مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
إني عشقتك واتخذت قراري.. فلمن أقدم يا ترى أعذاري؟ لا سلطة في الحب تعلو سلطتي فالرأي رأيي والخيار خياري.. هذي أحاسيسي فلا تتدخلي أرجوك بين البحر
_نزار قباني _
__________________
فاطمة
قبل اسبوع عقدنا اني وعلي بالمحكمة يمكن أجمل فترة تعيشها العروس أو إلي على وشك الزواج هيه فترة الخطوبة كلشش حلوه مشاعر حلوة ودافئة ولو هسه احنه بعز الصيف چنت أكول مستحيل اتزوج على حب لأن شخصيتي كلش خجولة وحتى جملة ماعرف ارتبها وارتبك بس سبحانك ربي خله حب علي بگلبي من الطفولة وسن المراهقة وهسه ماكدر يمر يوم بدون ماسمع صوته ماعرف ليش عمتي وامي يلحن عليه عالعرس واني اريد أطول فترة الخطوبة احس احسن علمود اتعرف عليه أكثر
اليوم راح نطلع نختار غرفة ونحدد موعد للعرس يعني نفتر لأن مطالعين من قبل اني وعلي مادري خايفة مع انو كل الثقة منطيتها اله ومتأكدة راح يكون أفضل شريك إلي بس من سألت صديقتي كالت شي عاادي وكلساع وحدة مخوفتني على ليلة الزواج واني اتطافر منا ومنا واتشرد من الموضوع
صح نسيت أكول واخيرا اخوي العود راح يتزوج طشيت الخبر بالمنطقة يايابة الفرحة وامي طايرة طير وطبعا هذا كله بمجهودي الي اني بذلته خليته يشوفها بالخطبة وتسودن عليها مسوي نفسة ثكيل واني اعرف كل الي بكلبه بمجرد نضرة بس لهسه مراديلنا جواب واني وملاك وزهراء على تواصل مسوين كروب ونتراسل عليه كلساع نتعراك اني وياها هيه تكول ماتزوجج اخوج المهلس خليه الج واني أكلها تتمنين واحد مثله ومثل جماله وعلى هالرنة طحينج ناعم لو المراسلة بيها ممالخ من الروس چان تعاركنا
اتصلت عليه علمود اعرف يمتى يجي گال بعد ساعة واني وين الحك اتجهز من النوع الي أضل ساعتين ركضت طبيت جلفت نفسي جلفه من هاي الزينة وحطيت مكياج بس ماطوخت لأن ماحبة احس قناع وحاطته على وجهي ولبست فستان اسود تسعين يصير ساك عالجسم وفوكاه يلك نيلي كلش حلوو وعجبني لفيت حجابي وكملت نزلت جوه سألت صبا عن اللبس
