أنه لا شي يبقى لـ الأبد ..
هل سمعتم يوما (بالحزن الراقي)
هو ذلك الحزن الذي يحرق العيون دون دموع ويسكن في ايسر الصدر .. لا يعلم به احد غير ربك الرحيم
لان صاحبه لايشكيه ولايبكيه ..
بل يتعايش معه وفيه ..
إذا رأيت إنسان يكتب خواطر حزينه
فأعلم انه لا يتسول شفقه من أحد
إنما قدفاض القلب بما يحمل من هموم
فيريد ان يخفف ولو بالكتابة ..

من رحل لن يعود ومن ضرك سيضره شخص ما ذات يوم ومن أبكاك سيجد من يبكيه .. الأرض مستديره لا تظلمو فتظلمو ..!!

حنين : (بت الحارس) صارت بدل اسمي الكلمة الي سمعتها اكثر من الهوه الاتنفسه زغير وجبير يصيح عليه بهذا الاسم الي جنت اتكطع من اسمعه اخر شي اليوم من سمعت وحده من الطالبات كالت خل بت الحارس تلم فلوس الملازم... سجلت اسماء البنات اليردون الملزمه وطايره من الفرح احجي بكلبي الله هوايه اليوم اسماء يعني على كل اسم ربع احصل الحمدلله والشكر ربي خير من الله راح احصل اليوم اتفقت ويه ابو المكتبه الي احسه عينه وصخه وزايغه شسوي مجبوره اتعامل ويا لان يستنسخلي بسعر أقل من بقية المكتبات والربع يفيدني اخلص بي يوم من أيام المدرسة أو اشتري قلم دفتر شنو النقص العندي لان اني الاحذيه والملابس ناسيتها خل اوفر ربع للفه بالمدرسه والباقي مستغنيه عنه ومادري لشوكت نضل الدنيا تلطش بينا معقوله شلنا ذنوب ابويه؟ وجاي ندفع ثمنها بس هذا مو عدل والله مو عدل اخ من الدنيا...

سهاد : اباوع لبيتنا البسيط والاكل التعبان واخواتي نغم وازهار الي عيونهن تحجي ولو بيدهن يكلولي اطلعي بره امي الي احسها جابتني وتندمت تلوب وصافنه لو ابوي المخلي ايده على خده ومحتار بعد ساعات من جيتي ندك الباب توقعت ابو مهدي وفعلا ابو مهدي وعمتي ومهدي وعمهم جايين سلمو وبدأ الحديث وابو مهدي يتعذر من ابوي ويطلب منه يرجعني وانو متتكرر وساعة عصبية يعني كلش خجلان من تصرف عبد الرحمن
عبد الله: خويه ابو فلاح والله اتمنى الكاع تنشك وتبلعني على هذا الموقف الخلاني بي عبد الرحمن خويه اني اعتذر وحتى الكلمات ضاعت مني مااعرف شلون ارضيك وارضي بنيتنه سهاد بتنا ومستحيل نفرط بيها

ابو فلاح : ابو مهدي على عيني وراسي جيتك وتدري بينا احنا اخوه وما بينا زعل وسهاد بنتك بس شو رجلها ماكو لا اجه لا كال مرتي وبتي خل اروح الحكهن وهو مسوي وجهه خريطه من الدم والورم يصير هيج ياابو مهدي اكو واحد يضرب بهاي الطريقة يابه المره تنضرب وتترزل بس ضربه خفيفه مو بهذا الشكل ابنك من متزوج لليوم واكعلها دك ضرب ورزايل واهانات واني ماارجع سهاد اله اعرف السبب الخلاه يضربها بهاي الطريقة الوحشيه واتمنى متزعل مني
بعد إلحاح شيخ عبد الله وتمسكه بيه لان اني شايله خطاره طيلة فترة حملي اني اركض واشتغل وممقصره وحتى ب ٣ بليل مرات يكعدني اذا اجاه خطار من غير محافظة احسه اعتمد عليه لان عمتي زهرة عينها ضيكه وتدردم ومتحب الخطار وطبخها مو طيب لذلك شيخ عبدالله ارتاح طالما اني موجوده والكل حبو طبخي كلها تكول طيب ومينشبع منه واحسه عمتي تضل تفور من يكولون هيج وتضل تصيح وتطردني من المطبخ.. نرجع للواقع استسلم شيخ عبدالله وكال