" وتبقى أفضل الأمنيات هي أن يجد كل منا من يستطيع أن يسكن إليه وبه من نبدأ معه وننتهي معه أن لا نعاني من الفقد أن نجد من يهوّن علينا مُرّ العيش من يبقى كما عرفناه أول مرة أن لا نقطع طريقًا كاملاً مع شخص ثم نكتشف أن عمرنا تناثر هباءً أن لا نُخدع، أن لا نفقد ".
بابل عام 2017...الساعة ال8مساءا بتوقيت بغداد
حبوبة خل اروح وياج حبابة
ولج ما تكدرين تتندمين والله حتى ما تتونسين
اي عادي اني اريد اروح صار هواية ما رايحة للزيارة
راح اخذج مو هناك وتكليلي تعبت اموتج والله .......
اي كمت حضرت تنورتي وسترتي يبوو هم البس تنورة هسة بعدني صغيرة واني ضعيفة يعني شيصير لو البس بنطرون مثل البنات اوفف هسة بالله وين الكة عباتي اي هاية همزين لكيتج شكد اكرهج هفف واني احضر بملابسي حسيت شعور محلو هذا الشعور دائما يجيني من يريد يصير شي مو زين يالله اهم شي الروحة رحت نمت كعدتني حبوبتي الصبح كمت لبست وطلعنة اني وياهه مرت على صديقاتهه ٢ اخذتهن وياهه وانطلقنة زيارة عرفة الزيارة كانت عبارة عن دود مو ناس كوة مشينة شفت محلات حلوة وملابس تخبل ضليت امشي وصافنة عليهن شفت بنطرون كولش عجبني كلت خلي اكول لحبوبتي بلكت تشتري الية صديت اريد اكوللهه ملكيتهه ضليت ادور عليهة ملكيتهه كلش خف يربي وينهه ستوهه جانت وياي تجمعت الدموع بعيني وتذكرت شغلة كلت ليش ما اشرد واخلص من ضلم اهلي بس بعدين تعوذت من الشيطان وضليت امشي والتلفت ولكيتهة دور علية اجيتهه وكامت تصيح علية وين جنتي ويامن رحتي اني اعلمج صوجي جبتج وياي عرفتج مواعدة واحد والله اني اعلمج بس خلي اوصل الة اكول لبوج واخلي يأدبج يا طايحة الحظ صفنت عليهه بالله هاي شبيهه شكول شكول لا خلقة ولا اخلاق صوجي اجيتج ما شردت طبعا احجي بكلبي لو سامعتني تحطني وتكتلني كدام الناس ولا تستحي كملنة طريقنة وصار العصر حبوبتي مستعجلة اهلهة باجر يسون عاشور وتريد توصل من وكت علمود تروح ركبنة من سيارة لسيارة وصلتة الشارع العام نعبرة وناخذ سيارة ونوصل لهلنة بس واحنة نتضر السيارات تروح حتى نعبر الشارع خلة شوية وعبرنة وحدة مكمشة بالثانية ما حسيت غير حبوبتي وكعت على عبرة الشارع وراسهه ينزف دم صديقتهه على الرصيف ترفس صديقتهه الثانية رجعت من ما عبرنة رجعت لمكانهه والسيارات تتخاطف الكيك طشر بالشارع السيارة الي دعمتهن مسافة يالله وكفت ضليت صافنة مدري شجاني لت بجيت لا صيحت بس ضليت صافنة التفت لكيت اهل التكسيات صافنين واني صافنة اجو اهل التكسيات اجة واحد حضني وكال انتي بنت منو كتلة بنت .....
كلي انتي اخت محمد كتلة اي جرني واخذي لسيارتة وقفل السيارة علية كلي ابد لا طلعين هسة اجي راح اني ضليت على كعدتي وعندي عادي ولا كانو شي صاير مدري منين نزل هالبرود علية ورى شوية اجة الولد وركب سيارتة وراد ياخذني اشوف الولد يرجف وكل شوية راد يدعمنة لو ما الله ستر كتلة لا تعبر منا ما اكدر اعبر على الجذع (جذع نخلة حاطينة شلون الجسر على النهر حتى نعبر علي))امشي بالطريق الترابي وصلني لهلي لكيت اخوية بالدرب ماخذ كسريته (نوع من انواع الاسلحة )يريد يروح يصيد حجل السايق كلة القصة اخوية كلش متعلق بحبوبتي حتى عايف امي وينام يمهه هية الي ربته صار وجهه اصفر ركب ومشة واني نزلت كلت القصة لهلي كامو يتصايحون ويبجون واني على كعدتي رحت بدلت وكعدت اجانة خبر حبوبتي وصديقتهه ماتن بس صديقتهه الثانية ضلت عايشة كامت امي كالت كومن البسن اسود ونضفن كمنة لبسنو اسود نضفنة البيت ونمنة للصبح كعدنة جابو الجوادر نصبوهه والناس بدت شوية شويه تلتم وعياط والناس تكفش وتذب وياهو التجي تسئلني عن الحادث يبوو والله مليت كافي عاد كامن خواتي وخالاتي وبنات كرايبنة خبزن ونضفن للنسوان تذكرت سالفة لمن ضعت وهددتني تكول لبوي هاي حوبتي والله يحبوبة شورت بيج استغفرت ربي وكمت يم النسوان انطيهن ماي وجاي وكل التجي تكلي لا تفكرين وانسي واقري قرءان كلش عاد اني افكر والله يا الله ثاني يوم الفاتحة اجتني الدورة يبوو كمت علمتني امي ولبست وكمت اشتغل خلصت ايام الفاتحة واجت الصدمة الكبرى الية
هلو اني فاطمة عمري حاليا ١٨ سنة اني بنية عادية ما اكول جمال لا بنية سمرة الية حلك وخشم وعيون 😂👌وطويلة طولي 165 وزني 50 شعري قصير وهايهية المهم نكمل
اجة ابوي وكام يصيح ويضرب بيه عادي اني متعودة على الضرب يضرب ويصيح ساق... كح... ترحين تواعدين من وراي اني صوجي خليتج طلعين اخر شي ضربني ضربة بطني تقيئت دم كمت اتنفس انفاسي الاخيرة تفل علية وكال اني متبري منج دنيا واخرة ولا انتي بنتي ولا اني ابوج ولا اريدج بيتي صدمة صدمة صدمة ما يريدني بيتهة امي كامت تصيح وطفر عليهه خلاهة تزوع العافية ما بيدنة شي ابوية ضالم وايدة والضرب من وعيت على الدنيا وهوة يضرب بينه وبأمي ليش والله لان تزوج امي جبر زين احنة شعلينة بس الادري بي انو اني اكرهةجرني من ايدي وطلعني برة اسمعي ولج وجهج ما اريد اشوفة واذا اشوفج بمكان طلقة واخلص منج ومن عارج وعافني ومشة ضحكت صفح دروح علساس اني ميتة عليك والله يا الله رحت لمي اسمعي يمة اريد مستمسكاتي وعباتي وبوشيتي جيبيهن الية اولي من يمكم وعساني لا رجعت
امي.........
أنت تقرأ
فاطمة والزمن
General Fiction" وتبقى أفضل الأمنيات هي أن يجد كل منا من يستطيع أن يسكن إليه وبه من نبدأ معه وننتهي معه أن لا نعاني من الفقد أن نجد من يهوّن علينا مُرّ العيش من يبقى كما عرفناه أول مرة أن لا نقطع طريقًا كاملاً مع شخص ثم نكتشف أن عمرنا تناثر هباءً أن لا نُخدع، أن...
