MONTE COSTA SERIES #4: Estuary Of Love [BL]

Kabanata 12

Kabanata 12

THE MOMENT Ivler looked away, the whole crowd went suddenly wild after seeing Ivler's heated cheeks. Pakiramdam naman ni Linus ay naalibadbaran lang ito sa sagot niya kaya naman nang bigla siyang tinamaan ng hiya, umalis siya sa lugar at hindi na pinansin pa ang mga pagtawag ng mga kasamahan.

He went out of the clubhouse and just decided to meet Micah by the beach. Kailangan niyang pakalmahin ang sarili dahil kung hindi ay lalamunin siya ng kahihiyan.

God, he shouldn't have said that. Now Ivler will surely keep his distance from him. Baka mamaya ay isipin nitong iba talaga ang intensyon niya magmula pa noon.

Micah gave him his beer while they're sitting by the beach, silently watching the waves. Ang akala siguro ni Micah ay ine-enjoy niya lang ang magandang tanawin dahil sa repleksyon ng mga bituin sa payapang karagatan, ngunit ang totoo ay lumilipad ang kanyang isip dahil sa naging laro kanina.

"Aalis na ko mamayang madaling araw. Susunduin ako ni Daddy." Sinandal ni Micah ang ulo nito sa kanyang balikat. "Pwede kang... sumama para maka-bonding mo muna sina mommy at daddy bago ka umalis, Linus."

Napalunok siya sandali bago binalingan si Micah na nakatutok ang mga mata sa kanya. "Baka magalit lang si Iggy."

Micah flashed a slight smile. Mayamaya ay hinawakan nito ang kanyang batok at hinatak ang kanyang ulo upang halikan siya sa mga labi.

Linus tried to shut his eyes and remember his feelings for Micah, but the more he's trying to kiss her back, the more he realizes the truth.

Wala na kay Micah ang pagmamahal niya... at kahit masakit mang isipin, mukhang kahit anong gawin niya ay mananatili na talaga si Ivler sa kanyang puso umalis man siya ng Monte Costa at hindi na ito makita pa.

He pulled away and opened his eyes, only to look away when Micah's eyes soften as if she got the idea already. Natungga niya ang kanyang bote at tuluyang tinanggap ang katotohanang hindi niya na kaya pang ibalik sa dating nobya ang pagmamahal na hindi niya inasahang mapupunta kay Ivler sa maikling panahon lamang na nakasama niya ito.

"May... bago na ba, Linus?" Micah asked in a sad tone.

Napayuko siya at sandaling inigting ang kanyang panga bago siya humugot ng isang malalim na hininga.

"Y—Yes..." He swallowed the lump in his throat. "I'm... sorry."

Micah went silent for a few moments before she patted his back. "I understand. Kasalanan ko rin dahil... ako naman ang unang naghanap ng iba, Linus. Ako ang unang nagkaroon ng ibang karelasyon kaya... siguro ay karma ko na 'to na kung kailan ko napagtantong ikaw pa rin ang gusto ko, hindi na sa akin ang puso mo."

Napatingin siya rito ngunit nang makita niya ang nagbabadyang luha sa mga mata ni Micah, parang sinuntok ang dibdib niya.

"Micah..." He sighed then faked a smile. "Hindi rin kami pwede."

She sniffed and forced a smile. "Dahil aalis ka na ay hindi mo na ipaglalaban? That's unfair. Kung sino man ang bagong nagmamay-ari sa puso mo, Linus, sana huwag mo nang pakawalan para hindi na rin ako umasa na... pwede pa tayo. Minsan mo na akong sinukuan dahil inisip mong hindi ko kaya ang sitwasyon natin kaya sana, sa bago mong mahal, huwag mo nang gagawin iyon..."

Lumamlam ang kanyang mga mata. "I thought I did what's best for you..."

Malungkot itong ngumiti. "No... and your decision just made me look for love in somebody else so..." She drew in a sharp breath. "This time please just follow your heart and don't let your chance slip away just because you think you're causing trouble to the person you love. Mahalaga ka sa akin kaya... kung mayroon na talagang iba, sana maging masaya ka na lang. Hindi na kita guguluhin pa."