لم يكن ذنبي

البارت الثالث والعشرون

البارت الثالث والعشرون (دمج بارتين البارحه واليوم)

مساء الفل والياسمين 🌹

لم يكن ذنبي

للكاتبة حوراء الموسوي

حنين :" لم أعد طفله
لم أعد أنام مُعاقبه ، أصبحتُ أسهرُ ساعاتٍ طويلة حتى الفجرِ
لا آكلُ ما يحلَو لي لا أبقى كل اليومِ مُستلقيه أُشاهدُ "سوار"
لا أخرجُ إلى الحيِّ لأرى رفاقَاً فالحيُّ الذي فيهِ رفيقاتي بات بعيدَاً عنّا

لم أكن أعلمُ أنّ في السنوات العشرين الأولى ستتغير مجرياتُ الأحداثِ بشكلٍ متسارعٍ
تغيّرت لكنّي مازلتُ مؤمنه بأنّي لم أرسمْ هذا الجحيمَ الذي أقبعُ فيهِ هُنا

لم أتوّقع أن الأرضَ التي نعيشُ عليها ليسَتْ لَنَا
أننّا مذنبون أبرياء ، باحثونَ عن ملاذٍ و ملجأ

أنّ لا آراء لنَا نحنُ الذينَ ندّعي الديمقراطية
لم أعد طفله أهدَأ إن طبطبتْ أمّي على رأسي فحتّى أمّي لم تعد تكترث لأمري..
و أبي أثقلتهُ الهمومُ
أصبحتُ أميّز الجانبَ الجيّد من السيّء
فالجميعُ سواسيّة سيئون و لا أُخدَعُ بالذينَ يدّعون أنّهم ملائكةٌ مطرّزةٌ بالنجوم "
______________________________________

حنين : صار الصبح والليلة العشتها قليلة كلمة  بحقها مرعبه بين الحلم والواقع اتخيل هذا الشخص ابو اللثام بس اغمض عيني يجيني ضليت كاعده اجه وقت المدرسة واني منايمه وعندي دروس وامتحانات مجبره اكوم اروح لان منو ياخذلي اجازه؟؟

اني متعوده كل ماارجع من المدرسة بس تصير العصرية اغسل ملابسي واشرهن ومن اجت جديتي جانوا ملابسي ع الحبل الي صاير قريب ع باب المدرسة الرئيسي ننشر عليه فقط الملابس الخارجيه الداخليات نشرهن جوه

من كعدت الصبح رحت للحبل اجيب الملابس لكيت مرشوش عليهن شي يشبه الطين يعني مليصات من كل مكان باوعت عليه شي غريب اول مره اشوفه والدنيا ممطرت بليل؟ اني ذكيه ميحتاج اروح لأمي او لهيام لان اعرف مراح يسوولي شي كبل فكرت بسوالف جديتي وعرفت جيتها بغاية واني الهدف الجاي الراح تشتغل عليه ملسمت الملابس ابد

رحت لبست علاكه بأيدي وعلاكه ثانيه خليت بيها الملابس وضميتهن ع جهه بين مااشوفلي خل بقضيتهن لان خاف امي تخلطهن ويه ملابس الكنتور
رحت طلعت صدريتي القديمة وقميص اسود ورتبت نفسي بس وجهي كلش تعبان بعد ليلة مرعبه أحس نفسي كوه اتحرك الله يعلم جديتي شرشت او شدفنت بعد هاي دبلوم بهاي الأمور

صار وقت طلعتي فتحت الباب شفت كرم بسيارته واكف بعيد بس شافني ابتسم من بعيد

حجيت بكلبي هو هذا هم بطران عباله اني فايخه للحب يشوف جمالي وترتيبي وعباله مرتاحه ميدري بماضيي وميدري بحياتي عبارة عن دراما قاسيه حزينه واني مااجذب عليكم حبيته وتعلقت بهاي الفترة الاشوفه بيها وبعد محجيت ويا شدني اله اكثر يعني باختصار وكعت ومحد سمه عليه