اسيرة الماضي

الفصل العاشر

*الفصل العاشر*
                   *اسيرة الماضى
              *بقلم Mäyädä ibrähim*

اسر تحت بيت منه : ادى اللى بناخده من البنات يلطعونا بساعتين وبعد دا كله المحاره تطلع بايظه? وقال اى مسمينه ميك اب دا انا دهان شقتى احسن من دهان وشهم وفجاة
تنزل منه بفستان احمر قصير مكشوف الضهر والكتف  وجزمه كعب حمراء وتطلق شعرها الاسود الحرير خلفها
منه:اسفه على التاخير  اسر...اسر
"اسر انصدم من شدة جمالهاا وعيونهااا  الخلابه بلون البنى فهو يعشقهااا كثيرا فهى حبيبته التى برؤيتهااا قلبه يكاد ينخلع من مكانه فهو حقا يعشقهااا بكل حالاتها"
اسر بحب:هاااا لا عادى بس انتى جميله اووووى
منه:بجد يا اسر انا عجبتك
اسر وهو يمرر يده على شعرها:انتى دايما عجبانى يا قلب اسر وحاليا بفكر اخطفك واجوزك
منه:?لا اهدا كدا مش عاوزين فضايح
اسر: اهدا ازاى بالاحمر دا شكلها هتبقا سهره عسل وهبقا سفاح على ايدك
منه: هههههه لا متخفش يلا بقا نتحرك هنتاخر
اسر :حاضر اركبى 

فى شقة مهاب :يلا يا نغم والله هنتاخر على الناس وادهم هيكدرنا
نغم:خلاص خلصت اهو
مهاب بندهاش : مين حضرتك !؟ كان في جوا الاوضه  اختى
نغم: انانغم يامهاب فى اى
مهااب:?عارف بس اصلك  جميله اخر حاجه لو مكنتيش اختى كنت عملت فعل فاضح فى الشقه?
نغم:?طب اتلم يا حضرة الرائد
مهاب: يلا يابسكوته  لنتاخر
نغم كانت لابسسه فستان اسمر  بس كان قمة الجمال مع شعرهاا الاسود الحرير وعيونهاا السوداء وبشرتها الصافيه

شقه مليكه فى الريسبشن
مديحه:ليه ضغط على مليكه تروح معاهم وانت عارف انها هتفضل طول السهره مصدرلهم وش خشب
سيف: بص يا ديحه امينه قالتلى على كل اللى حصل بين مليكه وادهم وان ادهم مهتم بيها جدا وانا حسيت نظره حب فى عيونه غير ان امينه قالت ان مليكه بترجع لطبيعتها فى وجوده ف بؤكدلك ان ادهم اللى هيرجعلى بنتى تانى
مديحه:يارب يا حبيبى عاوزه ارجع اشوف ضحكتهاا تانى ومشفش الحزن فى عينها
سيف اخدها فى حضنه:قريب يا حبيبتى بس اديلهم وقتهم
فى الباركنج تبع شقة  مليكه
يوسف مستنى نور ومليكه فى عربيه  فارهه

نزلت نور وهى ترتدى فستان رمادى ويوجد عليه لؤلؤ يصل للركبه يزيد من جمال نور التى تتمتع ببشره بيضاء وشعر كستنائى غامق وشفايف وردى   وعيون رصاصى فاتح
وتلحق بيها مليكه التى كانت ترتدى بنطلون چينس جملى cutting من الركبه وعليه سويت شيرت اسمر وعليه رسمه التاج وتربط شعرها 
يوسف فى نفسه :والله انتى خساره فى الحزن يا مليكه خساره الملامح الجميله دى تدبل كدا
انا ماما ديحه دعيالى علشان يبقا معايا بنتين بالجمال دا
نغم ومليكه:هههههه واحنا محظوظين ان لينا اخ بالجمال دا والحنيه دى ربنا يخليك لينا
يوسف:كدا هتغر فى نفسى اكتر ف اركبوا
            
فى مطعم على البحر
دخل اسر ومنه ليجدوا ادهم فى انتظارهم
ثم يدخل مهاب واخته ويلقوا التحيه والسلام للكل
بعد فتره يصل يوسف ومليكه ونور
يوسف:خشووا انتم لحد ما اركن فى الباركنج
مليكه:تمام يلا يا نور
فى نفس الوقت على التربيزه
منه :حبيبى انا راحه الحمام ومش هتاخر
اسر:ماشى ياروحى
منه:نغم تعالى معايا
نغم:حاضر
منه:اوبس عاوزه اعدل الميك اب بتاعى بس نسيت اجيب ميك اب بتاعى
نغم:مافيش مشكله انا معايا فى عربية مهاب ثانيه واجبهالك
منه:مش عاوزه اتعبك ياحبيبتى
نغم:مافيش تعب يا حب
ثم تخرج نغم لتتجه للسياره وتاخذ شنطتها لتذهب لمنه وهى تسير  وكانت امام باب المطعم تقوم بفتح شنطتها لتتاكد من وجود الميك اب لتخبط فى شخص ليقع كل ما فى يدها على فستانها  ولسوء الحظ ازازه الروچ السائل وقع علي ساقيهاا
نغم:  اااه ثم تنظر لنفسهاا لتقول ينهاررر الوان مش تفتح يا بتاع انت
شخص بعصبيه :بتاع !؟ انتى ازاى بتكلمينى كدا ثم انك انتى اللى كنتى مشغوله مش انا يبقا انتى اللى غلطانه
نغم:ترفع راسها له : لا انا مش غلطانه انت الغلطان حتى لو مشغوله اى عينك دى مش شاايفه علشان تمشى بعيد عنى علشان متتهببش تعمل  اللى عملته فيا دا عجبك منظرى دلوقتى
الشخص بتوهااان فى جمالها وبراءة ملامحها فكيف تكون شديدة الجمال هكذا وشرسه ليفيق من شروده :انتى مجنونه واللى حصل فيكى دا تستاهليه علشان انتى قليلة الذوق ولسانك متبرى منك ليتركها ويسير خطوتين ليسمع وهى تناديه
نغم:انت يا مقرف  وتقترب منه والشخص يلتفت اليها لينصدم بكاس من الماء يرتمى فى وجهه
نغم:علشان تحس بالقرف اللى عملته وتتركه وتجرى متجهه للحمام
الشخص:?وربى لطلع عينك بس امسكك يا بنت
مليكه بعد السلامات والترحاب
مهاب:سرحان فى جمال نووور....مش هتعرفينا يا مليكه
مليكه :اكيد بص دى نور بنت خالى واختى وتبقا اخت يوسف شويه وهتلاقيه جاى ودكتورة جراحه شاطره جدا...دول يانور الرائد اسر ومهاب وادهم وادهم يبقا القائد بتاعى
نور برقه :اهاا اهلا بحضرتكم اتشرفت بمعرفتكم 
مهاب بغير واعى: دا احنا اللى اتشرفنا يا اجمل دكتوره فى الكون ليفيق احمم اقصد اشطر دكتوره
نور:ميرسى ليك
منه بدهشه:اى اللى حصلك
نغم: واحد مستفز خبطنى ووقع الروچ عليا والميك اب كله خلانى بلياتشو
منه: هههه طب خدى منديل امسحى رجلك ، واحكيلى
نغم قصت عليها ما حدث
منه:لا اخت مهاب بصحيح دايما قويه ومستقويه على الخلق
نغم:محدش قاله يبقا اعمى
منه:يابت اتلمى انتى اللى غلطانه مش هو انا لو مكانه كنت علقتك المهم شكله اى
نغم بسرحان مع نفسها هيحح شكله اى دا قشطه بالمهلبيه ياناس....شكله اى اى دا ملهوش شكل خالص لو حد شافه هيرجع ?
منه:يع اى القرف دا المهم خلصتى خلينا نمشى
نغم:اه يلا
ليدخل يوسف بغضب
مليكه:مالك يا يوسف انت كويس
يوسف:مافيش بس فى واحده غبيه ومتخلفه ضايقتنى "لنكتشف انا البتاع المقرف طلع چو ?ربنا يستر عليكى يا نغم"
اسر:اى اللى حصل احكى ثم قص يوسف ماحدث
مهاب:هههههههههه بنات مصر علموا عليك بسرعه
يوسف: انا لو شفتها هفرمها بس مين انت
مهاب:انا مهاب الشرقاوى رائد فى المخابرات وصاحب مليكه وادهم قائد مليكه واسر
يوسف:ايوه صح عرفتك مليكه بتحكى عنكم كتير واعتقد ليك اخت كنت عامل ليها عيد ميلاد صح
مهاب:شكل مليكه بتقولك كل حاجه
يوسف:اكيد مليكه بنتى مش اختى المهم اتشرفت بمعرفتك  ثم يرن هاتف يوسف ليستاذن ليجيب على الهاتف بعيدا
لتدخل منه ونغم
وتجلس منه ونغم مكانهم
مهاب:مالك ياروحى متعصبه ليه
منه:متقلقش يامهاب بس فى شخص ضايقها وهى قامت بالواجب
نغم:دا متخلف ومقرف ولو شفته هفرمه
ادهم:?هو اى الحكايه بتاعت المتخلفين الايام دى هى مصر اضربت ولا اى
نغم:??شكلها كدا يا ادهومى
مليكه بغير واعى:ادهومى !؟
ادهم:استغرب منها جدا ..اه اصل نغم بتعتبرنى زى مهاب انا وهو  اصل مهاب صاحبى من وانا صغير فمربينها سوا
مليكه:اهااا
نغم:مين القموره دى يا مليكه وتنظر لنور
مليكه: دى نور اختى وبنت خالى
نغم:اهلا شكلك قمور وتتحبى بسرعه
نور:انتى اللى قمر والله وميرسى لكلامك الحلو دا
ثم يدخل يوسف: اسف على التاخير بس كان فون شغل
نغم :الصوت دامش غريب عليا لترفع نظرها له
لتنصدم وتقف :انت اى اللى جابك هنا
لينظر اليها يوسف  ويقف: انتى اللى اى جابك هنا
نغم: دول صحابى  ومعارفى انت بقا جاى هنا ليه يا متطفل
يوسف بعصبيه:دول كمان صحابى يا مقرفه
مليكه:بس يا يوسف وانتى يانغم اسكتوا وفهمونا فى اى
الاتنين حكوا
الكل ضحكككك عدا يوسف ونغم ومكنوش طايقين بعض
مهاب:يعنى اللى علمت عليك طلعت اختى لا اسد زى اخوهاا
ادهم:بحد مهاب خلصنا
مليكه: انتم الاتنين غلطوا فى بعض ولازم تتاسفوا علشان مش هسمح لحد فى دايرة الصحاب دى يكون فيها خلاف كل واحد فيكم رد على كل اهانه اتوجهتله ولازم تعتزروا
نغم :مستحيل اعتذر للبنى ادم دا
يوسف:يابت هكسرلك دماغك اكتمى
مليكه:تمام لو معتزرتوش من بعض انا همشى ومحدش فيكم يكلمنى لحد ما تتصافوا
ادهم معجب جدا بحببته وقوتهاا وشخصيتها فى دور القياده
يوسف بغضب : اووف حاضر يا مليكه "Sorry "
نغم:ماشى وانا كمان متاسفه
مليكه :شاطرين نطلب اكل بقا علشان  بطنى بتزغرط من الجوع
منه:اه والله يا ميمو الواحد مات من الجوع
مهاب:انتى مبتبطليش اكل الله يكون فى عونك اصاحبى
اسر:??اه والله ناقص تاكلنى
منه:لا اانتى لحمك مر ياعم قولنا
اسر بجديه :طب يا جماعه انا قررت قرار وبما اننا مجتمعين لازم تعرفوا
ادهم:اكيد قرار تافه زى صاحبه
اسر:لا خالص...وهو ينظر الى منه بس انا قررت انى هروح اتقدملها واخطبها 
مهاب:يابن اللعيبه اخيرا
منه:اسر بتتكلم جد ولا بتهزر
اسر:جد والله قولت اخطبك قبل ما تعنسى
منه تضربه فى كتفه ثم تحضنه:بحبك يا بارد
اسر:وانا بموت فيكى
نورهى ونغم:تمثل العزف على الكامنجه تاااارا ررى
ليضحك الجميع ويأكلون
اسر:ممكن تسمحيلى برقصه دى  ويقدم اسر ايده لمنه
منه: امممم موافقه
مهاب ينظر لنغم   اى تحبى ترقصى
نغم:اكيد يا هوباا
نور بتنظر ليوسف
يوسف:متبصليش كدا بنهااار قومى يالا
نور بفرحة اطفال:هاهاها   يلا
ليذهب الجميع للرقص ويتركوا ادهم ومليكه
ادهم:اححمم مليكه انتى لسه مضايقه منى !؟
مليكه:لا يا ادهم مش مضايقه  ونسيت اللى حصل
ادهم:يعنى مش هتقدمى طلب نقل
مليكه بخبث :اممم لا لانى عاوزه ادرب على ايد اشطر رائد واخد خبرته منه
ادهم ابتسم:خبرته بس
مليكه اتكسفت :شكلهم حلو اووى وهما بيرقصوا
ادهم:فعلا شكلهم حلو اووى تسمحى برقصه دى
مليكه فى وضع لا تحسد عليه فهى لا تريد احراجه ولا تريد كسر وعد حبيبها الراحل بعدم لمسها او احتضانها احد غيره
مليكه:معلش يا ادهم بس انا مش بعرف ارقص
ادهم:تعالى وانا هعلمك
مليكه:مش دلوقتى علشان محدش يحرجنى وكدا وقت تانى ابقا علمنى اتفقنا
ادهم:موافق
ظل ادهم ومليكه يتحدثون كثيرا وكانت تضحك مع ادهم للمرة الاولى وادهم يشعر بسعاده لانه سبب ابتسامتها بينما اسر ومنه فى عالم ملئ بالحب والمشاعر النقيه
ومهاب منشغل بنظر الى نور التى سرقة تفكيره منذ اللحظه التى دخلت فيها وكانت نور تبادله نفس النظرات المختلسه فهى شعرت بدقات  قلبها لرؤيته وناتى ليوسف الذى يتوعد لنغم ولكن كانت نظراته تتحول فى لحظه الى نظرات حب وحنان كانها تشبع من ملامحها ولكنه يتذكر ما فعلته لم يستطيع احد ان يفعل هذا معه من قبل وكذالك نغم التى اعجبت بشخصيته القويه والمحبه لاخواته فكيف لشخص ان يكون قويا مع الكل وياتى امام هذان وينقلب لىشخص يمتلئ بالحنان
"العيون ليس لها دخل فى اختيار الحبيب بينما المسؤول الوحيد هو القلب كأن الانسان يمتلك نصف جزء من القلب يعيش به وعندما ياتى شخص يتعلق به القلب فتاكد انه يمتلك الجزء الاخر من القلب الخاص بك ليتحالف معا ليصبحوا قلبا وروحا واحده فى جسدين "
التفاعل وحش جدا فعلشان كدا نفسيتى كانت وحشه كن الروايا فتاخرت ف التنزيل ?