الدكتورة أسيرة الزعيم 🔫👩‍⚕️

الحلقة 39

فطن على روحو شاف الورشة مقلبة و ميار غارقة في دمها يدها تنزف و فاقدة الوعي راح رفدها و حطها في الطونوبيل و طار بيها للصبيطار: حبيبي اتحملي مابقاش بزاف ميار حبيبي متخلينيش منعرفش نعيش بلا بيك اتحملي علابالي حبيبي ..
طريق كامل و هو كي المهبول يهدر وحدو حتى لحقو للصبيطار لي تخدم  فيه جوري رفدها و دخل  يجري جاو يجرو عندو حطوها في نقالة و دخلوها للبلوك و جا الطبيب يجري و دخل لداخل منعو سام باش  يدخل  قعد يقطع الممر يروح  و يجي حتى حبس و حط راسو بين يديه و يلوم في روحو : انا سبتها بسبتي راهي هنا انااا ياااا ربي راني  عبدك اغفرلي و اسمحلي يا رب نحبها و الله منقدرش نعيش بلا بيها ياا رب احميها و خليهالي و نوعدك  ريح  مايزيدش يقيسها راح حوس على شومبرة فارغة توضى و صلى و يدعي بالبكا : يااااا رب علابالي قصرت معاك ياا رب احميهالي و رجعهالي يا رب و قعد يدعي كمل و رجع قدام البلوك يستنى فيهم يخرجو ...جازت2 ساعات و هو كال دقيقة عمرو تخرج معاها حتى تحلت الباب و خرج الطبيب سام: كيف  حالها! كيف اصبحت هل هي بخير ! تحدثثثث
الطبيب: نعم لقد نجحنا في خياطة الجرح لقد كان جد عمييق و من الواضح  انه نتج عن انهيار عصبي حاد لذلك لا يجب الضغط  عليها ..
سام: حسنا  ..هنا طاح و ركع لربي يحمد فيه عليها ناض كي شافهم مخرجينها و حبطوها لغرفة عادية قعد شوية يستنا ابري  دخل  و عينيه مغرغرين  شد يدها السليمة و بدا  يهدر  بغصة : كنت راح  تخليني ! بهاد  السهولة كنت راح تسمحي فيا ! مدرتيش في بالك انو بعدك معنديش حياة و انو محال نشوف حياتي بعيدة عليك ....سمحيلي سمحيلي حبيبي هنا مقدرش يصبر و غرس راصو في عنقها و قعد يبكي كي الطفل  الصغير ....
اما هي فكانت تسمع في كل كلمة قالها كل حركة دارها كانت تدخل وذنها و تزعزع قلبها كلماتو قسمتلها قلبها اما محبتش تضعف قدامو و عزمت تصمد و تلقنو درس مينساهش حياتو قاع راح تخلف واش دارلها
جازو اليامات20 يوم كامت كافية باش تبدل بزاف حاجات...
ميار خرجت من الصبيطار و راحت لدارها و سام ماولاتش تهدر معاه قاع و هو يحاول يهدر معاها ؤعيطلها مترفدش يبعتلها لي  ميساج تخلي vu بمعنى راهي راميتلو الما جوري حضرت عرس بنت خالتها و ماكس لي ولا يعيطلها و يهبلها و دوك عندو 10ايام ملي رجع كاليفورنيا و هي خلاص الكونجي تاعها و لحق الوقت باش ترجع لخدمتها اما محبتش تقول لميار باش ديرلها سوربريز
ALGER 10:00
صونا الرافاي تاعها طفاتو و ناضت دوشت و لبست سروال عريض بريك مع شوميز كحلة و باسكات بيضة دارت شعرها كعكة و خلات خصلات متمردة حبطت الفاليزا تاعها سمعت الحس في الكوزينة عرفتها يماها ضحكت و راحت بلاااعقل موراها و خلعتها
لامية: خلعة لي تخلعك يا بنت الكلب ولش بيييييك خلعتيني
جوري: ويلييييييي  ولش العجوز اليوم تتهناي مني عندي فول على 12 ...ااه عندي فول على12 و راهي 10:30 مع سركالا منلحقش يا يماااااا راحو دراهمي
لامية: بعقلك اشربي قهوتك و روحي تلحقي متخافيش
شربت قهوتها و لامية تهدر و توصي حتى ناضت : متخميش جميلة تتهلا فيا
لامية: شكون جميلة!!
هنا جوري فاقت على روحها و على واش هدرت : ااه ايه جميلة طاطا جميلة جارتي بنت البلاد  مرا هااايلة  كاش نهار نوريهالك و دوك ارواحي نعنقك باش نروح مالقري منحبش الوداع مي كي جيتي ماما 😂
عنقتها و بقاو يبكيو في2زاد جا كريم و سلمت عليهم و راحت كيما جات دارت ليسكال لالمانيا باتت ليلة و كملت رحلتها ...
___
***:سيدي هي الان في المطار
ماكس: مطار الجزائر!
***:لا سيدي انها هنا في كاليفورنيا
ماكس: حسنا ..
ماكس: اييييه هكدا نقدرو نكملو لعبتنا مليح يا آنسة جوري و ضحك ضحكة شر
وصلت شدت طاكسي من المطار لدارها ديراكت دخلت دوشت و رقدت بحكم كان الليل
غدوة منداك 9:00
راقدة و تسمع الطبطيب بقات تستنى فيه يحبس مي قاعد غير يزيد حتى ناضت تهدر وحدها عين مفتوحة و عين لالا: اووف خلو العبد يرقد يا سيدي..
راحت فتحت الباب و تهدر ماشي جايبة خبر : وي خير صباح ربي كاشما خصك
ماكس شافها واش كانت لابسة معجبوش الحال كي حلتلو الباب بهاد الحطة: لطف مني طبطبت كنت رح ندخل ديراكت
جوري: مالا علاه تعيي فيا تنوضني كنت تدخل ...بفف تعيي طيرتلي نومة عسل
ماكس: امممم تحبي نكملو الرقاد ماكاش مشكل
جوري: واش تسحق صباح ربي
ماكس: جيت نشوفك توحشتك معليش!
جوري: واحد ماقالك بلي نتا واحد فري فارغ شغل  مخلي خدمتك و جاي عندي
ماكس و هو يدنا و هي ترجع للور : اممم  و واحد ملقالك بلي انت خدمتي من اليوم ؟وخطف منها بوسة في طرف شفلفها
جوري حمارت خضارت و حبطت رأسها ضحك عليها و قاللها : المهم العشية ان شاء الله تولي للقصر و انا لي نجي نجيبك و منسحق حتى اعتراض
جوري: ماشي كيما تحب انت
ماكس: امم راكي سور ! و ديري في بالك عندك شحال و انت بعيدة عليا يرحم باباك يبسي راسك و قولي منجيش باش نعرف نجيبك ..
جوري بعدت عليه و راحت للدوش و غلقت الباب: نخمم ...
ضحك وحدو و خرج و خلاها اما هي ففرحت كي راح ترجع للقصر معلابالهاش مي ولات تحب القصر و والفت كملت دوشت و خرجت لافة منشفة عليها و شعرها يقطر راحت حلت الفريجيدار لقاتو فارغ مالقات والو كموندات ماكلة و قعدت تستنى جابولها كلات حتى هبلت ابري راحت جبدت شعرها و ماكيات و لبست جين و تريكو مع طالون و فيستا كلاسيك مع صاك كلاسيك و قعدت تستنى فيه يجي  ابري واحد الساعة جا و دخل كانت دايرة في وذنها كيتمان راح موراها و عنقها هي مع الاول خلعها مي تمتم تلاشى خوفها كي دخلت ريحتو عندها اما هو نحالها الكيتمان و حط راسو على كتفها و دنالها شعرها دارو من جهة لوخرة و لف يديه على خصرها غمض عينيه و بدا يهمس: غيابك قهرني بعدتي عليا بلا متسقسي ولا تحوسي تعرفي حتى حاجة مدة قصيرة اما تعرفي كيفاش وليت... وليت كي الوحش كل ما نتفكرك نحرق الاخضر و اليابس مانشوف حتى حاجة قدامي كنت كل ليلة في البار نشرب باش ننساك اما نسيت كلش غير انت.. صورتك و صوتك بقا بين عينيا دورها ليه شاف في عينيها تاملها مليح و تنهدت حط جبهتو على تاعها و شد راسها: عمري لا طلبت السماح من واحد حتى و نكون غالط اما انت خلاف ........سمحيلي حبيبي ❤✨