لم يكن ذنبي

البارت الرابع عشر

أسعد الله مسائكم أحبتي ❤️

لم يكن ذنبي
للكاتبة حوراء الموسوي

#كلولـهم_مر__الوكت
وانـه اعله جرحي اتلوه
الجربته بالشده وفشل

لا يوصل بوكت الضحك
ويصير صاحب نخوه
#💔....

حنين : من شفت المنظر وجنت زغيره مااعرف توقعت يريد يأذي هالة او يريد يموتها جسمي ضل يرجف وصرخت بصوت عالي هو طفر طفره اسرع من الذيب وسد الباب وراه
فزت امي والكل كعد امي عبالها حلمانه طبطبت عليه تنوم بيه عبالها كابوس مزعج وتقرا عليه آيات قرآنية واني ابجي وارجف وطار النوم من عيني لصبح منمت من الخوف والرهبة ولأن جان ظلام وخياله مخيف صارت عندي خوفه وفزه قوية اما امي رجعت نامت عادي والبنات همين كلمن رجعت لمكانها

بس الحيرني اكثر انو هالة بوقتها سوت نفسها مو يمها الموضوع يعني مغلسه تمامآ؟؟
ومن كبرت افتهمت كلشي وراح اذكر الكم الصار بذاك الوقت عن لسان هالة....

هالة :
أنه الما حصلت من وزع الله حضوض💔
حظ مازاد عدكم بلكي تنطوني،✋

أنه الما مش وره جنازته صياح...

من اول مجينه لبيت عمة بابا وزوجها اسمه ناصر نظراته تلاحقني وكلها جرأة وفساد اني عمري ١١ سنة بس مبينه ١٦ اني بيضه وطولي حلو متوسط بياضي مخلوط باحمرار اذا ضربتني شمس لو برد اصير طماطة احنا كلنا طالعين على امي بلجمال ماعدا زينة وفرح شويه حنطاويات بس فرح من كبرت صارت كلش حلوه اني طبيعة جسمي تارس ومربربه اني واسيل نتلابس ثنينه ضخمات ونفس الملامح تقريبا الفرق اني ابيض من اسيل بس جان اليشوفنه يتوقع احنا توأم لان امي ماشاءالله عليها تذب واحد وتحبل بلثاني وطبعا مااعرف منين هذا اللحم وجمال لان احنا كاتلنه الجوع والضيم اصلا اليشوفني يكول بت خير بس اني من جوع حتى اكل بلزبل ادور واكل بلسكته لان اجوع كلش ماتحمل الوجبات مالت اهلي لان قليله ف اروح للمزابل ادور الناس شذابه الگطه واكله

من دخلنا البيت عمة ابويه زوجها نظراته منزلت مني وأني طبعي خجوله وفطيره كلش يعني حنين تنصحني وتوجهني وهي بعدها طفله واني تفكيري متكرس ع الاكل وشلون اترس بطني بلدراسة مو شي وكيفت من شلنا وتركت الدراسة لان مالي خلك واغار من البنات يعني اعتبرت المدرسة مصدر القهر واشبع قهر اذا داومت نظراته تطاردني وين ماروح واني مغلسه او بالأحرى مااعرف شيريد توقعت عادي يبوسنه ويلمسنه لان كل ظني صلة القرابة مثل ما تلزمنه عمة ابويه عبالي هو هم عادي ومحد يفهمني منو امي مثلا؟ اكيد ماكو لو ابويه الشكاك الي اذا سألته يهبدني راشدي ويتوقعني وحده مو زينه ويكفي من منظر الصوندات والعصي الجامعها النا حتى يدكنا بيها اذا خطأنه هذا المنظر كافي انو ما اتجرأ واكله على شي اواسأله...

اهلي عادي عدهم البنيه تروح أسواق او لسوك ماكو حرص يعني بين قوسين طز ف اني يدزوني اروح مرات اجيب معجون او شعريه وأمور تخص المطبخ من اطلع بشارع يتحرشون ويذبون كلام ومرات يلحكوني الحد الباب اضل اركض حتى اوصل اخاف يشوفني ابويه ويذبحني ويفر السالفه عليه