الملاك الحزين
الفصل الخامس والعشرين
(والاخير)
وقفنا لغاية ما مي عرفت الخبر ووقعت اغم عليها
بعد مرور شهرين
في المستشفى
تجلس مامت مي وفي يديها المصحف تقرء القرأءن وهي تبكي
تدخل هاجر يا ماما حرام عليكي كفاية عياط مي هتقوم إن شاء الله وتبقي كويسه
مامت مي ....يارب يا بنتي يارب قلبي وجعني على اختك اووي من يوم ما عرفت باللي حصل لجوزها وهي دخلت في غيبوبة اختك عانت كتير في حياتها ولما بدأت تفرح جوزها يروح منها ربنا يصبرها ويصبرنا يا بنتي
هاجر... اللهم امين يا ماما
وفجاه مي بدات تفوق
مي... بتعب ماما إنا فين
مامت مي وهاجر .. بسعاده حمدالله على سلامتك يا مي
مي ... الله يسلمك يا ماما انت وهاجر اومال فين احمد ومحمد
مامت مي بدموع ..... احمد نزل يجيب شويه حاجات ومحمد .......
مي ... اتكلمي يا ماما في اي
مامت مي بعياط ومش قادرة تتكلم
هاجر.... مي انت لازم تكوني قوية وتستحملي لآن محمد مات من شهرين وانت لما عرفتي الخبر اغمي عليكي ودخلتي في غيبوبة وبقالك شهرين دلوقتي فشدي حيلك يا قلب اختك
مي بعياط هستيري ..... انت كذابه يا هاجر ودي لعبه منك انت وهو ايوه انتم ديما تعملوا فيا كدا محمد قالي انه مسافر وبالتأكيد رجع دلوقتي بس هو اتفق معاكي علشان تقوليلي كدا صح
مامت مي .... لا يا بنتي مش صح محمد ماات يا مي ومكنش مسافر علشان شغل كان مسافر يعمل العمليه علشان الخلفه وده اللي عرفناه في الجنازة بيقولوا إن إنت اللي اجبرتيه على إنه يسافر وان انت اللي زنيتي عليه وخلتيه يسافر وحصل اللي حصل
مي مصدومه من اللي مامتها بتقوله وبتعيط
وفجاه ماما إنا عايزه اروح الفيلا بتاعتي انا ومحمد
مامت مي .....هتروحي تعملي ايه بس يا بنتي
مي .....معلش يا ماما بالله عليكي تخليني اروح هناك والنبي يا ماما
هاجر.... بس انت تعبانه يا مي ولازم ترتاحي
مي..... لا إنا كويسه وعايزه اروح الفيلا
هاجر...... حاضر يا مي هتصل على احمد يجي يخلص الورق مع المستشفى ونخرج
هاجر كلمت احمد وقالتله على اللي حصل وهو فرح إن اخته فاقت بس اعترض على إنها تروح الفيلا لآنه عارف اللي هيحصل لآن من بعد ما محمد مات اخواته وامه اهانوهم جامد ده غير انهم محملين مي سبب موت محمد ومع اصرار هاجر علشان خاطر مي احمد وافق وجه خلص الورق وخرجوا وراحوا الفيلا
مي كانت بتحلم إنها مجرد ما تنزل من العربية وتروح تفتح الباب هتلاقي محمد موجود وعاملها مفاجاه زي ما كان بيعمل بس كل ده اتبخر لما فتحت ولقت بدور وشيماء وسحر مامت محمد هما اللي موجودين
وبدور وشيماء لابسين الاكسسوارات بتاعتها وهدومها كلها مرميه على الارض والخدامه بتلم فيهم وتحطهم في شنط ومامت محمد بتقولها تتبرع بيهم
بدور ... اهلا انت جيتي يا فقر
شيماء ... انت السبب في مووت محمد إنت السبب لو انك مش غصبتي عليه كان زمانه عايش انتي السبب يا فقر
مامت محمد.... اخرجي بره بيت ابني مش عايزه اشوف وشك النحس هنا تاني اطلعوا بره كلكم
احمد .....يالا يا ماما وانت يا هاجر هاتي اختك دول
ناس ميستهلوش اننا نضيع وقتنا معاهم وفجأة
مي تركع تحت رجلين حماتها وتعيط ارجوكي سبيني حتي اخد هدوم جوزي ومش عايزة حاجة تانية ارجوكي
مامت محمد.... بعد ما كانت هتحن على مي لانها عارفه إنها ملهاش ذنب وان هي السبب في مووت ابنها بس شيماء ادخلت وشدت مي من الارض ورفعت ايدها عليها وقبل ما القلم يوصل على خد مي كان احمد ماسك ايد شيماء وبكل غضب العالم
احمد لشيماء لو شفتك صدفه في وشي همحيكي من الوجود واللي حصل ده انا هعديه بمزاجي ويا ويلك لو في يوم شفتك مش هقولك هعمل فيكي ايه هسيبك تتخيلي
يالا يا ماما انت وهاجر وهو شال مي اللي منهارة في الارض ومشيوا وصلوا البيت واحمد دخل مي اوضتها وعدت الايام على مي وهي كل يوم بتتمني الموت علشان تروح لمحمد ورجعت انطوت على نفسيها من تاني وبقت مش بتخرج من اوضتها غير بعد محاولات كتييير من اهلها حتي الاكل كانوا بيأكلوها بالعافيه حاولوا كتيير يخرجوها من اللي هي فيه بس محدش قدر حتي لؤي رغم إنه كان خاطب إلا إنه جه ووقف معاها ولكن مبقاش له تأسير زي الاول لآنها معرفتش يعني ايه حب غير لما اتجوزت محمد واكتشفت أن اللي كان بينها وبين لؤي مجرد تعود بسبب الكلام اللي كان بيتقال إن لؤي بتاعها فعلشان كدا كانت معتقده إنها بتحبه لكن بعد ما عرفت محمد اكتشفت إنها مكنتش بتحب لؤي وإنها بتحب محمد والاسود رجع خيم على حياتها من تاني ورغم أن اتقدملها ناس كتير إلا إنها رفضتهم كلهم وفضلت إنها تعيش على ذكرى جوزها لغاية ما يتقابلوا في الآخرة باذن الله
🥺🥺🥺🥺🥺🥺
❤️❤️❤️❤️💖❤️💖
انتهت الرواية وبتمني تعجبكم وهستني رايكم لان دي اول روايه ليه
ملحوظه
إنا عارفه إن في كتير هيقول ليه اخر الرواية متكنش سعيده زي باقي الروايات هقولكم
اولا
اناحبيت اعمل حاجه مختلفه عن اي رواية تانيه
ثانيا
مش كل النهايات سعيده في منها الحزين
ثالثا
الهدف من الرواية إن في ناس بتعاني بسبب اخوات جوزها حتي لو قاعدة في شقه لوحدها
وكمان الزن بيخلي الإنسان يتحول لشخص تاني خالص ورغم إنه شايف الحقيقة قدامه إلا إنه مش قادر يعترف بيها وكمان الزوجة الوفيه اللي تحافظ وتعيش على ذكرها جوزها وكمان حب الاخوات وتمسكهم ببعض مهما الظروف كانت صعبه حواليهم
واخيرا وليس اخرا استودعكم الله الذي لا تضيع ودائعه
الي اللقاء في رواية جديدة إذا كان لينا عمر جديد والسلام عليكم ورحمه الله وبركاته
❤️💖❤️
أنت تقرأ
الملاك الحزين
Fiksi Umumفتاه صغيره يدخل الحب على قلبها منذ نعومة اظافرها ولكن عناد الدنيا سوف يثلب برائتها
