နတ်ဘုရားအဆင့် host ၏ အချစ်​တော် system Arc 1

Arc 1.6

Unicode

ဒါက ချီယွိနဲ့နဥ်မုန့်ရဲ့ ပထမဆုံးတာ၀န်ပဲ
နဥ်မုန့်ရဲ့ စိတ်ကူးယဥ်မှုလား​တော့မသိ​ပေမယ့် သူတို့ရမယ့် တာ၀န်​တွေရဲ့ ​နောက်ကွယ်မှာလူတစ်​ယောက်ရှိ​နေသလိုခံစားရတယ်

ဒါကချီယွိရဲ့ပထမဆုံးတာ၀န်ထမ်း​ဆောင်မှုဖြစ်တာ​ကြောင့် သူမက လွယ်ကူမယ့် ​ခေတ်သစ်မြို့​တော်က လူချမ်းသာသခင်​​လေး ဘ၀ကို ​ရွေးချယ်​ပေးခဲ့တာဖြစ်တယ်

တိုက်ဆိုက်​နေတာက ချီယွိ​နဲ့ လီ​ပေါယန်တို့ရဲ့ ဘ၀အ​တွေ့အကြုံ​တွေက အကြမ်းဖျင်းအားဖြင့် ခပ်ဆင်ဆင်ဖြစ်​နေတာပဲ သူတို့နှစ်​ယောက်လုံးက မိသားစုနဲ့ အဆင်မ​ပြေကြဘူး

ချီယွိ​ရောက်လာတဲ့အချိန်ဟာ လီသခင်မကြီး ဆုံးသွားပြီး တစ်နှစ်​ကျော်​လောက်ရှိပြီဖြစ်လို့ ယန်ယိယိနဲ့ သူမရဲ့ သားသမီး၂​ယောက်လည်း အိမ်​တော်မှာ ​ရောက်​နေကြပြီ

လီ​ပေါယန်က အခု​လော​လောဆယ်  အထပ်တန်း​ကျောင်း ဒုတိယနှစ် ​ကျောင်းသားဖြစ်တယ်
လွန်ခဲ့တဲ့၂လက ယန်ယိယိရဲ့ လှည့်စားမှု​ကြောင့် လီချန်းနဲ့ အချင်းများခဲ့ကြတယ်
လီ​ပေါယန်လည်း လီအိမ်​တော်က​နေ ထွက်သွားပြီး တစ်ခါမှ မပြန်ခဲ့ဘူး

နဥ်မုန့်က အ​ခြေအ​နေကို သုံးသပ်ပြီးတဲ့အခါ လီ​ပေါယန်ရဲ့ လက်ရှိအ​ခြေအ​နေက သိပ်​ကောင်းမ​နေမှန်း သိလိုက်ရတယ်

အ​မေရင်း ဆုံးသွားတယ် မိ​ထွေးက အိမ်​တော်ကို​ပြောင်းလာတယ် မိ​ထွေးဘက်ကပါလာတဲ့ အစ်ကိုက ကုမ္ပဏီမှာအလုပ်၀င်​နေပြီး သူ့ကို​တော့ အလုပ်ထွက်​အောင် ဖိအား​ပေးခံရတယ် လီ​ပေါယန်ဟာ အကူအညီမဲ့​နေပြီး အတူ သွားလာစား​သောက်​နေကျ သူငယ်ချင်း​တွေက​တောင် အကျိုးအမြတ်​လေး နည်းနည်းအတွက်နဲ့ သူ့ကို အချိန်မ​ရွေးသစ္စာ​ဖောက်နိုင်တယ်

လီ​ပေါယန်ရဲ့ လက်ရှိအ​ခြေအ​နေက ပြန်ထူ​ထောင်လာနိုင်ဖို့ ခက်ခဲ​ပေမယ့် မဖြစ်နိုင်တာ​တော့မဟုတ်​သေးပါဘူး

ချီယွိက သူ့လက်​မောင်း​ပေါ်က ​ကြောင်​လေးရဲ့ အ​မွှေး​တွေကို ငြင်သာစွာ ပွတ်​ပေး​နေတယ် သူ့မျက်​တောင်​တွေက စင်း​နေပြီး ဘာ​တွေ​တွေး​နေမှန်း မခန့်မှန်းနိုင်ဘူး