الحب الضائع

الجزء الأول

الابطال

محمد كامل.... شاب مصري بسيط وسيم شعره اسود ناعم عيونه بنيه جسمه رياضي لون بشرته خمريه

نورهان ناصر..... بنت بسيطة مكملتش تعليمها علي قدر كبير من الجمال شعرها اسود ناعم عيونها عسلي بشرتها بيضاء وجسمها ممشوق

محمد شاب بسيط حاصل علي دبلوم (تعليم متوسط) عايش مع اسرته مكونه من اب وام واخ واختين
الاب.. كامل رجل كبير في السن
الام. هدي
الاخ.. مصطفي
البنات.. الكبيرة منه
      الصغيرة رحمه
محمد خلص تعليمه وقرر انه مش هيقد عاله علي اهله لانه اكبر اخواته وقرر يشتغل وفعلا بدأ شغل في شركه غزل ونسيج في مدينة السادات محافظة المنوفية... واجتهد في شغله لحد ما بقي ليه مركز كويس في شغله
              بعد سنه ونص
قرر محمد انه يقدم في الجيش ويقضي مدته في الخدمه العسكرية
كان بيحب بنت عمته نورهان بس قرر انه يحبس حبه في قلبه لحد ما يخلص جيش ويتقدملها رسمي
دخل الجيش وطول مدته كان حبه لنورهان بيزيد يوم بعد يوم
         
            في الجيش
في يوم كان محمد واقف خدمه وفجأة حصل هجوم علي كتيبته من جماعه إرهابية
محمد...... أثبتت محلك اثبت
حرس سلاح...... حرس سلاح..... حرس سلاح.......... باعلي صوت
كل اللي في الكتيبه سمعوه وكله اخد سلاحه وطلع احتل موقعه
محمد كان ممتاز في الرمايه اصطاد الارهابين واحد ورا واحد لكن القدر شاء انه يتصاب في رجله بطلقه.
بس زمايله قدرو انهم يسيطروا علي الهجوم وقتلوا كل الإرهابيين
محمد اخدوه علي المستشفى وخرجوا الرصاصة من رجله
بس كان ليه طلب واحد طلبه من القائد بتاعه
محمد..... ممكن يافندم محدش من اهلي يعرف حاجة عن اللي حصل عشان هيتخضو ويقلقووو عليا
القائد.... طيب يا محمد قوم انت بس بسلامة يبني
محمد شكرا يافندم
محمد فضل في المستشفى لحد ما خرج بسلامة وطلب تأجيل الاجازه لحد ما اثر الرصاصة يختفي ويرجع زي الاول عشان اهله ميشكوش في حاجة
كان كل تفكيره وقت الهجوم انه يحمي زمايله مش مهم هو المهم زمايله بس كان طول الفتره اللي قضاها في المستشفى كل تفكيره كان عن حبيبته نورهان وحبه اللي بيزيد في قلبه يوم عن يوم وانها وحشته اوي ونفسه يشوفها
          بعد 3اسابيع
محمد نزل اجازه وكان خلاص اتعافي من الإصابة
               عند اهل محمد
اول ماوصل البيت كان كل اهله في انتظاره
هدي..... وحشتني اوي يا حبيبي
محمد.... انتي اللي وحشتيني يا ست الكل  ونزل باس ايديها
كامل.... اوعي بقي ياوليه هو ابنك لوحدك، وحشتني اوي يابنى
محمد..... انت كمان وحشتني يا حج ونزل باس ايده هو كمان وكمل كلامه..... وحشتوني كلكووو وانت يا مصطفى وانتو كمان يبنات وحشتوني كلكوو اوي..
هدي.... كل دا يا حبيبي 3شهور غياب عننا قلتنا عليك اوي
محمد..... معلش يا امي غصب عني والله كل شوية مأمورية غصب عني
هدي.... ولا يهمك يا حبيبي ادخل نام انت اكيد جاي تعبان
محمد..... اه والله يا امي تعبان اوي ومقتول نوم من السفر
               ..............
محمد دخل غير هدومه ونام علي السرير وفضل باصص للسقف بيفكر في حبيبته نورهان بس للاسف في الاخر غلبه النوم
              تاني يوم
محمد صحي من النوم الساعه 1 الضهر قام اتوضي وصلي وفطر واخد دوش وغير هدومه كان لابس بنطلون اسود وقميص ابيض جوا البنطلون وفاتح تول زرارين....