Uncontrollable Love (Completed)

Part (15)

Unicode

အပိုင်း (၁၅)

ကျန်းကျယ်ဟန့်သည် ကျိုးကျစ်ရှူး၏ဇာတိမြေဖြစ်သောယူနန်ပြည်နယ် ကူမင်းမြို့သို့ အလည်အပတ် ခရီးထွက်ခဲ့သည်။ သူက ကျိုးကျစ်ရှူးနှင့် ထာဝရ နှုတ်ဆက်ရန် ရည်ရွယ်ချက်ဖြင့် ထိုခရီးကို ရွေးချယ် ခဲ့ခြင်းဖြစ်သည်။

"အားရွှီ.... မင်းရဲ့ဇာတိမြို့က မင်းလိုပဲနူးညံ့သိမ်မွေ့တဲ့ အလှတရားတစ်ခုပါပဲ"

ကျန်းကျယ်ဟန့် သည် Green Lake ၏ကမ်းခြေတစ်လျှောက်လမ်းလျှောက်စဉ် ကြည်မြသောရေပြင်သည်နေရောင်အောက်တွင်တောက်ပသောအလင်းရောင်ကိုထင်ဟပ်သည်။

"အားရွှီ...ငါဒီမှာခုနစ်ရက်နေမယ်၊ မင်း ဇာတိမြို့ရဲ့အသက်ရှုသံကိုငါခံစားရတယ်။ ငါထွက်သွားတဲ့အခါ ငါ့ဘဝထဲမှာ ကျိုးကျစ်ရှူး ဆိုတာ မရှိတော့ဘူး ငါက ကျန်းကျယ်ဟန့် ပြန်ဖြစ်သွားပြီ ၊ ဒီနေရာကငါနဲ့မင်းဆုံတဲ့နေရာ ဖြစ်ခဲ့ သလို ငါနဲ့မင်းနဲ့ လုံးလုံးလျားလျားလမ်းခွဲနှုတ်ဆက်တဲ့နေရာလည်းဖြစ်တယ်"

"အားရွှီ ...မင်းငါ့ကိုပျော်ရွှင်စေတဲ့အချိန် တွေနဲ့ မျှော်လင့်ချက်‌ တွေ ယူ ဆောင် လာ‌ ပေးတဲ့အတွက် ကျေးဇူးတင်ပါတယ်၊ တဆက်ထဲမှာပဲ မင်းငါ့ဆီကိုယူလာပေးခဲ့တဲ့ဝမ်းနည်းကြေကွဲမှုနဲ့ စွဲလန်းမှုတွေကိုလည်းငါတန်ဖိုးထားတယ်၊ ဒါပေမယ့်မဖြစ် မနေ စွန့်လွှတ်ရတဲ့အခါလူတွေကအနာဂတ်ကို မျှော်လင့် ပြီး ရှေ့ ဆက်လျှောက်ဖို့ လိုသေးတယ်လေ ၊  ရောက်တဲ့နေရာမှာ ရပ်တန့် ပြီး ငေးငိုင် နေတာ မင်းရဲ့ ပုံစံ မဟုတ်သလို ငါ့ရဲ့  စတိုင် လဲ မဟုတ်ဘူး၊ ငါတို့ ကိုယ့်အနာဂတ်အတွက် ရှေ့ ကို ခရီးဆက်ရမယ် "

"အားရွှီ ..ဒီခရီးစဉ်က ပြန်ရင် ငါ လူသစ်စိတ်သစ်နဲ့ အနာဂတ် ရည်မှန်းချက် အတွက် ဆက်ကြိုးစားရမယ် ၊ မေ့လိုက်သင့်တဲ့ အရာတွေကို မေ့ပစ်လိုက်ဖို့ ငါကြိုးစားမယ် "

ယနေ့သည်ကျန်းကျယ်ဟန့် ကူမင်းသို့လာသည်မှာသုံးရက်မြောက်နေ့ဖြစ်သည်။  ဒီတစ်ခေါက် ခရီးစဉ်တွင် သူသည် ကျိုးကျစ်ရှူး ကိုနှုတ်ဆက်ခွဲခွာရန်ရည်ရွယ်ချက်ဖြင့် ကူမင်းမြို့တစ်မြို့ထဲသာ လည်ပတ်ရန် အစီအစဉ် ဖြစ်သဖြင့်သူသည်အလျှင်စလိုမရှိပဲ ပထမနှင့်ဒုတိယရက်များတွင်မြို့ တွင်း ကိုလှည့်လည်ပြီးတတိယနေ့တွင် Green Lake သို့လာခဲ့တာဖြစ်သည်။