هلا ولله حبايبي
رغم كلشي انتهى وإنباعت العشرة
ورغم گلبك القاسي الما يحن ذرة
وحق الخالقك ما تلگة مثلي إنسان
بي ضحكاتك المو صادگة مغزرة.
الكاتبة. اجة يوم العقد والكل مخبوص وخاصة البنات لان ثنين وهوسة الشيخ كلهم بدل روحت الصالون اجيبوهة للبيت وصدك جابوهة بدت بالعرايس بعدين بالبنات والولد قسم على الاكل وقسم وية العرسان وهوسة الدرجة البيت مينطب من الخطار كملو البنات تبديل ونزلو والهلاهل والجدة والام يصلون على النبي كعدو البنات باماكنهم قدر بهاي الفترة حيل ملتزمة الصمت متشوف وجهة الاحد قليل تلتقي وياهم تخلص كلشي وتروح الغرفتهة تلفون مقبلت تشتري جديد والقديم انطتة للشيخ وية غراض الخطوبة مع العلم اكثر من مرة الشيخ كال هذا حاضرج لازم يرجعلج وهية مغلسة الكل لاحضهة صار بالسبوع من رجعت من المستشفى مابيهن عشر كلمات الي تحجيهن طول اليوم خلو هوس يمهة رغم هية هم عروس ولازم اجهز بايتهة بس الجدة اصرت انو تجي على بنا بانو تغير جو وهذا كلة بدون علم الشيخ اتخربطت قبل الخطوبة بيومين ودوهة للمستشفى وجان اوراس بالدوام محد كلة بدت الحفلة وهية بكل هدوء تقدم مي للنسوان وتساعد مرت عمهة سمعت وحدة من الكاعدات حجت بصوت يعني الكل يسمعة بس هية معبالهة يسمعو
المرية. يا اكلج هية هاي مو نفسهة الي عافهة ابن عمهة بيوم حنتهة ولله ياخية لو اني منهة ولا شوف وجهي للعالم
بهل حجي جانت واكفة قدر ودلال ومريام قدر من سمعت هيج هدت الصينية وعافت كلشي وصعدت تركض الغرفته البنات حاولو يوكفوهة بس ماكدرن سليل صاحت مريام كلتلهة شصار مريام سولفتلهة كلشي
سليل. مريام طفي الديجي بسرعة
مريام سليل بلا خبال انتي العروس
سليل لاتخليني اسب العروس والعريس طفيهة لا اني اكوم اطفيهة ومنو الحجن
مريام هذني الحجن وهسة اطفيه
سليل طفت مريام الديجي وهنة سكتن انداريت عليهم
باعو ياجماعة الخير اني سليل بنت الشيخ ياسر اخت الشيخ اوراس وحفيدة الشيخ غضب اذا متة
عرفون والي حجيتو عليهة مازالت على اسم
الشيخ اوراس ومحد يتجراء يحجي عليهة بكلمة زين لو لا وهذا البيت الي انتو بي بيتهة وبيت الشيخ اوراس والشيخ ماعافهة الشيخ جان بواجب يحمي بلدة مو من حقكم تمسوهة بكلمة ولي يحجي عليهة حرف واحد الباب يوسع جمل عيب عليكم نسوان شكدكم شكبركم جايت تتهمون اعراض الناس وهذا فخر الهة انو رجلهة بقى بالجبهة يدافع عن بلدة وفضل سعادتة على سعادة بلدة وهاي كدام الكل لاعقد ولا اسوي اي مراسيم من مراسيم العقد اذا مو قدر يمي كمت اني وفستاني وهوس وراية عفناهم كلهم وصعدنة على غرفت قدر دكينة الباب مجاوب
سليل بعصبية. قدر وداعت امي اذا مافتحتي الباب هسة ونزلتي وياي لاعرفج ولاتعرفيني ولاتحضريلي لاخطبة ولا مهر ومن اليوم تنسين وحدة اسمهة سليل
هوس قدر فدوة افتحي الباب لعبنة بيهم خلقة وهاي هسة عفنة خطوبتنة وصعدنة الخاطرج فدوة افتحي الباب
قدر جنت اسمع حجيهم وابجي بزيادة كمت فتحت الباب هنة وفساتينهن وصاعدات وهوس ابجي حضنتهم
قدر. تعبت حرام عليهم كافي ولله كافي لاهو المذنب ولا اني ليش هيج يحجون حرام ولله حرام تعبت ولله تعبت كمت اكح حيل الدرجه اريد بس نفس ماكو اشرتلهم بس يفرجون صدري مابية شي صدك بقت هوس تسويلي واني احاول اهدي بنفسي لان ماريد فرحتهم تخرب بسببي رادو يصيحون اوراس اني مقبلت ولله ربع ساعة مدري نص ساعة صرت شوي احسن بس هنة بقن خايفات كمت حضنتهم ثنيناتهم وكلتلهم ولله خلص مابية شي تعالو انعدل مكياجنة وننزل دست على نفس الخاطرهم لان ماريد تخرب فرحتهم مثل مخربت فرحتي صدك عدلنة المكياج ووشعري جان مخربط عدلتة ونزلنة ثلاثتنة سوة والبنات يهلهلن كعدت البنات بمكانهن جان يجلبن الة تكعدين يمنة وصدك كعدني وبيبيتي متقبل اكوم تكول حالج حالهن اني اعبر عبالي تتشاقة ولله اجة مصطفى كال حضرو البنات رح يعقدون وكفنة البنات يم الباب علمود يشوفون بمنو يبدون حجة الشيخ وجانت الصدمة
الشيخ كملنة كلشي وصعدنة بدلنة وجاسر بدل بيتنة لان بيت جدة بعتبار نزلنة قبل مينزلون البنات لان ميصير يشوفوهم رحنة للديوان يم جدي وابوي وعمامي جنة بعدنة بس اهل يعني ماعدنة احد غريب رجولت عماتي وولدهن وخوالي ولدهم جان جدي يحجي
الجد اييي ياجماعت الخير مثل متعرفون قبل خطب الشيخ اوراس وصارت ضروف وماكمل زواجتة من بنت عمة واني طلبت منة يطلكهة لسبب ولي هوة علمود العالم ماتكول رجع وانطو بنت عمة بدون عرس بس يستر عليهة ويصير حجي علية وعلى بنت عمة والشيخ وقدر هذولي عزار كلبي ولهذا ياجماعة وهاي كدامكم الشيخ رح يعقد على بنت عمة وية اخو وابن عمة
ابو قدر بس بوية
الجد. بدون بس بعد ابوك اني الي اكولة يتنفذ
ابو قدر صار بوية.
الشيخ جدي بنت عمي اذا مالهة خاطر بهل زواجة ماتم
الجد. لاتخاف بعد جدك قابلة قابلة خابر ياسر شوف السيد وين صار
الشيخ نشالله جدي خابرت ياسر كال بالطريق تحضرو لان السيد متعجل
الشيخ. جدي ياسر يكول بسرعة السيد مستعجل ترة
الجد كوم بوية مصطفى بلغهم خلي يزهبون البنات ولاجيب موضوع بنت عمك
مصطفى حاضر جدي وشفتو الي صار فوك فا من واكفات البنات اني انطيت علم الامي انو تخليهة توكف وية البنات وهية اصلاً لابسة حجاب رجعت للاستقبال اجة جدي والشيخ والولد وعمامي وابوي واخوالي المهم كلنة بدة السيد يحجي جان يكول
السيد. قدر بنت ايسر هل تقبلين الزواج من اوراس ابن ياسر بالمهر مقدمه خمسة وعشرين مليون وماخره خمسة وعشرين مليون عراقي اذا قبلتي قولي نعم
قدر بصدمة هاي هاي شجاي يحجي خاف عبالة اني هوس
هوس بضحكة انجبي وكولي نعم فضحتيني اريد اعقد يالله
قدر .....
