شيخ البصره والبغدادية ♥️.

البارت الرابع 💙💫

♡︎..
♡︎..
تگلب بالصور وتغورگ عيونك
وصدفه تلگه هواي وادم چانو يحبونك.
♡︎..
♡︎..

شيخه:شفت بابا راح ع رجال جبير وحضنه وكام يبوس بي ويحضن ويبجي كلت لفهد.... هذا جدوو؟؟
فهد:ايي هذا جدو والزلم لكبار (اشرلي ع زلم ثنين )هذولي عمامي
شيخه:اهااا... كلهم سلمو الا اني ضليت واكفه شوي بعيد عنهم صاحني بابا
ذياب:تعاي بنيتي سلمي ع جدج وعمامج
شيخة:رحت ع جدو وبست ايده وراسه وسلمت ع عمامي جان يجون زلم ثنين لازمين خرفان كبار ويردون يذبحوها اني بسرعه لزمت دشداشة بابا من وراه وغطيت راسي كتله.... بابا امانه كول الهم خلي يعوفوها خطيه والله
ذياب: لتخافين حبيبي
شيخه:شوي وشفت الدم كام يجري اني تخبلت وكمت ابجي واعيط بابا واخره امانه بابااا عفيه كللهم خلي يوخروا بابا ختنكت راح اموت (اني عندي خوف من الدم من زمان من عمري ٨ سنين شفت صديقتي تنقتل كدامي وغركت بلدم ومحد يساعدها من وره هلحادث صار الدم اكبر مخاوفي)بابا ضلي يهدي بيه واجه عليه عمو شاهين وشالني من ايد بابا ودخلني جوه يحجي وياي
شاهين: شبيج بنيتي شبيج حبيبتي شنو صارلج
شيخة:نعاد عليه نفس الموقف مالت موت صديقتي بعد ماحسيت بشي الى ان كعدت واني بغرفه  ومحد يمي جانت الدنيه ضلمه تذكرت الي صار وسحبت رجليه لصدري وكمت ابجي حسيت احد فتح باب الغرفة ماركزت بيهم لان جانت ضلمه وعيوني مغوشه من الدمع اجاني صوت ماما
اساور:ها حبيبتي كعدتي... شغلت الضوهه وجتي يمي.... شبيج يا امي كافي ماماتي كافي مو زين عليج هسه تختنكين
شيخة:ماما جيبولي ساندييي اريدهااا ليشششش اخذتوهااا مني ياربيييييييي ماماااا فدوا بداعت بابا جيبوها دخل فهد وبابا ولد ماعرفهم اجه فهد يمي وكال كافي حبيبتي هسه اخابر ع جنى واحجي وياها بلكي تنسين
شيخه:ماريد ماريد... ضليت ابجي واختنكت اجه عمو شاهين وكال
شاهين:بلا زحمه اريد احجي وياها شوي خلونه وحدنه
شيخه:ضلو يباوعون علي وهوه عاط بصوت هادئ
شاهين:اطلعو وخلونه وحدنه عندي حجي وياها
شيخة:عافونه وطلعو باوعلي وكال
شاهين: باباتي شيخة ماكافي بجي
شيخه: اريدها عمو مشتاقتلها
شاهين:ادري حبيبتي بس مو هيج هسه هيه راحت يم الي احسن مني ومنج ارتاحت من الدنيه وارتاحت من عذاب ابوها هسه هيه طير من طيور الجنه ياحبيبي انتي
شيخة:عمو ليش ما مات ابوها ليش هيه ماتت
شاهين: استغفرالله بابا ميصير هيج تكولين انتي جبيره واعيه ميصير تعترضين ع حكم رب العالمين الله سبحانه وتعالى اعرف بكلشي اكيد من صار هلـ شي لساندي خير هسه هيه لو ضاله وابوها الي ميت وين تضل مو ماعدها احد لا ام ولا اخ ولا عم ولا احد وين تضل كليلي
شيخه: تضل يمنه اني وهيه اتفقنه من يموت ابوها تعيش ويانه وماما وبابا ماكالو شي
شاهين:ماراح ترتاح راح تعيش بذل ياهو يجي يعيرها لأن كاعده عدكم
شيخة:شعلينه بلناس هيه جانت موافقه
شاهين:ادري حبيبي بس الناس مترحم وخاصتاً هيه يتيمه ماراح تعيش بسعاده ترحميلها وكومي صلي وادعيلها
شيخة:باوعت علي... تمام عمو باس راسي وطلع كمت توضيت وصليت ودعيت الله يرحمها ضليت كاعده ع السجاده واسبح ماحسيت ع حالي من نمت كعدت ع صوت الأذان فركت عيوني اباوع نايمه بغير غرفه مو نفس الغرفه الي جنت بيها كمت توضيت وصليت ضليت افتش بلغرفه وفتحت الكنتور جان بي ملابسي اخذت تراك لون ماروني
هذا وطلعت من الغرفه البيت جان جبير حرت وين اروح وين الحمام نزلت جوهه وسمعت صوت ضليت اباوع جان تصيحني مره جبيره اكبر من ماما وياها بنات ثنين يطلع عمرهم بلـ٢٠ اكثر
شيخه: صباح الخير
ام شاهين ونسوان اخوته: صباح النور
ام شاهين: هلا بنيتي تعاي اللهم صل على محمد وال محمد ما شاءالله يمه شنو هلـ الجمال قل اعوذ برب الفلق عين البارده عليج
شيخه:باوعت عليها وابتسمت....جمال عيونج باجي حبيبتي رحت عليها بوستها وبوست البنات
ام شاهين:يبعد حيلي انتي هذول جنايني هاي نويره مرت قاسم ابني الثاني وهاي طيوب مرت جاسم ابني الأخير وبنتي زهراء بعدها نايمه
زهراء:لا يمه كعدت...صباح الخير
شيخه:نداريت شفتها ما شاءالله تخبل...صباح النور سلمت عليها وبوستها عرفت هيه بكدي باوعت ع زهراء
شيخه: زهوره عمري وين الحمام بلا زحمه
زهراء:منا פـبيبيَ اخذتني دلتني علي تشكرت منها وراحت صعدت فوك جبت هدومي والشامبو وهذن الأشياء ونزلت سبحت وطلعت  جنت داعدل بلخاولي ومدنكه ونضرب بشخص بتعدت وكلته اسفه بدون مارفع راسي رد
هيثم: ولا يهمج خويه...نعيماً
شيخه:الله ينعم عليك...رفعت راسي نصدمت بجماله سبحان الله جان ولد يخبل اشكر وعيونه عسلي ع صفار واللحيه الخفيفه المحدده وجان لابس تراك اسود ضاب ع جسمه ضليت صافنه بوجها محسيت غير ع كرصه من زندي لزمت ايدي وكتله
شيخه:اوي ليش هيج توجع
هيثم:صارلي ساعة احجي وياج ومتردين
المهم اني هيثم ابن عمج وليد مدلي ايده مهندس معماري
شيخه:مديتله ايدي وتصافحنه وكتله....اني شيخه بنت عمك عزام صف رابع ثانوي
هيثم: تشرفنه بنت العم
شيخه:الي الشرف
هيثم:اااا روحي تريكي لأن حطو ريوك
شيخه: تمام شكراً وانت هم تعال
هيثم:يي هسه اغسل واجي
شيخه:تمام....عفته ورحت للمطبخ شفت زهوره كالتلي
زهراء: نعيماً حبيبتي
شيخه: الله ينعم عليج كلبيـہٰ شو كاعده هنا امشي نتريك
زهراء:هاا لا بعدين اكل اني
شيخه:شنو بعدين امشي وياي واذا ماجيتي اني اضل كاعده يمج وهم ما اكل
زهراء:شعليج بيه פـبيبيَ روحي اكلي انتي من لبارحه كلشي مماكله بعدين اكل اني
شيخه:لا والله ماكل اذا مو انتي وياي
زهراء:تمام لعد احط ريوك هنا الي والج ونتريك
شيخه:تمام براحتج...كعدنه نحضر بلريوك واجه هيثم
هيثم:ها شو كاعدات هنا متروحون تتريكون
زهراء:راح ناكل هنا انت ليش مارحت
هيثم:شتدرين بيه اكل وهيه كاعده
زهراء:هم صحي تعال اكل ويانه
هيثم:يي ليش لا
شيخه:اباوع عليهم يحجون واني كلشي ممفتهمه...عن منو داتحجون...باوع علي هيثم وكال
هيثم:خويه زهراء عرفيها ع الحيايه ولتنسين ولا وحده حتى تاخذ حذرها ولو مبين عليها ذيبه بس الحذر واجب
زهراء: هههههههههههه دلل خويه
شيخه:اباوع عليهم وكلشي ممفتهمه.... الحمدلله كلشي مافهمت شداتحجون فهموني
هيثم: لا تخافين هسه يجون وتفتهمين
شيخه:تمام.... صبينه الأكل واكلنه وهيثم كمل وسلم علينه وطلع
جابو البنات المواعين وبلشنه اني وزوزو نغسل بيهن الجنايين ينضفون البيت وجتي ماما وام شاهين يسوون غده خلصت شغل ولزمت الفون جتني رساله
:مشتاقلج اريد اشوفج
شيخه:منو حضرتك
:مهم تعرفين؟؟
شيخه: تحجي لو احضرك
:هههههه احبج خبلتي
شيخه:ادبسز طايح الحظ ماعندك شرف تكعد تتغزل بنات العالم اني اعلمك
:اووف اووف ليش تعصبتي
شيخه:دروح بابا روح....حضرته وكعدت يربي منو هذا
شوي ودخل عمو شاهين
شاهين: السلام عليكم
الكل: وعليكم السلام
شيخه:باوع علي وابتسم
شاهين: شلونج بنيتي شيخه
شيخه:بخير عمو الحمدلله
شاهين: الحمدلله
شيخه:باوعلي وابتسم واشر ع الفون فتحته وجتني رساله هم من رقم غريب
:شيلي الحضر
شيخه:رفعت راسي شفت عمو يحجي ويا خاله....رجعت دنكت راسي وصحت زوزو פـبيبيَ تعاي شوي...جتي زهراء
زهراء: ها عمري
شيخه:تعرفين هذا الرقم.... اخذت الفون وجابت فونها وكعدت تشوف باوعت علي وكالت
زهراء:هذا رقم شاهين...وابتسمت
شيخه:باوعت ع عمو وشفته ملتهي....زين شوفي هذا الثاني
زهراء: هذا هم مالت شاهين... ليش داتسألين
شيخه:لا פـبيبيَ ماكو شي بس ذاك اليوم اخذت رقمه ونسيت اسجل علي اسم وهسه اريد اشوف مالـ منو... باوعتلي بعدم تصديق وابتسمت
زهراء:تمام كلبيـہٰ
شيخه:راحت زهراء وعمو شاهين ماكو شلت الحضر وراسلته
شيخه:شلونك عمو
شاهين: ههههههههه هلا يابه
شيخه:ليش ماكلت اني شاهين حتى اعرفك واسفه لأن تجاوزت عليك
شاهين:لا يابه لتهتمين
شيخه: تمام.....سكتت وهوه هم سكت وره دقايق دز رساله كلبي وجعني اريد ارد ماحس غير جفتو علينه جوكه نسوان وبنات وجهال سلمت عليهم وابوس وارجع ليوره خدي نخسف من كد البوس كعدو وردت اروح للمطبخ يم البنات بيبي ماقبلت كالت
فضه:تعاي يمه شيخه كعدي يمي باوعت ع ماما اشرتلي اروح اكعد كعدت يمها وحضنتني ريحتها جانت تجنن شميت شيلتها قوي وحضنتها
ضليت كاعده شوي بحضنها وكمت اروح للغرفه لان حسيت حالي تعبانه تمددت وطلعت الفون شفت رساله عمو شاهين ستحيت لأن مارديت علي صارله ربع ساعة من داز الرساله فتحتها كاتب
شاهين:احبج
شيخه:ابتسمت ورديتله... ممكن اسألك سؤال؟
شاهين:اسأل انا بلأول؟
شيخه:تفضل
شاهين:وين جنتي؟؟
شيخه: والله اسفه رديت متأخر بس من دزيت الرساله دخلوا النسوان ولتهيت ابوس ما شاءالله هواي
شاهين:ههههههههه راح اتصل عليج ماحب المراسلات
شيخه:هاا تمام...توترت اتصل ورديت
الوو
شاهين:اووف يابه شنو هلـ صوت روح الألو
شيخه: عمو لتحجي هيجج تره اسده
شاهين: سدي وشوفي حتى اكسر راسج ادبسز تهدد
شيخه:من حجه هيج متحملت وكمت ابجي
شاهين: سكتي لتبجين
شيخه:ماسكتت وزدت بلبجي
شاهين:كتلج لتبجين بنت الكلب ليش ماتسمعين الكلام
شيخه:من غلط ع بابا عطت بي... احترم نفسك لتغلط ع بابا مو صوجك صوج لزماله الي قبلت تحجي وياك سديت الخط بوجها دز رساله
شاهين:اني اعلمج تسدين الخط بوجهي مو اصبريلي حيوانه
شيخه:حضرته وكمت ابجي اكثر.....يربي ليش هيج اخذني وخلصني ياربي محسيت ع حالي من نمت كعدت ع صوت زهراء
زهراء:شوشه كومي حبيبي تغدي كومي
شيخه:ماريد
زهراء:شنوو متريدين حبوبه تصيحج
شيخه:فدوه زوزه كولي الها متريد لتضغطين عليج كلبيـہٰ انتي
زهراء: ماشي حياتي براحتج
شيخه:عافتني وراحت واني رجعت نمت كعدت ع صوت الأذان شلت راسي وشفت الساعه بلـ٤:١٥ يوو راحت علي صلاة الضهر كمت عدلت فراشي وطلعت للحمام غسلت وتوضيت ورجعت للغرفه صليت العصر والضهر وكمت طلعت تراك حلو وبدلت وسويت شعري ضفيره ورشيت عطر ونزلت رحت للصاله وشفتهم كلهم كاعدين....مساء الخير
الكل: مساء النور
نسرين عمتي: عيني هسه شرفتي شنو تستنكفين تكعدين ويانه؟؟
لبارحه موتي حالج وليوم كضيتيها نوم
شيخه:باوعت عليها بملل وههه مو وكتها... لا عمه ما استنكف بس ماحب التجمعات ومن يصير عدنه هيج تجمع اروح انام لأن ماعدهم حجي غير كالت فلانه وحجت علانه واني مالي خلك ذني السوالف...
نسرين:يمه شلون لسان قليلة ادب شلون هيج تردين عليه
شيخه:اني تعلمت الي يدوسلي ع طرف ارده واني ماكتلج تعاي حاجيني كلهم سكتو ماحجوا ولا كالوا ليش جنتي نايمه الا انتي
ومن حجيتي اني رديتلج وماكلت شي غلط هذا الصحي ومتأكده ميه بلميه انتو هسه بكعدتكم هاي شلتوا ذنوب الناس كلها... سكتت وماحجت شي بعد باوعت ع ماما وبستها بخدها... مشتاقتلج
اساور: حبيبتي بنيتـჂ̤ باستني براسي
شيخه: وين بابا؟؟
اساور:بره يم جدج
شيخه:اهاا تمام... كمت للمطبخ شفت زهوره كاعده...ها زوزو شوو كاعده وحدج باوعت علي وكالت
زهراء:هلا كلبيـہٰ شسوي اكعد يمهم ع الأقل من اكعد وحدي هدوء
شيخه: والله متلامين...ضلينه نحجي شوي ونسولف جمي بنات عمو وليد دحكو علي وكالت غسق
غسق:امشو بنات ويانه
شيخه:وين
فجر:وين يعني للبيت احسن متضلون هنا يم نسرين انا متحملت وكمت تدقق
شيخه:كمت اضحك عليها كتلها والله ياريت اريد اطلع ختنكت بلبيت راح اطك
فجر:يلا لعد كومو بدلو حتى نروح هسه يجي هيثم ياخذنه
شيخه:مدري خاف ماما متقبل
غسق:اني اقنعها لتخافين بس كومو
زهراء: انا ماروح
فجر:ليش متروحين امانه كومي والله نتونس
زهراء:لا ماكدر منو يساعد ماما
غسق:ولج غمه يمها الجناين ويمها البنات غصب عنهن يكومن كومي زهره الله عليج
شيخه:ييي يلا زوزو نتونس والله بداعتي كومي
زهراء: تمام اجي وياجن بس انا ماكول لأمي
فجر: معليج انا اقنعها بس كومي
زهراء:ماشي
شيخه:راحت فجر تكول لماما وخاله ام شاهين شوي وجتي تركص...ها شصار
فجر: تباوع بغرور...اكيد ميردوني قبلن
غسق:يايييي ليوم السهره للصبح يلا بنات كومن بسرعه
شيخه:كمنه اني والبنات اني صعدت لغرفتي لبست هيج كلش احب البس هيج