#منـو عنـده ملـح بـي خيـر
هـذآ يفشـل #العنـدي
اشـو كـلما #تظوگـة النـاس
تنسـه وتنگلـب #ضـدي...
مساء الورد والياسمين
عبد الرحمن : التفاصيل تعرفوها مال موت الاولاد راح احجيلكم شويه عن الحادث.. حفرة جانت بالطريق ومشفتها جانت الدنيا ضلمة ومحسيت اله السيارة نشالت ونشمرت حرارة نزلت على عيوني بصفي رافد بس رامي ماكو اريد اتحرك ماكدر الحديد كله فوكايه باوعت بعيد شفت رامي مطشر راسه ومخه نصه بلكاع هول المنظر حسيت نفسي بفلم رعب
حاولت اطلع من السيارة ايدي وجتفي بس تحركت صرخت من الألم رافد غركان بدمه نزلت دمعتي لأول مره من موت اسعد ووالدي الحد الان اني ماابجي ابد ومستحيل تنزل دمعتي بس هنا حسيت بدا رب العالمين يصفي وياي الحساب وبدت عقوبتي
اني من النوع احب خلفة الولد واكره البنات جانت سهاد اذا خلفت بنيه اعاقبها ومرات اخليها بلا اكل وحسيت هنا رب العالمين حتى ال ٢ الجنت فرحان بيهم أخذهم بقالي بس بسام وراح تشوفون بسام شنو من طينة...
مرت الاشهر كمت اكره الشغل فجأه بعد ما جنت اطلع من الفجر ارجع تالي الليل هملت كلشي كمت احس جسمي مكسر احلام غريبه ومخيفه تجيني اكعد الصبح كلشي مااتذكر نقاديت وره كلام امي كامت شتكول انفذه بدون مااناقشها
عرضت عليه الزواج اكثر من مره كالت
زهرة : يمه عبد مرتك مثل امها تجيب بنات كومت عليك كوم مال لحم وبنيه بعد تجيب بنات اني اريد ازوجك حتى تخلفلك كم ولد يصيرلك عزوة وسند من تكبر منو يشيلك البنات؟ باجر عكبه يكبرن وتاخذهن الزلم طبعا حجي امي احسه صحيح فعلا البنيه مصيرها بيت رجلها اني شنو مصيري؟ اشو مهدي من هسه عزل نفسه ومعروف وضعه مراح يخلي ولده بيوم يصيرولي عكازه كمت افكر بحجيها وافكر بوضعي شغل كمت مااشتغل مجرد كاعد يمها ليل ونهار مخلصها نوم وكسل واكل واتقيأ اغلب الاحيان هذا كله بفضل امي وأعمالها
ضلت تزن عليه واني بس اهز براسي احس عقلي مثل المغيب
جماعتي قاطعتهم صديقي ابو زهراء صاير بيته مقابيل بيتي دائما ينصحني ياخذني لسيد يعرفه ويكلي تغيرت وهاي الأعمال هيج سوت بيك اني اتجاهل الكلام لان مو بيدي هذا الاحسه شي خارج عن ارادتي
يوم من الايام جاي امشي اني وبسام الي احسه يريد بس يسيطر على كلشي وحبه للفلوس بشكل بشع اجه عليه جيرانه فؤاد تقدم اتجاهي مبتسم سلم
فؤاد : السلام عليكم شلونك عمي ابو بسام عاش من شافك
شلونك بسام شلون صحتك
عبد الرحمن : رديت السلام وكتله تعبان والله شلونك فؤاد الوالد شلونه اباوع البسام رد على الولد من وره خشمه عفته براحته لان هذا طبعه يحب يفيك
بقى الولد يسولف واخر شي كال
فؤاد : ابو بسام اني رايد القرب منكم وأريد اناسبكم حتى إذا اكو قبول مبدئي أدز النسوان رايد بنتك الجبيرة
بس كال الولد هيج ماحس اله بسام طفر ع الولد ووكعله دك بوكسات ونومه بلكاع اريد اخلص الولد من عنده مكدرت وبسام يردد منين تعرف اختي احجي ناقص احجي منين تعرفها الولد يريد يحجي ميكدر سحبت بسام من عنده وكومت الولد طلعت العالم التمت وأهل الولد فزعو يردون يكتلون بسام
هديت الوضع وترجيت ابو الولد وكتله شتامر حاضر وهو هل ولد بقالي ارجوكم قدرو وضعي تفهمو العالم رجعت للبيت
أنت تقرأ
لم يكن ذنبي
Roman d'amourاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
