لم يكن ذنبي

البارت الثالث عشر

اسعد الله اوقاتكم بكل خير أحبتي ❤️

لم يكن ذنبي
للكاتبة حوراء الموسوي

غربنا الزمن بين المحطات
ولگينة الدمع واگف ينتظرنا
بعدنا اصغار واكبر منا الهموم
وحزن بحزن جبناها وكبرنا
لا بينة صبر نتحمل اهموم
وعلى العمر المضى شينفع صبرنة
لا يا زمن ارحم دمعة العين
وشوفنة الفرح بآخر عمرنة ..

#اي_وحق_الله_احنه_من_الفرح_مشطوبه_اسامينه💔

حنين : بقى ابويه محتار بموضوع هيام وين يجيبها وهو البيت عبارة عن رعب واذيه ابويه من اختار نعيش بهذا البيت كلمة ظلمنا بهذا قراره قليلة وابويه مو بيده لان انسان شبعته جديتي سحوره وبعدين تبين كلشي... هاي من غيره تربية جدي اله وحياته القاسيه

اقترحت امي انو ابويه ياخذ هيام لبيت أهلها ومااعرف امي ليش اختارت بيت أهلها هل لأنها فطيره وعبالها الناس كلها مثلها او لان مضطره؟.

خلصن اليومين وامي مكدرت تروح ويانا بسبب متكدر تعوف البنات وحدهن وهي منطقة غريبه
ووضعها مريب وبنفس الوقت البيت مو امان
ابويه واختي زينة واني رحنا نطلع هيام من المستشفى
طبعا اني تكدرون تكولون حاضره بكل موقف وهذا الخلاني بالمستقبل افتقر للابتسامه والفرح
بسبب الحياة الصعبة العشتها
معشت مثل بنات جيلي الي كل وحده منهم مثل ورده مدلله بوسط حديقة

الي عشته والي شفته بحياتي والعذاب الضكته والاذيه والحرمان اسرة مفككه لا اب ناصح لا ام
لا اخ نستد عليه اعداء متربصين بكل مكان
طعن ظلم تلفيق خذلان هذا كله اله دور بناء شخصيتي بس الله جان ونعم السند وخلاني احافظ ع نفسي وأكون قويه بوجه هذا الزمن القاسي

طلعنا هيام الي وجهه اصفر مثل النوميه وكوه تجر النفس هيام حالتها النفسيه جانت صفر يجوز لو غير ظروف جانت تشافت بسرعه وبعد العملية لازم التزام بالعلاج والاكل والراحة والمنام عناية تامه تعرفون العمليات بعد اجرائها يحتاج المريض راحه تامة وهذا الشي عند أجدادي مموجود اتمنى لو يرجع الزمن جان نخلينا رجلنا بيتهم بس بعد فات الأوان

اجر ابويه تكسي وتوجهنا لبيت جدي ابو فلاح

وعود ابويه صار ذكي راد يخليهم كدام الأمر الواقع
اخذ هيام وراح كبل بدون سابق إنذار وبيت جدي القباحه العدهم واصله لنخاع ميفيد وياهم تخليهم امام امر واقع...
دكينا الباب طلعت النا بت خالتي ازهار اسمها دعاء
َكيفت بما انو بعدها زغيرة وبعدها ممتطبعه باطباعهم تفرح من يجي خطار حتى جديتي ام فلاح وهلت ورحبت جان بوقتها جدي مموجود ولا خالي فلاح بس خالاتي وخوالي رزاق وليد وحامد وطبعا ذوله لا يخشون ولا ينشون همه والماكو سوه

بعد الترحيب وهيام تمددت وخلت مخده جواها وبعده الضماد بيها
جديتي صار وجهه اصفر وافتهمت السالفة قبل لا أبويه يشرح
خالاتي عيونهن متوجهه على هيام تحسهم يردون يشمروها بره
شرح ابويه لوضع لجديتي وخالاتي وخوالي عشتو
وجديتي سوت نفسها ام الكرم وحتخلي هيام بعيونها وابويه واعدها كم يوم بس يغير مكان بيتنا يجي ياخذ هيام وهنا ابويه تطمن واخذنا وراح وبقت هيام وسط الذئاب...