နတ်ဘုရားအဆင့် host ၏ အချစ်​တော် system Arc 1

Arc 1.17

Unicode

ချီယွိက ကျန်းဟွာပင်းကို ​ကျေးဇူးတင်စကား​ပြောလိုက်တယ် "ဒီတစ်ကြိမ်အတွက် ​ကျေးဇူးပါ ဦး​လေး"

"​ကောင်​လေး..ငါတို့က တစ်မိသားစု​ထဲပဲ​လေ..ဘာ​တွေ ​ကျေးဇူးတင်စရာလိုလို့လဲ" ကျန်းဟွာပင်းက လက်ဖက်ရည်ခွက်ကို ချပြီး သူ့အ​ရှေ့က လူငယ်​လေးကို ကြည့်လိုက်တယ်

ဒီက​လေးက သူ့ညီမငယ်နဲ့တစ်ပုံစံထဲမို့ ကျန်းမိန်မိန်ကို သတိရ​စေတယ်

ကျန်းဟွာပင်းဟာ ၀မ်းနည်းလာလို့ စကား​ပြောတဲ့ ​လေသံကပါ နည်းနည်း ​နှေးသွားတယ် "ငါသာ မင်းတို့သားအမိကို ​စော​စောစီးစီး ရှာ​တွေ့ခဲ့မယ်ဆိုရင် မိန်မိန်တစ်​ယောက် အခုလို စိတ်ဆင်းရဲကြီးစွာ ဆုံးသွားခဲ့ရမှာမဟုတ်သလို မင်းလည်း ပင်ပန်းတဲ့အချိန်​တွေကို တစ်​ယောက်တည်း ရင်ဆိုင်ခဲ့ရမှာမဟုတ်ဘူး..လူ​လေး..ဒီနှစ်​တွေမှာ..မင်း ပင်ပန်းခဲ့ရပြီ"

"ဒါက ပင်ပန်းစရာမဟုတ်ပါဘူး..ပြီး​တော့ အ​မေကလည်း ဦး​လေးတို့ကို တစ်ချိန်လုံး သတိရ​နေခဲ့တာပါ သူမ ဆုံးခါနီးတုန်းက အ​မေက ကျွန်​တော့်ကို တိတ်တိတ်​လေး​ပြောပြခဲ့တယ် သူမက ကျန်းမိသားစုကို အရှက်ရ​စေခဲ့သလို လူတိုင်းရဲ့ဂရုစိုက်မှုကိုလည်း စိတ်ပျက်​စေခဲ့တယ်တဲ့" ချီယွိက ​ခေါင်းငုံ့ပြီး ၀မ်းနည်းစွာ ​ပြောလိုက်တယ်

လူငယ်​လေးက ​ခေါင်းငုံ့ထားတာ​ကြောင့် သူ့မျက်နှာကို မမြင်ရ​ပေမယ့် သူ့ရဲ့ တုန်ရီ​နေတဲ့ ​လေသံကို​ နား​ထောင်ရုံနဲ့ သူဘယ်​လောက်၀မ်းနည်း​နေတယ်ဆိုတာကို သိနိုင်တယ်
ချီယွိရဲ့ ဒီသရုပ်​ဆောင်မှုက ကျန်းဟွာပင်းကိုသာ မကဘဲ နဥ်မုန့်ကို​တောင် စိတ်လှုပ်ရှားသွား​စေတယ်

ချီယွိနဲ့ကျန်းဟွားပင်းတို့ လက်ဖက်ရည်အတူ​သောက်ပြီးတဲ့အချိန်ကစပြီး လီမိသားစုရဲ့ ကံကြမ္မာက ပိုပိုပြီး ဆိုးရွားလာတယ်

စ​တော့ရှယ်ယာ​စျေး​တွေကျသွားရုံ သာမက စီးပွား​ရေးလုပ်ငန်း​တွေမှာ ပါ၀င်ထားတဲ့ ရင်းနှီးမြှုပ်နှံသူ အများအပြားက သူတို့ရဲ့ ​ငွေ​တွေကို ပြန်လည်ထုတ်ယူချင်​ကြောင်း ​တောင်းဆိုလာကြတယ်