Love Me Like You Do || Complete || ✅

සරංහේ.. 💜

"මේක තමයි රූම් එක කුකී. චිම් එච්චර පිළිවෙල දරුවෙක් නෙවෙයි. ඒ ගැන මට සමාවෙන්න."

මං දැන් ඉන්නෙ මගේ ඔම්මගෙ හොදම යාළුවා එක්ක එයාගෙ එකම පුතාගෙ රූම් එක ඉස්සරහා.

ලබන සතියේ ඉදන් අපිට කොලේජ් පටන් ගන්නවා. මෙහෙ ජීවිතේට හුරු වෙන්නත් එක්ක මට ටිකක් කලින්ම එන්න උනා.. මට දිගටම ඉන්න වෙන්නෙ මේ රූම් එකේ. ආන්ටි ජියෝගෙ පුතා එක්ක..

එයාගෙ නම පාක් ජිමින්. ඔම්මගෙ හොදම යාළුවගෙ පුතා උනත් එයාව මම මුලින්ම දකින්නෙ අද. එයා පොඩි කාලෙ ඉදන්ම හිටියෙ ඇමරිකාවල. එයාගෙ නපුරු අප්පත්තෙක්ක.

පාක් අංකල් ආන්ටි ජියෝව ඩිවෝස් කලාට පස්සෙ ජිමින් හ්‍යොංවත් එක්කගෙන එයා ඇමරිකා ගිහින් තිබුනා... ආන්ටිට හ්‍යොං නැති අඩුව පිරෙව්වෙ මම. ආන්ටි හරි හොඳයි. මට හරි ආදරෙයි.. ආන්ටි ඉස්සර ඉදන්ම මට ජිමින් හ්‍යොං ගැන හරි ලස්සන කතා කිව්වා.. සමහර කතා එයා හිතින් මවාගත්ත ඒවා උනත් මං ඒ කතාවලට හරි ආදරේ උනා..

"මොකාද බෙල් එක උඩ නැගගෙන ඉන්නෙ.. ටිකක් ඉන්නවා එනකල්."

ටිකක් වෙලා යනකලුත් කවුරුත් දොර ඇරියෙ නෑ. දෙතුන් පාරකට වඩා බෙල් කරන කොට එකපාරම ඇතුලෙන් ඇහුනු කේන්ති සද්දෙ නිසා ආන්ටි හරි අසරණ පාටට මං දිහා බැලුවා..

"එයා ටිකක් දඟයි.."

ආන්ටි හීනි හිනාවක් අමාරුවෙන් මූණට නග්ගගනිද්දි මාත් හිතේ බය හංගගෙන ආන්ටිට හිනාවක් දුන්නා.. ඒත් ඔයා නරක කෙනෙක් නෙවෙයි වෙන්න ඇති...
මට එහෙම හිතෙනවා..

එකපාරටම ඇරුණු දොරෙන් මතු උනේ මහ සැර පාට... අම්ම්... හොට්... ඒන්ජල් කෙනෙක්..

අ...ම්ම්.. ඒන්ජල් කෙනෙක් කිව්වෙ.. මං එහෙම කියන එක හරිද මන්දා.. එයාගෙ මූණ ඒන්ජල් පාටට තිබුනට ඒ මූණෙ චුට්ටක්වත් හිනාවක් තිබුනෙ නෑ.. එයා දිගටම හිටියෙ රවාගෙන උනත් එයා හරිම හොට්.. ඔව් පොඩි ශෝටකින් විතරක් වැහිලා තිබුනු ඒ ඇග දැක්කම මට ලොකු කෙළ බෝලයක් ගිලුනෙ ඉබේටමයි... දෙයියනේ ඒ ඇබ්ස්..

"ඔම්මා.. ඔයා මේ මී පැටියව මෙච්චර උදෙන් එක්කන් ආවද?? අ..ශ්.. රූම් එක අස් කරෙත් නෑ..."