لم يكن ذنبي

البارت العاشر

#شنفضهن نفض شو كلهن التمن
لا عطوه النطني ولا رضن يهدن
سبع سهام كلهن فد وكت هدن

#سهم وداع
#سهم اوجاع
#وسهم ذاك العزيز الصار جوه الگاع
#وسهم موطن وشعبه انباع
#وسهم دنيه من اغمها شخربطت الأوضاع
#وسهم عمري وشبابي الضاع
#وسابعهن العوز الأكل بيه اضلاع

#شنفضهن بعد وانيابهن حدن
شاة وبين سبع ذياب شيخلن
انا بطرگ العظم والدود بيه اكلن 💔

مساء الورد على عيونكم

سهاد : دخلت للبيت والكه زينة مدنكه راسها وتبجي مخنوكه حتى متكدر تحجي ركضت خليت ايدي على ظهرها وضليت اسأل بيها مستمره تبجي واخوتها فاحطين من البجي ولج شبيج شلعتي كلبي دارت ظهرها شهكت يمه وين شعرج؟.

زينة : يوم عمه فاطمة طفرت من الحايط كالت  بس اعدلج الأطراف واني وافقت محسيت اله كاصه نص شعري وأخذته وركضت طلعت من الباب وملحكت بيها ورجعت تبجي

تحجي وتجر بنفسها وكوه فهمت هنا ربطت كلام ام زهراء من حذرتني من عمتي اخذو شعر زينه على مود الأعمال الشيطانية شلون ياربي ارحمي واحميني من كيدهم يربي شمسويه اشو خلصت عمري مكفخه من جنت بنيه عد اهلي الحد الان ماكو يوم الدنيا رحمتني وصيت زينة على اخوتها ورحت فتحت الباب توجهت البيت عمتي الي صار يقبض النفس دكيت الباب كسرته وماكو احد يفتح اخر شي طلعتلي مرت رياض الوكيه مال عمتي حجيت
سهاد : شلونج نجوى فاطمة وعمتي موجودات
نجوى : هلا خيه اي موجودات فوتي ليش وجهج احمر جنج تعبانه بس لا حبلتي بعد
باوعت الها صفح ودخلت لكيت عمتي فاله شعرها تخلي حنة وفاطمة يمها عيونها مال وحده مو راحه أعوذ بالله سلمت عليهن ردن من وره خشومهن سألت
سهاد : فاطمة وين شعر زينة وليش هيج كاصته هي تحب شعرها طويل وسرح طبعا فاطمة شعرها صوفه مال طلي تغار من كل وحده شعرها سرح لان هي حتى متفتح شعرها لان اذا تفتحه يصير سيم
جاوبت
فاطمة؛ : ياا فلك صابها هي توسلت بيه اكصه الها كالت يحكني وامي وصخه متدري عني كصي خل اخلص منه وشمدريني وين شعرها غير ذبيناه واجه ابو الزبل شال الزبل وراح ويه زبل

سهاد : فاطمة تحجي وامها تضحك ومنصيه راسها متشارك بالحديث وهنا تأكدت عمتي زهرة ناويه علينا ومستحيل تعوف عبد الرحمن عايش بسلام جاوبت فاطمة اي اني وصخه بس اتذكري اني جنت شايله هذا البيت ومن عفته شوفي حاله ولو من امهات الوصخ جان كعد حظي وعفتهن ومشيت التفت شفت عمتي تضحك وتهز براسها طلعت كبل لسوك اتسوكت ورجعت ع سريع وكمت الاحظ كل خطوة منهم اما زينة بعد ما جانت وين مااخذها يخطبوها مني هالفتره صار العكس كمت وين مااخذها النسوان تعيب عليها او يكولون محلوه او مطالعه عليج مع العلم زينة حلوه وصاحبه جسم مرتب وشعر طويل وسرح وبي لمعة بس شعرها يسواله مره ومره من المرات الباب مال الحوش مال البيت بي فتحة كلش جبيره يعني ينشاف من جوه اذا ادنك راسي كعدت اصلي صلاة الفجر بعدما عبد الرحمن علمني على الصلاة والقرآن الي تعلمهن من المرجع اليقلده ويطبق كلشي يكوله احس صار بين نارين نص من عنده للحرام وابليس ونص لربه عبد الرحمن وضعه يحير فكملت وضوء انداريت شفت جوه الباب خيال مال شخص يم سيارة عبد الرحمن تقربت بهدوء باوعت من جوه الباب شفت عمتي بيدها طاسه وترش على سيارة عبد الرحمن وبلعتبة مال بيتنا مااعرف شنو ترش وتقرأ هنا تخبلت فتحت الباب ع سريع نهزمت ودخلت وسدت بابهم احنا حايط لازك بحايط كلبي ضل يرجف وعيوني غوشت ركضت لعبد الرحمن حجيتله طلع وياي شفنا على سيارة طكع مثل الطين ريحته تكتل تكول عبالك ريحة خيسه او فطيسه ميته جاب عبد الرحمن مي وقرا عليه آيات ورشه بنفس الأماكن بس الظاهر الأعمال الشيطانية مو بسهولة يزول اثرها ومفعولها ويرادلها سادة تبطله مو آيات بسيطه
ومنا بدت المصايب تتراكع على روسنا اولهم عبد الرحمن الي ضل يتكاسل من الشغل وكوه يحرك نفسه يا دوب يطلع  مصرف على كد اللگمه وعصبي نار اكثر من عصبيته القديمة ويبسط باطفاله وحتى أصدقاءه قاطعهم تصرفاته صارت غريبة لأبعد حد وزينة الي كامت تعاند وتمردت وصارت وحده ثانيه وكثرت طلعاتها ويه فاطمة بحجة لسوك او لسناء صديقتهن بعد فرعين عنه ومن مااقبل عبد الرحمن يكب عليه الي فجأه كام يحب امه ويطيعها طاعة عمياء!! واني مو من النوع الي ادور هيج سوالف او انتبه تناسيت الموضوع الشفته وغلست عنه كلت يجوز اني متوهمة وهي مرشت اي شي ضليت اغالط نفسي وهو اني طبعي هذا عندي برود ومااعرف مثل بقية النسوان افتر او ادور سادة ومن هل كلام كامت اشياء تختفي من البيت وملابس اشرها الكه قطعة مفقودة دخت وبعد معرفت شلون اتصرف البنات وطلباتهم والولد وطلباتهم وعبد الرحمن وتغييره الي صار يخلصها نوم وكوه يطلع يشتغل أطفالي زغار لان جبتهم واحد فوك واحد ومره عبد الرحمن كال بدلي للولد اريد اطلعهم وياي كتله وين رد مالج شغل وعيونه مخنزره عليه خفت يضربني نفذت بدون صوت كال