مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
شلون انام وهيه حالتها هيج الكل صعد لأن الساعة بـ٢ بالليل اني انتضرتها إلى أن نامت يلا صعدت وأفكر اني دمرت عائلتي عزيز لو ما جرحتة مايسوي اي شي إلى متى يا زهراء شكد اكره نفسي من اباوع على نفسي بالمراية اشوف وحش مو انسان اشمئز من نفسي ومن افعالي ومن كلشي بيه قررت بوقتها أوافق على هالزواجة لأن شفت الاذية إلي سببتها لغيري اختي الي هيه روحي من الدنيا من كثر تنمري عليها واني صغيرة صارت ماتاكل الي تريدة وعدها فوبيا من جسمها وشكلها ونزعت نضاراتها الي هيه بحاجتهم علمود تشوف وماتعالجت بسببي وبسبب كلماتي الجارحة الإنسان كل مايكبر يشوف اخطائة ويندم بس شيفيد الندم؟؟ وجروح الأشخاص الي جرحتهم بعدها تنزف
كلشي كاعد يصير وياي من تشتت وحزن وضيم من أيدي ومتقبلة كلشي كاعد يصير اني دمرت حياة أشخاص مو شخص واحد ..
النوم فارق اجفاني الحمراء فتحت تلفوني بالأول كعدت اقرا قصص چنت مشتركه بالفيس بكروب مال قصص قصيرة وصدك لو گالوا الي يشوف مصايب الناس تهون عليه مصيبته فتحت الرسائل لكيت زينب بعدها فاتحة نت تراسلنا صوتيات لأن مابيه حيل اراسل وكعدت اسولفلها وهيه تسولفلي الله رزقني بصديقات يستمعون إليه حتى لو اني غلطانه ينصحوني وهذا إلي أحبة بيهم
