MONTE COSTA SERIES #4: Estuary Of Love [BL]

Kabanata 25

Kabanata 25

SUMINGHOT si Percy at pinunasan ang mga luha gamit ang laylayan ng damit nito. Hindi talaga napigilan ng alaga ni Ivler ang umiyak dahil sa nalamang pagkakatanggal niya sa Azkals. Palibhasa ay mahiyaing bata at sa kanila lamang ni Keison hindi natatakot, heto ito ngayon at panay ang pagpatak ng luha.

Alam naman niyang may halong personal na dahilan ang coach niya kaya siya pinapili. Siguradong nagalit din ito dahil nagwawala si Macey kaya lang ay buo na ang desisyon niya. Kung ang relasyon na nila ni Linus ang maisasangkalan, buong puso niyang tatanggapin ang desisyon ng mga itong alisin siya.

Tinapik niya ang balikat ni Percy. "Listen to me, Percy. I want you to take my place. Ikaw ang maging kadikit ni Keison."

Muli itong humikbi habang nakatitig sa kanya ang namumula nitong mga mata. "Paano ko gagawin 'yon, kuya Ivler kung wala ka na sa team? Ang dami ko pang kailangang matutunan sayo bago ko maabot ang lebel mo."

He tried to fake a smile. "I'm going to train you without them knowing. Hindi kita pababayaan. Hindi naman porke't wala na ako sa Azkals hindi na kita pwedeng tulungan."

"Pero iba pa rin kung isa ka sa players, kuya. Kausapin mo na lang si coach. Makiusap ka na lang."

Ivler gently squeezed Percy's shoulder. "Magtiwala ka lang sa'kin. Kahit wala ako sa field, kaya ninyo. Malaki ang paniniwala ko sayo kaya magtiwala ka rin sa kakayanan mo."

"Bakit ka ba kasi basta na lang tinanggal, kuya?"

Nagpakawala ng malalim na hininga si Ivler. "They uh... found out that I'm not straight. Ex ko ang anak ni coach at kung hindi ko hihiwalayan ang partner ko, hindi nila ako papayagang manatili sa team. Besides, the team is in so much trouble already. Kung puputok sa media ang tungkol sa current relationship ko habang nasa team pa ako, siguradong lalo lang malalagay sa alanganin ang team. Lahat kayo madadamay and I don't want that."

Percy sniffed. "Ang totoo matagal ko nang alam ang tungkol sayo, kuya. Ibig kong sabihin ay, ang hindi mo pagiging straight na lalake pero hindi naman ibig sabihin na hindi ka tunay na lalake ay hindi na ikaw ang kilalang Ivler Beckham na mahusay na manlalaro. Ikaw ang naging inspirasyon ko kaya lumakas lalo ang loob ko, kuya kasi kung ikaw ay kaya mo, kaya ko rin siguro."

Ivler's heart throbbed, his lips formed a genuine smile. "Of course you can. Our gender cannot define what we are capable of. It takes passion and motivation to become who we truly want to be in life. After all, this isn't the end of my journey, Percy. This is just a detour where I have to reassess how I want things to be in my life."

Malungkot itong ngumiti. "Gagawin ko lahat para maging proud ka sa'kin, kuya Ivler."

"I know you will, Percy."

Napatingin sila sa pinto ng locker nang pumasok ang ilan sa mga bagong player na imported ng kanilag coach. Nang makita sila ng mga ito ay kaagad na nagsingisi.

"Hey, Beckham. Wanna suck my dick before you leave? Just a... little remembrance."

Nagtawanan ang mga kasamahan nito. Nang marinig ni Keison ang sinabi ng mga kasamahan ay ito pa ang naunang nag-amok kaya muntik nang mauwi sa suntukan kung hindi napigilan ni Ivler ang kaibigan.

"Tangina nitong mga 'to!" asik ni Keison.

Ivler looked at the guy who teased him before he smirked. "Little remembrance you said?" His lips stretched wider. "I'm proud of you for having the guts to admit that your wiener is little."

Ito naman ang tinawanan ng mga kasamahan kaya nang ang mga ito na ang nagtalo ay niyaya na niya sina Percy at Keison na umalis ng locker area.