رحت اشتري دجاجة مشوية انا واگف چان يجي رجال شايب مبين عليه فقير ومحتار سأل ابو المطعم بيش الدجاجة؟ گاله 10 آلاف دينار
الحجي طلع من المطعم وگعد يحسب بفلوسه وشوية ورجع لأابو المطعم گله زين ما عندك دجاجه زغيرة او تالفه وتنقصلي من سعرها ابو المطعم طلع تليفونه وگام يحچي بالتليفون وفرحان ويضحك...
الحجي خطيه من شاف ابو المطعم مامهتمله استحى وراح وگف على صفحه ينتظر ابو المطعم يكمل تليفونه وانا مصدوم ليش هيچ يتعامل وي الفقير وضنيت السوء بيه وبيني وبين نفسي گلت أنه ادفع للحجي فلوس الدجاجه ولا هيچ ينذ ل هذا الفقير
وضل واكف ينتظر ابو المطعم يكمل تليفونه
كمل ابو المطعم تليفونه وهو فرحان چان يروح گبل يجهز دجاجه مع الخبز والمقبلات واجه صاح الحجي كله تعال حجي تعال الظاهر انت وجهك وجه خير عليه هسه خابروني زوجتي جابت توأم وهاي الدجاجه مني الك هديه بهاي المناسبه
أخذها الحجي وگام يدعيله دعاوي خير ورزق وراح ومن بعد ما أشتريت وخلصت گتله يابه مبروك عليك ويتربون بعزك چان يضحك ابو المطعم وگلي لا يمعود ماكو هيچ حچي انا كذبت كذبه بيضه وان شاء الله الله ميحاسبني عليها گتله شلون بشنو چذبت
گلي هذا الرجال اعرفه وهو صدگ محتاج وفقير وحالته تعبانه وعندة ٣ بنات وزوجته وبناته يساعدنه بحياكة ليفة الحمام وهو يفتر يبيعهن بس مايقبلون واحد يتصدق عليهم ولا هو يأخذ صدقه وانا سويت هذا الفيلم گدامه حتى انطيه الدجاجه هديه مو صدقه وانا حبيت انطيه الدجاجه مجانيه بس بدون ما احسسه انو هو إنسان فقير وانا اتصدق عليه
الصراحه الموقف صدمني ودمعت عيوني وحاولت اتمالك نفسي وگتله لعد ابريني الذمه لأن ضنيت بيك سوء من شفتك تجاهلت الحجي
أجبروا خواطر الفقراء فلها منزله عظيمه عند الله سبحانه وتعالى وما اقبح الغني عندما يتسلى بدموع الفقراء سيكون عذابه عند الله عسير
اللَّهُم اكتب لنا في هذا اليوم مـن الخير ما تقسمه لخلقك
وأكفنا شـر ما يكون قـبل أن يكون
#طبعآ_القصه_حقيقيه🤲🤲🤲
اكو واحد ماخذ نسوان اثنين .. ايگول ذاك اليوم جنت تعبان ونزلت من الدوام تيهت الليلة عند منو ابات .🤔 وچان اروح عالزغيره بتت عدها ومن صار الصبح جاي اتريگ بالطارمه وچان تدخل الچبيره من باب الحوش و شايله طابوكه جبيره واجت باتجاهي عدل 👿 يكول احس گلبي طاح بين رجليه 😱 ردت اشرد انوب حيلي باد ورجليه ماتن ما شالنی..! ايگول : گبل ما توصلني بشوية وچان تلتفت ع الچلب 🐕 وتضربه على ظهره وشلعت ضهره شلع 😡👌 ايگول : گلتلها ليش ولج ضربتي الچلب 🐕
گالت : حتى يعرف انوب وين ايبات 😂😂
. . من فلك طرج كون 😂😂👌
كلولهم … مريت من يمهم امس ودموعي نزلت دافية شتاگيت لسوالف شخص ضحكاتة جانت عافيةة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
