الدكتورة أسيرة الزعيم 🔫👩‍⚕️

الحلقة40

راحت تتفاعل معاه و تعنقو اما تمتم تفكرت واش دارلها و تفكرت انها راح تخليه يندم طبعاتو و قاتلو: راتي واجدة ..
حبس شاف فيها مخلوع و دار خبط الباب و خرج اما هي تبسمت : انت وصلت الحالة لهنا يا ميستر ماكس و راح نلعبو بزااف مدام حبيت تلعب
راحو دخلت راحت تجري عند جميلة و جوليانا قصرو حتى شبعو و طلعت لبيتها لقاتها مخملة و مفرشة و حوايجها مخملين لمحت باطة فوق الفراش راحت شافتها pcرفداتو: اييه تفكرت بلي كسرتلي تاعي جبت واحد و جيت تجري حطاتو بدلت و قعدت  لبست  نواظرها و بقات تقرا كتاب
اما العاصفة تاعنا مستوعبش واش دارت دخل لشومبرتو و خرج بقا يشوف في المسبح و هو غارق في تخمامو "يعني دوك هيا شافتني هكذاك و فهمت اني مكنتش حاب يعرفو انها حبيبتي مي الفهامة تاعها هي سبابها تحوس تفعم بزاف و حوايج خاطيينها و فوق هاد الشيء تفعم النقس اااه لوكان تحطي عقلك في راسك شوية برك راح تعرفي بلي هاد الشيء غصب عليا ..غصب عليا نخبيك و نحميك اه و لوكان يعرفو انك حبيبتي راح يشدوني منك اوففففففف" دخل و جبد شورت و راح لبس و حكم سربيتة و خرج راح للمسبح غير لحق و بدون سابق انذار رما روحو و قعد مدة تحت الماء يحاول يستجمع قوتو و ضعفو من جيهتها بقا يخرج و يدخل يقعد مدة تحت الماء
اما هي كانت تقرا حتى سمعت حس تغاضات الامر و كملت تقرا مي بقات مرة على مرة تسمع حطت الكتاب من يدها و ناضت تشوف فتحت الباب تاع البالكون و طلت مالقات والو دارت رايحة تدخل حتى سمعت صوت  الما حبطت راسها شافتو يعوم : الله يحفظ و يستر في هاد البرد تعوم الناس! " شافتو عاود دخل في الما و قعد بقات تستناه يخرج ستنات ستنات شافتو طول" ع.علاه طول هذا ؟ مااك.." مكملتش عيطتها حتى خرج هو من الماء و هي تنهدت تنهيدة خوف هو طلع راسو شافها تشوف جيهتو  ركز فيهل و على النواظر لي زادوها سحر حبط راسو ضحك و هدر مع روحو : طلعتي حتى بالنواظر و تاخدي العقل مي اسناي شوية  راح نلعبو دكتورتي.
قعد في المسبح وقت ابري خرج طلع راسو هي تخبات لف منشفة عليه طلع دوش و رقد و هي تان.

ناضت صباح على صوت الطبطيب في الباب فتحت عينيها شافت الساعة لقاتها 9تاع صباح نفخت : اوووف صامط صامط منهدرش معاك  ناضت لبست ببنوارها و فتحت الباب و هي تهدر : متفهمش قلتلك متزيدش تجيني هنا و انساا..
شافت شكون لقاتها جوري
جوري: اوهوو على حساب الشوفة كنتي على سام
ميار حبت تبدل موضوع : اوهوو رجعتي و عنقتها
جوري: وي غير كيما برك . دخلت للداخل و قعدت و قعدت ميار مقابلتها : و انت لي يجي يجي دوك على 9كنت راقدة انا  نحارب في الليل باش نغمض غمضة و لالا جايتني دوك
جوري : اوهووو مسهرها الليل السي 
ميار بدات عينيها تدمع طلعت يدها باش تمسح دموعها
جوري شهقت كي شافت يديها ملوية شدتها و بقات تشوف فيها ملوي عليها شاش من جهة العرق خافت يكون لي في بالها صحيح طلعت رأسها تشوف في ميار لقاتها شاردة بلا حتى حركة
جوري: راح نسقسيك حاجة و نتمنى نغلط اتا فواش في راسي..
راحت تكمل حتى قاطعتها ميار : وي حاولت ننتحر بلا متسقسي
جوري و بدات تعيط : انت...انت..انت نورمال !! اااه انت نورمال دوكا ثاني مرة تحاولي تنتحري فيها انت ماكيش نورمال انت لازملك علاج ميار واشبيك واش حبيتي ديري في روحك اه و سام وين كان ! اه وين كان كي انت كنت حايبة تروحي لوكان عرف واش راح يدير واش راح تقوليلو اه سام حبيبي هادي المرة ثانية لي نحاول نتحر فيها هكا راح تقولي اااه اهدري متقعديش ساكتة جاوبيي
ميار : كلشي بسبتووو هووو فهمتي دووك كلشي صار بسبابووو هو هو لي لحقني لهاد الحالة هو لي فتح الجروح القديمة لي فيا هوووووو كلش بسبابو هو .و طاحت تبكي بهستيرية جوري شافتها هكاك خافت عليها راحت عندها: خلاص ميار خلاص راني هنا ماصرا والو خلاص.عنقتها و قعدت تربت على ظهرها حتى غفات عدلتها غطاتها رفدت مفاتحها و خرجت ديريكسيون الشركة تتوعد في سام: راح تخلصها غالية يا سام غالية .
بعد مدة لحقت للشركة دخلت بكل قوة و صوت صباطها يثقب الأرض راحت للاستقبال : صباح الخير هل السيد سام في غرفته؟
الطفلة : لا اعلم في اخر الرواق على يدك اليمنى اول مكتب غرفة مساعدته الخاصة يمكنك سؤالها .
راحت وين لقات طفلة قاعدة لتم دخلت: هل السيد سام في غرفته؟
السكرتيرة: لا هو عند السيد ماكس هل عندك موعد معه !
جوري: لا شكرا 
خرجت و راحت للمكتب تاع ماكس لحقت قلبها تزير شافت السكرتيرة تاعو جازتها و فتحت الباب كي العاصفة كان ماكس في كرسيه تاع المكتب و سام قاعد في الفوتاي مقابلو كي دخلت جات موراها السكرتيرة : سيدي لم استطع منعها
ماكس: لا بأس يمكنك الذهاب خرجت و غلقت الباب
و عين جوري مركزة على سام
سام: واش دكتورة خير ان شاء الله ولا  توحشتي ماكس و غمزلها
ماكس شاف كيفاش تشوف في سام: واش كاين حضرة الدكتورة
جوري راحت وقفت عند راس سام شافت فيه و  هدرت بكل هدوء : تتفكر نهار قتلك تآذيها تلقاني اول واحد يوقف في وجهك !
سام عرف واش راهي تمعني اما ماكس فقعد كي الأطرش في الزفة يشوف من و من و يحاول يفهم جوري: ها يا سي سام تشفى نهار قتلك راح نخليك تندم على النهار لي آذيتها فيه ! اااااه تشفى !
ماكس: نق...
قاطعاتو قبل مايبدا يهدر حتى رفعت صبعها في وجهو و دارت ليه : ايااااك اياك و تقولي اسكتي ولا نقسي حسك لانو شي عباد ميستاهلوش الخير و لو ذرة صغيرة
سام: جوري متكبريش الموضوع و انت معلابالك بوالو
جوري: و الله! ايه راني حابة نعرف واش راح تالفلي علابالك راني متشوقة باش نسمع واش راح تقولي راح تقولي كنت نتمسخر ! اه ولا حاجة  واحدوخرة كذبة من كذوباتك سي سام
ماكس: جوري واش راكي تخلطي مشكل بينو و بين صحبتو و انت علااه ! اه علاه جاية تعيطي و تلمي في الغاشي على المكتب بسبب حاجة انت ملكش علاقة فيها حتى
جوري : مليش علاقة ياك قتلي معندي حتى علاقة كيفاااااش صحبتي لي دايرتها اكثر من اختي تحاول تنتحر مرة ثانية و تدخل الصبيطار و حابني نسكت اه كيفاش حابني نسكت و انا نعرف سباب هذا قاع كيفاااش قولي برك ادا انت قلبك حجر مش كامل الناس كيفك قلتهالك و راح نعاودها يا حضرة الزعيم اذا انت تجرح انا نداوي فرق كبير بيناتنا اذا انت زعيم انا دكتورة...
ماكس لي هدرتها زعزعاتو علابالو انها في حالة تاع تقلاق تهدر لي جيها في راسها اما زعزعاتو هدرتها
سام لي مسمع حتى  كلمة مور : تنتحر مرة ثانية...
عقلو حبس عند هديك الجملة كانت جملة جوري كفيلة باش تخليه مصدوم...

سمحولي بزاف بزاف بزاف على الغياب و الله اليامات راهم يجرو باش يخلاصو و كل مرة نحاول نخطف روحي باش نكتب على الاقل شوية
ان شاء الله يعجبكم البارت ❤🌚✨