مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الغربه مرسومه اعلى وجهك وآنته يمي
لـ علي داوود
________________________
زهراء
معقولة اكو احد يحبني ويتمناني يمه ليش وين ماروح الدنيا سادة أبوابها بوجهي من كلشي اني تحطمت من صديق ومن قريب ومن أهل اني كلي تهشمت مثل المزهرية من تنكسر بعد مترجع تصلح اني اههخ يا اني الله ماكاتبلي افرح بهل دنيا وراضية بكلشي يصير وياي بس الى متى كل إنسان إله طاقة تحمل واني احس هاهية راح انفجر
لا ضلت عندي مشاعر حته احسن ولا عندي گلب ثاني يتحمل هموم.... محد يحس بيه بس من اموت يمكن يبچون عليه بعد القسوة الي شفتها بعيون أعز ناسي إيست من كلشي الرحمة ماتت بگلوبهم بدون سبب ولكم اني بتكم من لحمكم ودمكم ليش احس نفسي غريبة بيناتهم غريبة عن العالم كله علمت نفسي عالكتمان لدرجة صار شرح مشاعري والي صار وياي صعب كلش صعب واضغط على نفسي يالله تطلع الكلمات
خل اوصف الكم مشاعري بلكت ارتاح جبت مراهقتي كلها بتأنيب الضمير الي مايخليني انام وجبت عمري كله بتحرش من ابن عمي وماكو واحد عندة غيرة يمنعة أو يخليه يجوز مني يعني طفلة عمرها تسع سنين اكو شخص طامع بجسمها بس محد رفلة جفن عليه ماريد ادخل بالتفاصيل واهيج جروح الماضي اخوي يطعن بشرفي يم ابوي ويشهر بيه بالمنطقة وأيضا بسبب الضرب الي تعرضت إله بالماضي سويت عملية فطر جمجمة واخيرا وليس آخرا مع الأسف اكعد من النوم أو البنج واشوف وجهي متشوه والله بداخلي ضحكة وصرخة مادري شلون يجتمع هذا الشي بس اريد اضحك على زماني الي ماخلة بشر وياي وأريد اصرخ على شبابي ووجهي الي تشوه من ضربهم
كعدت بس أَون جسمي كله يوجعني احسني مكسرة من فوك ليجوه اريد ارفع ايدي بس ماكدر عبالك طابوكة عليها عيوني شوي شوي فتحتهن لأن الضوة قوي عرفت نفسي بالمستشفى من اللون الأبيض الي اتمنى حياتي تصير مثله نقية ومريحة للنظر بديت اتذكر إلى صار ايدي فجأة نرفعت لوجهي وعيني نزلت تباوع لجسمي وجهي كله ضماد ملفوف بس تحركت شويه راسي كام يوجعني لزمت راسي بيه خياط عاشت ايدهم مجنزيني تجنز
