#الحـقـيـقـــة_المـرة🖤
#Retaj_Rakitic💫💜: الـكـاتـبــــة
الحلقه1🔥
قمر:تشوفله بخوف كبير...كنت نرعش مع بعضي..اول مره ف حياتي انشوف عصابات قدامي بصوره هادي...قبل كنت نسمع بيهم سمع او انشوفهم ف مسلسلات وهكي🔥🔥
اما قدامي لا
قلبي بيطلع من مكانه خلاص
المكان كان مظلم...مفيش غير شويه ضي وريحه حشيش ودخان مقرفه💔💔🔥
حسيت انهم رح يديرولي حاجه متأكده ان نهايتي قربت خلاص
🥀روايـــــــــــــاتـــــــــــ🥀
🥀رتــــــRetaj Rakitijـــــاج🥀
نعرفكم بيا✨✨
اسمي قمر وطبعا اسم ع مسمه❤️منشكرش ف روحي😂😂المهم..
عايشه مع جداي....ف ارض ناس جداي تخدم عندهم طباخه المهم حوشنا مش بعيد عليهم وهما طبعا ڤيلا كبيره وتهبل ديكورها وهكي
عموما...اهلي توفو ف حريق كبير طبعا انكتبلي عمر جديد لأني وقتها كنت ف مدرسه...ماما وبابا واخواتي ماتو يومها محروقين💔💔💔🔥🔥
كنت صغيره يمكن محسيتش بيهم الا توا بعد ماجربت وعشت ف دنيا يلي تبي سند
خوالي وخلاتي ميسكنوش هني...
حني نعتبرو بعاد عليهم وهما مره بعد قداش يجو...
بس العيله هادي مش مقصرين معانا الحق❤️
شهريه جداي ومساعدات يقدمو فاها بس ف معقول يعني...
المهم انا هادي اخر سنه ليا دراسه تالته تانوي نهايه المشوار اكيييد وحابه بجد نطلع بنسبه كويسه✨
_______________________________
قبل ساعات من توا🔥🔥
الطريق من حوشنا لي ڤيلتهم مش بعيده..يعني نمشو ع رجلينا...
اليوم ملتمين كبارهم وصغارهم
قالو والله أعلم ان ولدهم رجع من تركيا🤷انا منعرفاش بس يقولو ان محقق كبير لدرجه انهم استدعوه غادي
قمر:مش متعوده ع كعب انا...مع العلم ان كعب غالي عليا هلبااا
رقيه(حناي):باهي بري بدليه ألبسي حاجه قصيره
قمر:شافت للخلف.. مشوار
رقيه:مسكت عبايتها فوق... هيا الناس يستنو فينا هما عزمونا وحتي قالولي متخشيش للمطبخ تعالي زي وحده من العيله
قمر:تنهدت وهي تشوف المسافه...باه فيهم الخير
رقيه:كملت طريقها لين وصلت للحوش
اما انا قعدت انشوف لطريق يلي بنرجعلها...وكيف جايه بنتحرك شفت شاب..كان طويل وشويه عريض هكي لابس اسود✨كأنه معصب ويفتح ف سيارته...شعره كيف نازل ع وجهه بطريقه دووب❤️كان واضح عليه كلاس هلبا وحتي تصرفاته رزينه تقول فيه حد يراقب فيه مع اني كنت الوحيده الموجوده وسارحه ف جماله من بعيد هكي امالا من قريب كيف...استمرت حاله الدهول متعي حتي حسيت بحد غم ع فمي بقوه...
كنت لابسه فستان قصير وفوقه العبايه...قعدت انحوال نضربه بكعب متعي...بس مفيش فايده تقول نضرب ف حديد مش انسان من لحم ودم...حاولت نصرخ بأعلى صوتي...حاولت نضرب بس للأسف محاولاتي كلها فشلت قدام الوحش يلي ماسكني كان غليض بطريقه تخوف🔥🔥
حتي اغمي عليا بعد ضرب وعياط...شميت شي خلاني ف عالم تاني
🥀روايـــــــــــــاتـــــــــــ🥀
🥀رتــــــRetaj Rakitijـــــاج🥀
أنت تقرأ
الحـقـيـقـــة_المـرة🖤
Mystery / Thrillerقمر:رجليا كلهم دم...معبيات جروح مكنتش انحس بيهم كنت نبكي بكامل جهدي وصوتي عالي ينسمع...شهقات عاليه يقدر الواحد يسمعها💔🔥 عبايتي تمزقت من قدام وفستاني القصير الابيض تلبز بطين...كعب متعي لوحته بعيد وانا نخبط ع ارض مش عارفه شنو اندير🔥🔥🔥كل يلي انفكر...
