مساء الورد ❤️
لم يكن ذنبي
للكاتبة حوراء الموسوي
وآه يا تعبي التعبته لخاطر ارضيهم
باعوني برخص وانه اللي شاريهم
مبخوت التعب ما يمر مر الريح
تبين حوبتي وتذبل معانيهم....
حنين : حجت اسيل وكرصت نور من خصرها
اسيل : نور هذا مو ناصر تحجي وعيونها عليه هو عكد حاجبه ويباوع النا بعصبية
نور : اي ولج هو يمه شلون بينا هسه يترسنه طلق نور تخاف كلش والموت تحس يحوم عليها ومقصر الموت وياها....
اسيل : اسكتي شنو تايهين أصلاً احنا المفروض نشتكي عليه عود اسيل صارت قويه وتشجع بينا
يله امشن ناخذ الغراض من عنده
تقدمنه عليه جان يكول
ناصر : ها هاي انتو هنا كعدتو اي زين المدرسة جبيره وتناسبكم حتى ربعجن كل واحد ياخذله وحده بصف يحجي ومبتسم نص خد وعيونه اكلتنه اكل رجع كال كبرانات وصايرات نسوان والله خوش بيجن شغل
صاحو عليه أشر النا بايده معناها بسيطه
كلوبنه تنفض من الخوف ولا وحده جاوبته ركضنه شلنا الغراض ورحنا لغرفتنه حجينا لأمي
جان تكول
سهاد : بعد لحد تطلع لحد ميطلعون لبيوتهم ويجي أبوج وافهمه
وفعلا اجه ابويه وكلتله
سهاد : عبد الرحمن البنات كبرو لا تخليهن بعد يرحن يم ذوله وحتى حراسه لا تخليهن خطيه شوف وجوهن شصار بيها واسيل صار عدها تيفو شرايد منهن خطيه ارحمهن الله واكبر شنو اله تجيب النا فضيحه بناتك حلوات العيون عليهن كلهن كبرن متشوف شلون بارزات
عبد الرحمن : ههه اي مو هنه وحدتهن عفيفه سكندر شنو هل زباله منو بحالهن همه اليجون هنا كلهم ثكال كل واحد ماخذ ثنين وحدتهن تكل للكمر وخر اني مكانك وحراسه غصبا عليهن شنو قابل بس اعلف عليهن وهنه نايمات خل يحللن خبزتهن...
حنين : هو يحجي واني نار الانتقام تكبر بداخلي اتمنى السنوات تركض حتى اكبر واعرف شلون ارد عليه وعلى كل واحد يحاول يهمشنا ويستنقص من عدنا حاصره دمعتي والحسره بكلبي من اسمع اب هيج يحجي ياناس نريد اب حنون يدارينه ليش احنا من دون العالم عائلتنا بهاي الصورة يعني اب يريد نشتغل يله ناكل شايفين هيج يعني اكو عائلة بلعالم مثل عائلتنا اله تشتغل يله تعيش واحنا بنات ياريت لو شباب اخخ من حظنا فكر ويبقى فكر...
امي دنكت راسها كالعادة متعرف شتجاوبه لان اذا جاوبته خاف يكتلها تكفت شره وتركته
ثاني يوم اجتي بيبية امي الرحنه يمها بلبصرة وياها جنتها والرجال ابن عم امي والولد الزغير الكتلكم يباوع على هيام
من دخلو وشافت وضع المدرسة تحس دمعتها بعينها
حضنت امي وتبجي وامي همين حجتلها كلشي صار بينا بس امي متذكر سحورة جديتي زهرة ليش مااعرف بوقتها تخاف لو فهاوه منها
أنت تقرأ
لم يكن ذنبي
Romanceاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
