قصة مريم

البارت-١١-

البارت -١١-

لصبح فزيت على صوت نجيبة ولا تسكوت
مينا:شكو شصاير ؟!
مريم:همزين كعدتي نزلي لهاي .
مينا:ليش متنزلين انت؟!
مريم:نسيتي هي تحبج.
مينا:يايوم حبتنا شكد كذابة.
مريم:نخمدي راح انزل اني.
مينا:اي حبابة.
مريم:تعاي صدك ليش لبارحة منزلتي ابد .
مينا:نمت .
مريم: احجي وياج .... مينا.... ولج.
نزلت على نجيبة هانم وكل عادة تريدني اساعدها لان غفرانو تعبانة شوكت تصحة ماادري .
جاسم:لسلام عليكم الله يكويكم.
نجيبة:الله يساعدك جوعان يلة نصب ،،،،،امشي وياي.

مرت اربع ايام ومينا منازلة مااعرف شنو سبب رحت عليها احاجيها تتحجج وتضحك
مريم:مينا لتغيرين لموضوع شكو ليش متنزلين
مينا:هسة ليش تلحين وياية
مريم:لان وضعج ميطمن يوم كلنا اي يومين هم كلنا اي بس اربعة لا ليش متنزلين؟
مينا:مااكدر احاجيج اخاف صير مشاكل.
مريم:لا احجيلي مصير مشاكل اعرف شلون اصرف لتخافين.
مينا:كرار،،
مريم:شبي؟!
مينا:قبل ميسافر جانت تصرفاتة وياي مابيها شي طبيعية واعتبرة مثل شخص زين وياي شلون كأخ تفهمين هذا شعور.
مريم:اي حتى اني ملاحظة تصرفاتة وياج.
مينا:اي وقبل ميسافر بيوم كعد يكلي راح تشتاقيلي لو لا تحبيني لو ظل يعيد علية هذا شي واني ماخذتة باستهزاء ماظنيتة صدك.
مريم:اي
مينا:بعدين تقرب شوية وحظني شم ريحتي نوب كال مينا من ارجع اري اشوفج مشتاقتلي لو لا.
مريم:صدك تحجين مينا هذا هيج يسوي ولج يسمو تحرش هذ .
مينا:مااعرف بس هوة مسوة غير هذا شي .
مريم:اخ الله هسة شسوي اني نوب ليسويلج شي وهذا سكوتي.
مينا:مثل شنو ؟!
مريم:هيج ماكو شي ،،، باعي لتحبسين روحج بلغرفة اطلعي واريد اشوفة شيسوي ولتحاولين تخلي يختلي بيج من شوفي بمكان اطلعي منة فهمتي .
مينا:مااريد انزل عوفنيني.
مريم:لابابا خل اشوفة شيسوي حتى اعرف شصرف بوقتها فهمتي.
مينا:ماشي .

لصبح نزلت مينا وياي وكعدنا نشتغل ثنينة ودزنا منا نجيبة وتودينا منا اجة عمو جاسم تغدينة وكلشي تمام واحنا نغسل ماعين سمعت صوت نجيبة تحاجي كرار تريد غدة لو بعد ؟ باوعت على مينا كتلها اني اروح اكعدي انت ، رحت كالت نجيبة وين مينا كتلها هناك شتردين اني اجيبلج كلتلي حظري لغدة لكرار حظرتة وجبتة الة اباوع علية يباوع وراية طلعت من يمهم اخذت مينا وصعدت وصاحت نجيبة مينا ،،، مينا،،،،.
مريم:اني اروح اصعدي انت.
مينا:اوكي.
مريم:ها عمة؟
نجيبة:انت اسمج مينا؟!
مريم:لا بس مينا تعبانة شوية تريد تنام.
نجيبة:شبيها صيحيلياها شوية.
مريم:عمة مريضة عوفيها .
نجيبة:تعانديني،،،، اكلج صيحيها.
جاسم:دعوفيها نجيبة شلحيتي روحي بابا روحي.
رحت لغرفتي كعدنا شوية نتشاقة ونتسلة خلص لوقت هيج بليل نزلنا نساعد نجيبة بلعشة كالتلي شري لملابس بلسطح اخذتهن ورحت اشرهن خلصت شر سمعت صوت قبل ماادخل اباوع ماكو شي سديت لباب ورحت اكمل طريقي شوي ومااحس الا شخص لزمني من ايدي صرخت سد حلكي كلي اسكتي اني حيدر ابن عمتج .
مريم:وخر عني شبيك صدك تحجي .
حيدر: اريد احجي وياج.
مريم:ولوادم هيج تحجي حقك مو ادمي .
حيدر:انجبي احسلج وخل احجي وياج .
مريم:احترم نفسك ولتجاوز لتخليني اصرخ هسة اكللهم يتحارش بيا.
حيدر:ماشي بس اسكتي خل احاجيج.
مريم:احجي.
حيدر:تزوجيني.
مريم:دوخر شكد اكرهك.
حيدر:ليش تكرهيني اني ابن عمتج واحبج ورايدج بلحلال شبيج ؟
مريم: عمو جاسم ،،،، عمو جاسم.
حيدر: اسكتي وجع رايح.
شكد اضوج منا نوب شكدوتة نزلت لكيت خلود هانم هي وجهالها مشرفين على لعشة سوينالهم عشة وتعشو ولوقت كلة حيدر يغمز ولعبان نفس شكلة دخل مصطفى وسلمو علية ومعد هوة وحيدر يحجون بس حيدر مشال عينة علية وبس يبتسملي جانت تصرفاتة تخلي الي مينته ينتبه شوية وكلة مصطفى امشي نطلع برة طلعو برة وشوية تنفست صار ليل كلش عمتي ظلت هي وبتها وحيدر راح كللهم اجيكم باجر اخذكم ، نجيبة وحلود كاعدات يسولفن كالت
خلود :والله يانجيبة هذ لبيت راح نبني وابو لبيت لكاعدين بي يريدنا نشيل مجاي يصبر علينا فد قبيح شوكت نخلص منا مااعرف .
نجيبة:صدك والله الله يساعدج لايجار مينحمل .
خلود:اي والله مينحمل اني بديت الملم غراضي احتمال نروح نكعد بيت عيالي لحد ما يخلص لبيت .
نجيبة:وشلون راح تتحمليهن ذني جناينهم؟
خلود :والله ماادري ياحبيبة شلون راح اكضيها .
نجيبة:الله كريم.
دخلو لولد وراحت نجيبة وخلود يسولفن اجتي نجلاء بت خلود ودخست روحها يمي وضلت سولف سطرتني صاحت نجيبة علينا ناخذها تبات يمنا .
نجلاء:شكد احب لمت لبنات تصير خلوة.
مينا :اي صحيح وخاصة اذا بعمرج.
مريم:يلة صعدن اني اجيب مي واجي مينا شوفي نجلاء وين ترتاح حظري فراشها.
مينا:ماشي.
رحت اجيب مي اسمع نجيبة وخلود دكللها شعجب مازوجت ليش متقبل تزوج ولج خاف عدها واحد ، مسمعتلهن غلست ورحت لغرفتي وظلينا متونسين واخر ليل ظلت نجلاء تحجي اسرارها وانو هي معجبة بمصطفى
مريم:بس هوة اكبر منج؟
نجلاء: وذا امي مو اصغر من ابوية ب ١٠ سنين
مريم:ميصير انت جيبين زمنهم على زمنا ؟
نجلاء:شسوي مريم احبة شايفة رجولتة وضخامتة فدوة لله .
مريم:بديتي تنعسين نامي يلة مينا نامي .
صبح لصبح وصار لعصر واجة حيدر لزكة ياخذهم طلع روحي كل ساع يجي للمطبخ واني حاصرة روحي حتى ماشوفة .
حيدر:شبيج تنهزمين مني اوكفي.
مريم:حيدر حل عني مااريد مشاكل .
حيدر:ولي يحبج ويريدج على سنت الله ورسولة يسويلج مشاكل.
مريم:اي بس اني مااحبك افتهم يمكن تشوف حياتك وية غيري احلى.
حيدر:لا وية لوقت تحبيني.
مريم:اوي اشو دوخر مني .
جاي اوخر لزمني من ايدي وكلي مريم لسوين هيج باوعت شافنة مصطفى صاح على حيدر كلة يلة تعال تأخر لوقت لازم ترحون يعني طردة
حيدر:تطردني مصطفى.
مصطفى:حبيبي اتأخر لوقت عليكم.
سكت حيدر واخذ امة واختة وطلع ومصطفى ولا دارلي بال بس نجيبة طلعت سامعة مصطفى لمن طرد حيدر
نجيبة:شلون تحجي ويا هيج متستحي لولد جاينة خطار.
مصطفى:يمة لتدخلين اعرف شصرف.
نجيبة:اي وتطرد لوادم لك صدك معرفت اربيك.
مصطفى:سكتي يمة رحمة للحسين مالي خلك.
نجيبة:تعاي انت .
مريم:ها عمة.
نجيبة:من عمة لعماج كون ليش متزوجين ونخلص منج ومن مشاكلج.
مصطفى:يمة،،،،
نجيبة:وحمة شنو تحبها وممصدك روحك ،،، تحلمين صيرين جنة بيتي.
مصطفى:كافي يمة خلينا مرتاحين رحمة من لخلقج.
مريم:لاعمة ارتاحي اني ادور راحتج اساساً مااريد اصير جنة الج.
نجيبة:شنو تقصدين لج كح،،،،،،
مصطفى:بدينا يمة كافي، اني اخابر ابوي احسلي.
نجيبة:امشي ولي من خلقتي احسلج.
مريم:حاضر :)

مر ثلث ايام  على هاي لمشكلة لوقت كلة اباوع على مصطفى ينطيني نظرات غريبة مااعرف ليش وميطيق وجودي ومرات يعصب اذا شلت حاجتة من مكانها احسة مرات يكرهني ، بوقتها صار لعصر وقررنا اني ومينا نطلع بلحديقة نتسلك شوية كاعدين ماكو شي كتلها تروح جيب دفتر مالتي نسيتة راحت ودخل من لباب مصطفى باوعت علية ودرت وجهي ماحسيت الا وهوة وراية كالي دسوين هنا؟!
مريم:ننتعش بلجو!ليش؟
مصطفى:كومي دخلي وعوفي جو.
مريم:ليش اكو شي؟
مصطفى:ماكو شي لتلحين دخلي جوة.
مريم:مصطفى خلينا كاعدين شوية منكدر نطلع محد يطلعنا خل نشوف يومة حلوة بليز.
مصطفى:شبي ح.......
بعدة ممكمل واسمع صوت صرخت مينا .