البارت 4
للكاتبه (شيخه ال تميم)
.
.
ما لم يكن بالحسبان
مَثل طائر
كُسر جناحهه
مَثل عاقر تنتظر
مُعجزة إلاهية
مَثل سَجين ينتظر
زائر ليفتقده
مَثل ضمير مجرم
يبحث عَن فضيلة
مَثل طفل مُشرد
يبحث عَن طعام
مَثل عَجوز مُقعد ضامي
ينتظر الماء
"مثل شعب مُهجر
يبحث عَن السلام
انا أريد الطمأنينة
احتاج بعض الانسجام
اين انت
تَعال ارجوك تَعال
ايها الفرح .. الفرح .. الفرح ،.
ـ نـوࢪة محَمد .
سلام ضحك بستهزاء: شنو توقعتي راح اتركج بعد لسويتي وياي
رانيا: شنو تريد مني اتركني بحالي جاي اكلك انه ما احبك ليش كل هذا
_ بس انه حبيتج وانتي اذيتيني ورفضتيني
_صار كلش قريب مني وانه طخيت بالخايط واحس انفاسه كلش قريبه من وجهي شمهزت نفسي من انفاسه
وجان كلبي يدك كلش قوي
سلام وخر عني انت شتسوي وخرررر
وهو جان يحاول يتقرب ويسيطر علي وانه اصيح وادفع بي
_وخررر سلام ستحي على روحك شلون هيج تسوي واصيح ودموعي بعد مسيطرت عليها واسمع يزن يصيح علي من الغرفه جرني من المحرم وانه احاول افرت من ايده وهو يظحك بستهزاء ويكول وين ترحين مني ليوم
_ ظليت ادفع بي وركضت للغرفه حاولت اسد لباب بس هو جان اسرع مني
سلاممم اصحه والله كلشي تريده اسوي الا شرفي الله عليك سلاممم
وهو مجان يسمع وظل يتقرب وانه ابتعد وافتر بالغرفه اريد اي شي ذكرت لسجينه فتحت المجر لاخلي بي سجينه ومن دون اي وعي ظربتها بكتفه
صارن عيونه حمر من الالم و انه ماهمني شي غير احافظ على نفسي واخذ اخوي واطلع
_ر رانيا مات مات
_لا يزن حبيبي لا تخاف ماكو شي ماكو شئ
اخخخخ ربي ساعدني شسوووي
لميت شكو شي كدامي واخذت فلوسي لظامتها من شغلي
وانه اشوف سلام طاح يصيح من الالم وطلعت وانه تايها بزماني
ياربي وين اروح وشنو اسوي ظليت تايها بالشوارع امشي ودموعي ماوكفت وينج يا يمه تعاي شوفي حال بنيتج وين صفه بيها الدهر شنو راح اشوف بعد وشنو اتحمل يا ربي
ما اجه بالي غير اروح للجنوب مدام عرفت منطقتهم اروح والله يسهل
صعدت انه واخوي ونطيت كروه نتظرت حتى تقبط لسياره وانه حاطه ايدي على كلبي وخايفه
مشت السياره مده كللش طويله يمكن ٦ ساعات وصلنه وظليت حايرة اسئل منو!
اخخ يا حيرتي الي ماتخلص وانه بنيه ويه طفل وحدي بكراج والناس كلها عيونها علي
شفت رجال جبير صاحب تكسي
_السلام عليكم عمو
_وعليكم السلام هلا بنيتي
_ عمو بس ردت اسئلك على بيت *** تعرفهم
_ اي بويه اعرفهم ناس معروفه بهلمنطقه
_تكدر توصلني الهم عمو
_اي صعدي بس ياهو منهم همه عمك خالك كلها سوه كاعده متجمعه بمنطقه
_وصلني لجبيرهم عمي
ظلت تمشي لسياره وانه الف فكره وفكره براسي شنو اكلهم هم راح يساعدوني لو راح يذبوني مثل ابوي
_وصلنه بويه هذا بيت ابو فهد هو جبيرهم
_تمام عمي مشكور ماقصرت
نطيته لكروه ونزلت جانت الدنيا فجر توة طلعت الشمس
شفت كبالي بيت بس جنه قصر مو بيت مثل بيوتنه جان كلش جبير و شكلها كلش حلو
ظليت واكفه وصافنه شنو لاحجي وشنو اكلهم ورى ربع ساعه تقريبا تجرأت وقررت ادك لباب
دكيت الجرس اكثر من مرة لان فجر وماكو احد كاعد هسه
_جايي جاي
نفتح لباب وجان رجال يجي عمره نهايه الثلاثين
تفضلي منو حظرتج
_ااانه رانيا محمد
_يا رانيا خويه جايه من فجر الله شرايده
_انت منو ابن من.
_انه فهد !
_انه بت عمك محمد
_بتعجب عمي محمد!! وشجابكم هنا بعد هلسنين كلها
_هو يحجي وانه احس كلبي راح يوكف من الخوف
قبل لا احجي سمعت صوت من جوة
أنت تقرأ
ارواح عاريه من الرحمه
ChickLitانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
