احببته عندما احبني❤ (تامي & احمد)

البارة ♡15♡

دكتور: والله عندها حراره داخليه توا اتجي ممرضه تضربلها مخفض حراره .
احمد: حراره بس وليش ترعش هكي ويديها امصقعات بكل .
دكتور: ماتخفش عليها ، عادي هذين من حراره واكبر دليل انه عندها حراره داخليه .
احمد: به تمام .
وجت ممرضه ضربة ل تامي مخفض حراره وفيه نسبة مسكن وتامي على طول ركدة .
احمد: تااامي تامي كنك ماترقديش .
ممرضه: لاعادي من منوم هضا خلها تركد خيرلها اتريح اهي حرارتها بدة تنزل .
احمد: باهي الحمدالله .
ممرضه: ماتخفش عليها .
احمد قعد ماسك يد تامي ويفرك فيها لها وهيا ركدة وهيا حسة بدفء يد احمد عليها بس مش فاطنه.
احمد: تامي ركدتي .
تامي: ....😴 .
احمد: نوم العوافي .
وركد احمد على كرسي اللى جنب تامي وهوا ماسك يدها وراسه على سرير تامي .
....................................
بعدها في الصبح
تامي: احمد يا احمد .
احمد: ...😴
تامي: احمد هيا نوووض نووض احمد احمد .
احمد: مهمممهممم ها .
تامي: نوض هيا .
احمد: صبااح الخير .
تامي: صباح النور .
احمد: اساعه كم توا .
تامي: 8 وربع ، تلفونك من بدري يرن .
احمد: منو .
تامي: منعرفش شوفه .
احمد: عوض مش وقتك بكل ياعوض .
تامي: من عوض .
احمد: صاحبي .
شويه هكي جت ام تامي واختها هااجر .
ام تامي: بنيتي شن دايرا ليوم .
تامي: الحمدالله ماما وين بنات .
امها: اهي هاجر ورايا ، احمد شن داير .
احمد: كويس خالتي الحمدالله .
امها: حمدالله.
احمد: نتوكل انا توا تبي شي تامي .
تامي: لامانبي شي بس وين افطر قبل .
احمد: لاتوا ناخذ قهوه من تحت .
امها: غير خليك افطر بس .
احمد: لا خالتي والله مستعجل .
امها: باهي .
احمد: متبوش شي .
تامي وامها: سلامتك .
وشويه جت هااجر ومعاها فرج هدرزو معا تامي وهكي .
وهيا عقلها معا احمد .
...........................................
بعدها في ليل قعدة معا تامي امها وكلهم روحو تامي بعد ما    امها ركدة .
فتحت نت معا رنت احسين عليها .
تامي: الو .
احسين: اهلين حبيبي شن دايره .
تامي: تمام انا انته شن داير .
احسين: انا كويس بعد سمعة صوتك .
تامي: سامحني بس مقدرتش نكملك انا مزلة في مستشفى وناس كل شويه حد جايني وهكي مافضتش .
احسين: عارف حبيبي والله معندك عليش تبرري .
تامي: احسين اتحبني .
احسين: اكيد نحبك ونمووت فيك ياعيوني انا .
تامي: نحس في روحي مقصرا معاك .
احسين: اي صح مقصرى معايا مننكرش بس عارف ظروفك انتي فامانلومكش .
تامي: يحفظك ربي ليا .
احسين: وليا ياعمري نا .
وقعدو يهدزو للفجر لين تامي قالتله خلاص نبي نركد مش صكر النت وركد .
.   .....................................................................  .
واحمد راكد ويحلم باتامي تغرق تعييط وتنادي عليه .
احمد ناض مفزوووع حط يده عل  قلبه .
احمد: تامي انضر كنها .
شويه مسك تلفونه ويبي يرن عليها شااف اساااعه لقاها اساعه 4 الفجر قرر انه يرن عليها ورن كانت تامي دوبها كيف رااكده .
اول مارن تلفونها ناضت مفجوعه تحسابه احسين شويه لقاته  احمد انفجعت اكثر .
تامي: احمد .
احمد: تامي انتي كويسه .
تامي: كويسه انا انته كنك .
احمد: انفجعتي صااح .
تامي: انفجعت قلت بلكي فيك حااجه .
احمد: لامافيا شي انتي تمام مش مريضه .
تامي: انا مش مريضه انته كنك فيك شي .
احمد: تعرفي نقولك في صبح .
تامي: لا توا قول .
احمد: حلمة بيك .
تامي: شنو حلمة .
احمد: حلمة انك تغرقي وتنادي فيا ، متاكده انك كويسه .
تامي: اي والله كويسه .
احمد: به حمدالله .
وتنهد تنهيدا لعند سمعتها تاامي .
تامي: احمد كويس انته .
احمد: تمام انا اسف فجعتك .
تامي: لا عادي انفجعت عليك بس .
احمد: هيا توا تبي حاجه .
تامي: لانبي سلامتك .
احمد: تاامي اناااا .
تامي: شنو .
احمد: لامكني شي نبي نقولك حاجه نسيت قبل .
تامي: به لما تذكر قولي .
احمد: تمام .
تامي: هيا بااي .
احمد: باااي .
احمد كان يبي يقوللها انه يحبها لكن مقدرش .
......................................................................
وبعد ثلاثة ايام تامي صرفولها خروج من مستشفى .
وطلعة وجاء احمد وفرج روحو بيها .
واحمد هوا اللي يسوق وفرج جنبه وام تامي وراه .
مهم احمد تكى على مطعم نزل هو وفرج جابو عشى وعدو على بحر قعمزو تعشو ويضحكو وجو بعدها روحو للحوش .
ثاني يوم على طلعة تاامي جوها عائلتهم كلهم وتعشو معاهم وجو سمح حمدولها على سلامتها هيا واحمد خوها .
.......................................................................
بعدها بيوم ردة تامي للمدرسه وقعدة تمشي تمام التمام طبعن شهر مر عليها دون احادث تذكر الى الان
واحمد معا تامي متغير وفايتها وميدويش امعاها
وتامي مستغربه منه كيف شن صارله متغير عليها هكي
واحسين يتكلم معا تامي وتس اترد عليه شويه وتصكر وهوا مستغرب لكن دايرلها عذر انها شهاده ثانويه وعليها ضغط وااجد من الامتحانات بس تامي كانت ماله منه ومتبيش تعلقه فيها اكثر من هك لانها ماحباتش كيف ماحبها هوا
.........................................................................

الاهتمام دائما يآتي من شخص الغلط الشخص اللي عمرنا ماحبيناه اللي عمرنا مافكرنا فيه كاحبيب ..
اللي يحب حايتعذب بذات لو كان من طرف واحد كيف احسين ..
دائما الشخص هضا تلقاه يخاف عليك اكثر من روحه ولو تعاركة معاه يتنازل وهو اللي يصالحك حتى لو انته غلطان هو اللي يعفس على كرامته ويجي يتاسف ويتسامح منك ..
لكن انته متبيش من شخص هضا تبيه من شخص اخر قلبك متعلق فيه ..
توا تامي عقلها ايقوللها احسين وقلبها ايقوللها احمد ..
ايامات مرضها حسة بحنية احمد عليها وخوفه وحباته اكثر بس توا له شهر فايتها ومايندريش عليها حسة روحها كيف المضحكه وانه تضحك على روحها بحب احمد لها قررة انها تتجاهله حتى ومدورش بكل وتعامل معااه بكل برود ..
وحتى احسين قررة تتجاهله ومعش ترد عليه وسكرة الوتس بكل لما اخر مرا دزلها مسج على تلفون كذبة عليه قلتله ان امها واخذه تلفون منها وهكي وتوا تكلم فيه بادرقه وهو صدق مسكين كلامها وقالتله على شان قريتها وهكي واول ماتكمل يعطوه لها ..
ومشن الايام وتامي طقة للفتره الثالثه وقبل بسبوع علمها مضايق وتركد تبكي لعند تنوض راسها واجعها وتقرا كانت باسيف  امها تزر عليها تقرا كله بسبب احمد اللي معش شافاته بكل وقلبها محروق ..
شعور صعب بجد يعني ممكن محد حاس بيها وماكنتش تحب تحكي وااجد لحد لي اي حد دس في قلبها وخلاص ..
معش عرفة هل هوا صااح يحبها او مايحبهاش ..
امها كانت عارفه انه احمد يحب تامي وعارفه ان تامي تحب احمد وحستهم من معاملاتهم لبعض انهم كيف اللي متعاركين معا بعضهم لكن ماعندها ماديرلهم ..
.........................
طبعن تامي بدائة في امتحانات فتره الثالثه امها كل يوم تمشي معاها ..
وحتى احمد بداء في امتحانات   ..
وكانو باتها بادي في تكميل الدور الثاني لحوشهم كان دوشه وعمال يجو ومعا هضا كله تامي تقرا وتز على روحنا كله على خاطر امها اللي تجري وتتعب عليها ومفيش يوم سيبتها فيه
وحتى على خاطر باتها اللي دفع مح كبده على مدرسه مدرستها كانت معروفه وغاليه نفس الوقت ..
كملة امتحانتها من هن بنت خالتها جابت من هن ومزال جابت اوليد سماته على خوها الكبير هذي بنت خالتها اللي اجوزة في سبها  امينه ..
اوليدها سماته رواد على اسم خوها الكبير ..
طبعن تامي كانت غمتلها ومضاايقه من احمد واجد وكاره انه تشوفه وفي قصة جيبة بنت خالتها شافاته اكثر من مره وهو كذالك لانهم دراو عشاء رجاله ولمة صبايا وهوا وخوت تامي يحوسو معا رواد "ولد خالة تامي الكبيرا" ..

تامي حسة روحها هبله كيف حبة احمد منعرفش كيف بين يوم وليله لقة روحها تحب احمد ؟؟.. مش عارفه كيف ..

في نهايه مش نحنا نختارو من نحبو ربي هوا اللي يختار

       《الخيرا فيما اختاره الله》♡

                  ونعم بالله ☝️

كيف ماخلها تحب عبدالسلام وتنساه
خلها تحب احمد بس منستاش ولا نسة انها تحبه
عندها كبرياء غريب يمنعها انها تصارحه او تجي شوره وقعدة تامي تعامل في احمد نفس مايعامل فيها صح تتوجع لكن قررة انها تعفس علي قلبها وتمشي ..

......................

نتلاقو حلقه جديده باااي👋
تصويت☆ بليز
وقولولي رايكم في تعليقات

تابعوني:-
insta: tomatom335
نحبكم هلبا & وااجد

ماتنسوش رايكم حبايبي مهم بنسبه ليا ♡♡