Mafia Lovers [Completed]

Chapter 12

"V, ජෝන් කියනවා අපේ අලුත් ඩ්‍රග් ඩීල් එකට වැඩි ගාණක් ඕනෙ කියලා." ජින් කිව්වෙ ෆයිල් එකක තිබුණු documents වගයක් බලන ගමන්.

"ඒක කැන්සල් කරලා දාන්න." V කිව්වෙ එපාවුණු ස්වරයකින්.

"මොකාක්??" V ගෙ පිළිතුර ජින්ව තරහ ගස්සන්න ප්‍රමාණවත් වුණා. අනිත් අයත් V දිහා බලන් හිටියෙ හරියට හොල්මනක් දැක්කා වගේ. 

"ඇයි ?? දැන් මොකක්ද ප්‍රශ්නේ?"

"උඹ මීටකලින් කිසිම දවසක ඩීල් එකක් මෙච්චර ලේසියෙන් අතෑරලා දැම්මෙ නෑ. උඹට මේ ටිකේ මොන යකෙක් වැහිලද කියලයි අපිට හිතාගන්න බැරි." සුගා කිව්වෙ කුතුහලයෙන්. V ඉන්නෙ මොකක්ම හරි ලොකු ප්‍රශ්නෙක කියලා එයාට දැන්  හොඳටම විශ්වාසයි.

"මට ටික දවසක් නිදහසේ ඉන්නෝනෙ. Meetings ඔක්කොමත් කැන්සල් කරලා දාන්න."

"උඹ ඔය ඇත්තටමද කියන්නෙ? මේක ඇහුවොත් අංකල්ට මල පනියි." හොබී කිව්වෙ V ගෙ තාත්තා ගැන.

"මං ඒක එයත් එක්ක බලාගන්නම්."  V එහෙම කියන ගමන් නැගිට්ටා.

"උඹ ඔය යන්නද හදන්නෙ?" නම්ජූන් V දිහා බලන ගමන් අහද්දි V ඔලුව වැනුවා.

"ඔව්, ඔයාලටත් ඕනෙනම් යන්න පුළුවන්." එහෙම කියලා V එතනින් පිටත් වුණා.
.
.
.
.
.
.

"වාව් නූනා..ඔයා ඇත්තටම මගෙ පින්තූරයක් එල්ලලා."

"ඔව්, ඒක ලස්සනයි නේද? මං ෆොටෝ එක දිහා බලාගෙන බබාට ඔයා ගැන කියනවා. එයත් ආස ඇති ඔයාව ඉක්මනට බලන්න."

"අයියෝ මට ලැජ්ජයි එහෙම කියද්දි.. තව කොච්චර කාලයක් තියේද එයාව හම්බවෙන්න?"

"මාසයක්.. මට දැන් මාස අටයි."

"වෝහ්.. එච්චර කල් ගිහින්ද ඒ කියන්නෙ? හිතාගන්නත් බැරි තරම් ඉක්මනට මාස පහක් ගිහින්.. මං බලන් ඉන්නවා එයාව ඉක්මනට හම්බවෙන්න." ජන්ග්කුක් කියද්දි ට්සූයු එයා දිහා බලලා හිනාවුණා. මේ ටිකේම ජන්ග්කුක් එයා ළඟින් හිටපු එක ගැන ට්සූයු හුඟක් සතුටු වුණා. ජන්ග්කුක් එයාට ආදරෙන් සලකන එක ට්සූයුට ගොඩක් වටින දෙයක් වුණා. ජීවිතේ පළවෙනි වතාවට කෙනෙක් අවංකවම පිරිසිදු සිතින් එයා ගැන හොයලා බලපු පලවෙනි අවස්ථාව තමයි මේ. ඒ නිසා ට්සූයුගෙ හදවතේ ජන්ග්කුක් ගැන ඇතිවුණේ යාලුකමට එහා ගියපු බැඳීමක්.