هل أن كل شيءٍ يسرق

السرقة الاولى

هل ان كل شيءٍ يسرق

الحلقة الاولى بعنوان ( سرقو النصيب )

صباح الخير ابو نور

صباح الخيرات شعدج كاعدة من وكت
اريد اخلص شغلي بساع
حته اودي مكينتي للمصلح داريد اكمل خياط البردات

شيشيلها عليج ثكيله

لا اخذ نور ويايه يشيلها

بكيفج بعد

كملت شغلي ورحت اني ونور ابني للمصلح
المكينه ثكيله سوده عليه شلعت كلبه لما وصلناها
يم المصلح
همزين لكينا مفتح المحل  والله لو ما مفتح جان شمرتها بالشارع وخلصت منها وشتريلي وحدة جديدة
هههههه فرصة للتجديد
شسوي شالعه گلبي قديمة اخذتها من امي
وامي يمكن صارلها عدها فوك العشرين سنه ودور اني استلمتها
سلمت عالرجال وكتله فدوة تخربط فجأة ومن كيفها
بالبدايه خياط يخبل وما حسيت اله عنفصت علية

المصلح
سهلة اخذيلج فرة بالسوك ورجعيلي

طلعت من يمة اني وابني ورحنه نتمشة بالسوك
شفت بلوزات حلوة ولاديه كلت اخذ للولد منها
بعدة البلوز بيدي ونجر من ايدي باوعت على المرة الي بصفي
كتلها مو بيدي بعدة مشامرته شلون اجري هيج مني

كالت عيني انتي دافعه فلوسه

لا بعدني غير داخذ قياس

كالت لعد مالج حق بي همة عارضيهن وحنه دنكلب ونختار

صفنت عليها شلون جرأة وقباحة والله استحيت بعد اداهر وياها
وهية بكل عين وقحة اخذته من ايدي
كتلها عفتلجياهن كلهن بالعافيه عليج
وجريت ابني او وخرت من يمها
بس انقهرت كلش انقهرت

اولاً عجبني الون والموديل الابني يلبسه وماشفت عد الرجال بعد نفس الون

وثانياً نقهرت لان استحقرتني وسحبته من ايدي واخذته ولا اترخصت ولا كالت عيب وسوته شغلة غلب من السبع الي يغلب اول

وثالثاً اني مو مثلها وبنص السوك اتعارك وياها لو ارجع اسحبه من ايدها
سكتت لان اخلاقي هذي عيب بنص الناس يطلع صوتي
حته انكسر واهسي افتر بعد بالسوك كلت ارجع يم المصلح انتضر احسلي

رجعت يمة لكيته بعدة ديكلب بيها

الله يساعدك عمي

هلة يابه هلة تفضلي استريحي لو بعد شويه متسوكة ومكمله احسن من كعدتج

لا والله معدي شي جايه علمود المكينه وهيج افتريت بالسوك بس اعاين

كعدت مادة البوز وضايجة من الموقف وابني كاعد بصفي والرجال يشتغل بهدوء بعدين حجة

هذا النوع من المكائن شويه مزعجة رغم هاي النوعية قديمة واصليه بس عطلاتها هواي

اي جانت عد الوالدة واخذتها منها هية تشتغل زين وكلشي تخيط وفجأة تكوم تخربط