البارت التاسع عشر
مساء الورد🌷
لم يكن ذنبي
للكاتبة حوراء الموسوي
... اي يگلبي
ضلن بنفسي الردتهن
لاجبتهن بالحلال
ولا عصيت الله وبگتهن ..💔
حنين : يجوز حتستغربون لان اني انقل القصة عن لسان نور بلذات وراح تعرفون الأسباب
نور تأذت وضلت تضعف وحتى متحجي ويانا الاكل قطعته شي قليل تاكل
الجو جان بارد كلش ونور تحسها بس هيكل عظمي ويمشي
استمرت جلسات يم العلوية ناخذ نور وتتعب شكد متصرخ وتتاذه ومن نرجع كبل تنام
هل فتره ضلت تتردد علينا عمتي نسرين مسويه نفسها تحبنا ومن تروح نفتش وراها لان احنا كبرنا وخاف امي فاتت عليها هوايه اشياء اني حنين قررت ميفوتني شي واراقبهن بكل خطوة بس مو علني حتى لا يلوحني الطشار
خالتي نغم وخالتي نهى همين ضلن يترددن هوايه
عجيب شي ميقبله العقل!! هنه يستنكفن يدخلن للمدرسة ومقاطعات امي ويموتون من عدنا جيتهن المن؟
وبعدين عرفنه الأسباب الوره جيتهن
هاي حيصير شهر كل أسبوع جلسة لنور وماكو تغيير واضح بل تعتكف اكثر
ودموعها تنزل ودائما تسولف اجو راحو حجو ويايه يردوني ميعوفوني
حتى من نسبحها بلحمام تكول ذوله واكفين كبالي ومن نحجي للعلوية متجاوبنه الظاهر متريد تخوفنه
طبعا احنا حتى السبح مالتنه بصعوبة لان اكتشفنا من نسبح الشباب اليلعبون طوبة وره بالساحه واحد يرفع الثاني ويباوعون علينا من نسبح وحتى إذا نسد الشبابيك الفوك بكارتون يشلعو لان احنا بس بنات وابويه مرات بشغله يبقى يومين او ٣ واخونه تركنه و كعد بلانبار يم نسابته وتبرى سقوط وأخلاق بسام الزفره ونذالته ماكو بشر شايلها ابد وغيرته صفر ترك كلشي وعنده اهم شي نفسه وبس
واليوم جلسة نور اخذناها كالعادة بقينا بره
ربع ساعة وصاحت علينا العلوية كل مره تتأخر ٣ ساعات او اكثر
العلوية :: زينة وحنين امكم ليش متجي وياكم؟
جاوبتها
حنين : امي تعبانه علويه ومريضه متكدر تطلع ودنكت راسي لان مبينه اجذب
كالت
العلوية :: بنتي اختكم حالتها صعبة جدا واكو سحر جاي يتجدد هلفتره وينرش بيتكم مو كلتي جديتج بعد متجي والدج قطع رجلها منو ديجيكم هلفتره
العلويه احنا كمنا كلشي نسولف الها وكنالها انو ابويه عارك جديتي وبعد متجي
بس اني صفنت وتذكرت جيات عمتي نسرين ع رغم مسويه نفسها فقيره ومعليها وكلبها علينا
بس شعرفنه يجوز جديتي تدزه بيدها؟
لان همه ايد وحدة واذا اتفقوا الله الساتر...
كلت للعلوية على جيات عمتي نسرين ونصحتنه نراقبها وبس تطلع نقرأ بمكانها قرآن ونرش من المي النطته النا العلوية
أنت تقرأ
لم يكن ذنبي
Romanceاذنبت وتبت وأخشى من آثار الذنب في المستقبل هل من خلاص ام سأكون رهينة الحاضر؟ ندم وموت بطيء خنت نفسي ورميتها بين أحضان ذئب جائر... قصة عراقية حقيقية تروي حياة فتاة واخواتها عاشت في كنف عائلة متفككة ظروف اجبرتها على ارتكاب الذنوب وعائلتها كانت السب...
