لم يكن ذنبي

البارت الثامن عشر

#البارت الثامن عشر

اسعد الله مسائكم بكل خير🌹

#لم يكن ذنبي
للكاتبة حوراء الموسوي

هلي... 💔
موخوش تعلومين
علمتوني احب الطين
وازرع للرخص غالي..
هلي غيض انترس بالي..
هلي وكل تجربة موسم
ضريبتهه وريد اشگر
نزف بأسوالف اتفزز عتب بردان..
هلي شگد ماعرفتوا الله
لمن گلتولي صير انسان..
چا يهلي إشورثتولي؟؟
غير ال الله جاي يشوف!!
وحِب الناس واعبد كل حرف من چلمة ال  اهلاً..
ي لَقنتوني باب الحوش باب الله
وگلتولي الدموع البايته يشورن..
چذابين حتى انتم!!
(حتى انتم)
وطن يرتاح للغربه على احسابي!!
حمل متبريه منه إچتاف..
خلص عمري
أزَغِّر ضحكة عيوني
وَ أكَبّر الچان ماينشاف..
بذمتكم إشموهوبين؟
علمتوني اهز راسي
واگل للخنجر اعذرني
إشوكت ماطكني خنجر عرف مااگله..
ليش اصرف ضحك مبخوس؟
واتلوه نهر عطشان عالقبله..
امن اول ليش طوله لآخر الفشله..
يچذابين!!
ماگلتولي دين الفَي زكاته چفوف
استقر بيهن حچي الدخان
بين الوسط والسَباب..
گلتوا العِتبه شيله وطبع سجدة ليل
بالمحراب..
وگلتوا الفزعه عازة ماي!!
(ماشحيت)
چم مره لسنابلهم يسَير الموت
واركض عالعطش خنياب..
الصدگت وياهم بضحكي
ونسيت ابچي دمع چذاب..
نسيت ادري الرسايل
لوجزت ذكرى وجهه تراب
من مضمونهن يعتگ..
رزق المحرقه يصيرن
يسدن جوعة النيران بس ضروفهن تنشگ..
دفكوني!!
ارد انامن نومت السكران..ياعِشره..؟
هلي من طيبة الگشره..
ي طيبتكم حلم اخرس!!
ياواعي وحليم اليگدر إيفسره..؟

(بارت طويل لعيونكم ❤️)

حنين : دخلت النسوان الغرفتنه وطبعا هاي اول مره تدخل النا نسوان من المنطقة لان علينا علامة X وتعرفون السبب انو سمعتنا مو زينة وابن ام حكيم يمشي ويسولف يكول للعالم انو هو مصادقنه كلنا فالعالم تجنب الاختلاط بينا مع العلم احنا كتلنا الجوع والذل ومحد فكرت تنطي نفسها بس زينة الي طيرت عقلها جديتي زهرة بسحورتها وعمتي فاطمة الي تزوجت وخلفت وخلت زينة تصير وحده خفيفه وياهو يضحك بوجها تجلب بي تمشي على تعليماتها ومتقبل تتغير...

اما واسيل وهالة عاشن عد الاهل مضلومات وعد الزوج والعيال مكفخه يمكن اذا اسولف الكم أحوالهن تبجون عليهن وعبالكم ابالغ بس هذا واقعنا للأسف ماكو كلمة بالوجود تعبر عن القهر والذل العشناه الاب يريد بس يتخلص ويشمر بناته بس يلبسها بدلة العرس ويدفعها والأم تريد تخلص من المسؤولية لان هي هم ياله شايله نفسها

اما جديتي شافت نفسها قضت على زينة الي هاي احنا ب2008 وزينة بعد محد دك بابها ولا خطبها اخواتي الازغر منها تزوجن وهي بقت صار عمرها دخلت ب27 وهذا شي زادها خبال وخلاها تمشي وتكتب ع الحيطان اسماء غريبه وكأنما اسماء شيطانيه او اسماء جن..

فجديتي زهرة اتجهت لنور لان شافتها اخر فرصة تقضي على سمعة ابويه بيها واني وبنين وفرح بقينا بخطر بعد الله يعلم شحتسوي بينا