ضابط عشق الترفه (مكتملة)

الجزء الثاني البارت ٣

اسوء شي منة بدوام معرف شسوي كلها تلح ليش ما ترتبطين مشكله مجتمعنه إذا ما ترتبطين يعني خلاص انت مرتبطه بس يدورون وراج...
تعبت نفسيتي وكلشي تعب بيه..

صحتي يوم عن يوم تدهور ما اعرف السبب وين كل ضني الضغوطات دتأثر عليه ما جنت حاسة بالمرض اللي ديدمرني يوم عن يوم...

اخذت فترة ارتاح بيها بعيدا عن الفون والدراسة وكولشي بعدها صارت عدنه امتحانات ضليت اداوم بس نوعا ما متجنبه الكل

مالي واهس بشي... بنفس الوقت هواي اشخاص تتقدملي من كل فئة بس جوابي اريد اكمل دراسة حاليا ما مفكرة... بس كلبي اوووف ملك شخص
ومستحيل انطي لغيره... حمزة شي صعب يتوصف
احبه بكل. ما املك...

حنون عليه وعصبي مزيج مختلف عن كل رجل احسه روحي اللي اذا فاركتني اموت...

.. اخذت فترة ورجعت علاقتي اقوه من قبل بحمزة صح مرات نتجادل بس حبنا اكبر من هالأمور..

.. جنت دائماً اشكيله من بنات الجامعة لان مصخنها ويايه هوايه.. لدرجة يطلعن عندي علاقة ويه فلان وكذا واحد امشي وياه..

لو حتى جان زميل فيألفن من عدهن...
.. مرن عليه كم يوم ابدا مال خلك شي وتعبانه حيل
صخونه ونحول شكيت كورونا

.. ماداومت ورحت سويت مسحه وكالو يوم وتطلع
لحد ما طلعت النتيجة إيجابية وفعلا كورونا
... جانت أعراضها كولش قويه عندي
انام تصعد حرارتي لل٣٩..
والتنفس مالتي يضيق كولش...

من غير النحول وبعض الاعراض القويه همينه
استمريت ع هذا الوضع مده اسبوعين اكثر
دوامي اخذت اجازه..

حمزه جان وقت بوقته وياي ما يتركني..
وبفضل رب العالمين.. تشافيت من كورونا خلال شهر
بس بقت عندي اعراض دوخه وتعب نحول
ع الرغم سويت تحاليل كورونا من جديد وتم الشفاء
...

فما اهتميت كولش كلت ممكن هاي من ايام المرض بعده جسمي نحلان...
داومت بعدها والطلاب والأستاذة وكم بنيه حبابه تحمدولي بالسلامة.
داومت من بعد ما تشافيت بكورونا شوي مرض قل وحسيت نفسي احسن شوي وعدت وكعتي..
فمن داومت جان عندي نقص هواي بالمادة  وواجهت صعوبة  شلون حدبرها ما اعرف بس الاساتذة جانو كولش لطيفين ويايه

وساعدوني بشرح بعض الماده خلال فترة اجازتي
فجانو الدكاترة يشرحولي بغرفه التدريسين فصدفة مثلا عدهم محاضرات وبقينة بس اني والدكتور وهو مو زغير يعني فرق هواي بينه عمره قريب ٣٥...

بعد فترة سمعت حجي البنات مألفات كذا قصة عني اني والدكتور بالرغم هو متزوج.. بس بعد البنات وحصلن سالفة... فصراحة كلت مدام الموضوع
م إله صحه خليهن قابل شمسويه اني.. تجاهلت الموضوع.. ورجعت للبيت ادرس
واحاول اعوض وهم اخابر حمزة ونحجي شويه
مرات اتعب اتخربط اكول ميخالف هاي بعد من ضغط الدراسة...
إني بالفترة اللي انصابيت  بلمرض جان اكو طالب اسمه زيد  يجيني  لان اخو وهو يعرفون يمشون علاج وهسوالف فمن داومت مجرد يعني سلمت عليه من باب انو بيناتنا مواقف ومعرفة سطحية وما قصر خلال فترة مرضي لا اخوه ولا هوه...
اني تربيت بعائلة أصول واخلاق والحرية بحدود..
يعني من شخص قدملي مساعدة واخلاق وياي ما يمنع اسلم عليه والله اني بمجتمع شرقي لا.. سواء ولد او بنيه مدام بينه مواقف ومساعدة
لابد يبقى سلام والسؤال اذا نتشاوف كله بحدود..
بس ما اعرف ليش كولشي الناس تأوله وتطوره
وتسوي سيناريو ما موجود بالأصل..
هواي عانيت من هاي الناحية.. انه كلما اتصرف شي
بنظري وهو بالاصل مو خطأ بس كلمن يصير بوقتها براسه خير ولابد يطلعون المقابل غلطان...

فبعد ما خلص دوامي مجان عندي شي
رجعت للبيت جان  عندي برنامج هذا رسائل مجهولة
تطبيق انه يوصلك رسائل وما تعرف منو صاحبهن وترد  عليهن  فجان مليان غلط وسوالف تعبانه عليه والولد همات وصلتله هلرسائل... يعني مجرد من سلمت عليه هيج طلعو غلط واشياء ما موجوده بالأصل ما اعرف شنو من ناس وشنو طينتهم...

مهم إني طنشتهم مدام اني ماكو شي بيناتنا ليش اهتم  واكبر راسهم..
بعد مرت ايام دراسة صديقتي جان عدها تقرير لازم تسوي فحص للطالبات الي بدوام فاني ساعدتها فطالبه ويانة بس ما اعرفها حق المعرفه..
بس مجرد الطالب الي يساعدني  مسولفلي عنها كايلي هي تحبني بس اني ما اريدها..

فكالت سوولي فحص سوينالها بوقتها جهاز الي عدنا هو تابع للولد نفسة فما اشتغل فكولت لصديقتي خل اتصل بي وكلت اسمه... فكالت البنيه اللي نريد نسويلها  فحص زيد منو كولتلها زيد كذا  اسم ابو  اشو البنية ماعت روحها........

...............................

منتظر:ماشية حياتي واني بين بت عمي اللي اعشكها من زغرها وبين اهلي اللي يلحون عليه اتزوج
لأن كبرت.. جنت رافض رفض قطعي
اكول عسى توافق وتغير رأيها ولو اني ما راح اخليها تزوج غيري.. اتخبل...

. رحت بعد كم يوم بيت خالتي معزومين.. بتها من نوع شويه خفيفة ودوم تحاول تتقرب
واني ابعدها لان ما تعجبني ابدا...

جنه يمهم على الغده وبعدها طلعت ع السطح ادخن
ضايج... وبوقتها فاتح فوني واباوع ع صوره نرجس... واتأمل بملامحها وبراءتها
وشلون نقيه.. جان ما احس الا احد حضني من ظهري درت واشوفها بت خالتي

... بوقتها عصبت عليها دفعتها جان تكول شوكت تحس بيه.. كافي شوكت تنساها هيه ما تريدك...
ليش ما تفكر بوحدة تحبك وتريدك ومستعده تضحي بكولشي علمودك...

كتلها واني ما أريد السهل... يعجبني الصعب والاضحي علمود احصله...
كالت بس اني احبك وبدت تتقرب مني... كتلها واني ما اطيقج...
بوقتها جانت لابسه دشداشه شويه بيها دلعة
والشال ذابته هيج... جان بدون ما احس ذبت شالها واجتي وباستني.. ما اعرف شنو الصار بيه... صح ما اطيقها...

بس ابقى رجال ووحده ذبت روحها عليه شلون ما اضعف... تفاعلت وياها... وهيه حاولت بطريقها
تخليني اضعف اكثر واخذها...

صح ندمجت هواي وياها بس بسرعه صحيت ودفعتها ورحت نزلت... يعني لو شويه جان سويت كارثه.. الحمدلله اللي صحيت ع حالي...

وقررت اتجنب الجيه لبيت خالتي لا تورطني
وياها ونوب حتى لو قررت اتزوج غير نرجس ما افكر ببت خالتي........
........
يتبع... للكاتبة #نسيم
Almahdwya_74
حبايبي ان شاء الله النشر كل يوم وما بقه غير كم بارت ونختم القصة وبالنسبة للأحداث وصلتني كاملة  الا بلشت اكتبهم علمود لا بعد ننقطع ولا شي.. خلص تعبتو من الانتظار واني تعبت ويه القصة المستمرة
بس هاي بعد صارت ومتتكرر...
أتمنى تدعمون القصة ومثل ما كتلكم الأحداث كملت كلها اسبوعين بالزايد نختم القصة.. والنشر كل يوم بارت واذا كدرت انزللكم بارتات مفاجأة تدللون