الكاتبه (شيخه ال تميم)
ذبحوني نذر عل الماي
رسموني حزن ممنوع
ترسوني حياطين وسجج واعيون
علي الشباني
.
.
(بيت ابو سلام)
بعد ما رجعت للبيت ورى المغرب
شهد : رانيا رانيا شنو وينج انه جيت
فتت لصالون ادور على رانيا بس ماكو لا هي ولا يزن
فتت للغرفه واشوف سلام كاعدت بالكاع وعيونه غاديات حمر وملابسه كولها دم
سلاااام هاي شصاااير منو سوة بيك هيج رانيا وين
رفع راسه وعكدت حواجبه واضحه: نهززمت
_شنووو انت شدتحجي شنو نهزمت!؟
_كام وحجه بعصبيه: نهزمت بعددد شنووووو شردت ويه واحددد اخذت اخوها ونهزمتت
_انت شدكول وهذا منو لواحد انت متأكد من الي دتحجي
_حاولت امنعها بس هاي اني كدامج شوفيي حالتي طكتني بالسجين وطللعت
_وهسه شنوو نكل لاهلي !
يعني فوك الدلال و التقدير ولحترام هاي جزاتها بالنهايه
_اي هايي اني من لبدايه ما مرتاح الها
وهسه ميلي عني خليني اشوف جررحي
.
.
.
رجعو الاهل وعرفو الي صار وحاول سلام يقنعهم بكل الطرق ان هي نهزمت ويه واحد عصب الاب وحاول يدور بس سلام وعده هو يدور عليها وحاول يموت السالفه حتى لا ينفضح
(بيت ابو فهد)
رانيا : مر كم يوم وانه على نفس وضعي اكعد من الصبح حتى اخلص شغلي لان قاسمنه الشغل انه وخاله هديه اخلص على وكت حتى ارجع لغرفتي قبل لا يرجع الولد صح هم اولاد عمي بس ابد ما ارتاح وياهم ولا احجي وياهم عدا عمر
ورى جيتي لهذا لبيت سمعتهم يحجون على موضوع زوجه فهد طالعه زعلانه وجان فهد يتوسل بأهله يرحون وياه ويرجعونها
_خاله هديه مرت فهد ليش زعلانه و رايحه لبيت اهلها
_مرت فهد تصير بت عمج صلاح عمج الصغير ام فهد ما جانت راضيه بهذا الزواج لان تريد تاخذ بنات اختها لاولادها فهد و رضا بس فهد رفض لان يحب زينب بت صلاح وعارض امه ولحسن الحظ ابو جان صاف وياه لان الي رايدها بنت اخو ف تزوج فهد بنت عمه و تزوج رضا بنت خالته وخلالها بيت وحدها هنا بالبستان بس ما الها شغل بأحد ساده لباب عليها وكاعده ومن ذاك ليوم لهذا ليوم زينب ماشافت يوم هني لان ام فهد تحاسبها على كلشي ومضوكتها المر
_يا خطيه يعني اذا ابنها رايدها وهم يحبون بعض ليش حتى هيج تأذيهم
_لان ام فهد حاكمه وتريد كل الي بالبيت يمشي تحت امرها والي يعارضها تشوفه نجوم الضهر
أنت تقرأ
ارواح عاريه من الرحمه
Literatura Femininaانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
