مشاعري مو بأيدي أو اني كلي مو اني.. اني روحي مسجله بأسمه وصلت لمرحله من الحب اهذي بأسمه واني نايمه... گلبي؟ صار گلبه لأن هوا الي تملكه واني تملكته بكل ما املك من حب اني أنانيه بحبي إله أريده كله الي تعلمت عالضلم والضرب واجه حبه بأمس لحظات الاحتياج ف...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وإِن آذوكِ فابتسمي وأخفي الدمع بالكُحلِ وردي صاعهم صاعين ردي الشيء بالمثلِ وكوني السهم أن خذلوك إذ يدمي بلا قتلِ وكوني صلبة كالصخر أو كالورد في الحقلِ".
_______________________
زهراء
طبعا هذا الأسبوع كضيتها بس فرة كعدت الصبح رحت للصالون صبغت شعري لون عسلي كلش عجبني اني شعري كيرلي وكسرتة قوية احتاريت إذا اسوي تسريح لو لا آخر شي عفته كما كان لأن احب شعري ومتعودة على شكله شكد تلقيت كلمات مثل _ مو حلو ليش متسوين اجاليز انتي حلوة بس شعرج مو حلو وغيره من الكلام _ بالنسبة الي ماتضايقت بس مليت من تكرار السؤال الناس الى متى تضل تتدخل اذا اني مانجرحت غيري عندة مشاعر يمكن هاي التدخلات تسوي عقدة نفسية عند البشر من شكله ولونه وجنسة
رجعت للبيت تغديت لگيت نرجس متصلة عليه رجعت اتصلت عليها وكعدت تحجي وتأنب بيه لان ماداوم إلي فهمته انو اذا غبت أكثر راح انفصل من الكلية اني تقريبا صارلي اسبوع وقبلها جنت ماخذة اجازه تراكمت عندي هواي غيابات قررت باجر اروح اشوف شنو الوضعية.
مر اليوم عادي بس مايخلى من اتصالات أركان الي تسعدني واني اخاف احد من البيت يلگفني اتختل منا ومنا وملاك خطية بس تحرس إليه وتگول إذا حبيت رديها إليه واني اعرف گلبها مو خالي.
طول ايام الاسبوع چان هاشم يجي لأبوي ويقنعة بس ابوي يگلة مو بيدي وبعد انطينة كلمتنا مايصير نخلف أني ارتاحيت نفسيا لأن ماكو شي بعد صار شي رسمي ومستحيل يدگ الناقصة بينا اما سارة دخلتلي خاص تغلط وتفشر الي يشوفها أشرف خلق الله وهيه مامخلية واحد ماحاجيه وياه ومادري منو گايللها انو عندي علاقة باركان اني مانطيتها بال بس انطيتها بلووك بگد كصتها
عبالها كلامها راح يهز شعرة مني چانت تهدد بصوري بس اني متأكدة ماعندها اي صورة حافظة دروبها كلها لأن چنت ماشيه بيها تريد بس تخوفني واني الخوف صار شي بعيد عن بالي واخر اهمياتي شايفة هواي وشابعة ضيم لذلك كلشي متوقعة من هاي الدنيا..
