With My Friend Choi [Completed]

With my friend Choi:Episode(1)

-"CHOI SOOBIN"

Choi Soobinဆိုတာကတော့ ကျွန်တော်တို့သူငယ်ချင်းတွေကြား အချောဆုံး စာအတော်ဆုံးနဲ့ တည်ကြည်လွန်းလှတဲ့ လူချမ်းသာကောင်လေးတစ်ယောက်ပါ။ သူမှာမကောင်းတဲ့အကျင့်ဆိုတာမရှိသလောက်ရှားပါတယ်။ ကျောင်းမှာဆိုလည်း အလယ်တန်းကတည်းက အဆင့်(1)ကိုအမြဲချိတ်သူပါ။ Choi Soobinကိုယှဥ်နိုင်တဲ့လူမပြောနဲ့ ​ခြေဖျားကိုမှီတဲ့သူတောင်မရှိပါဘူး။ ဒါပေမဲ့ အဲ့လောက်တော်တဲ့သူဆီမှာလည်း ထူးဆန်းတာတစ်ခုကရှိနေပြန်ရော...။ ဒီကောင်ကြီးကအရမ်းခင်မင်လွယ်တယ်။ ကူညီတတ်တယ်။ သူနဲ့မသိတဲ့သူကိုတောင် ဘာဘဲဖြစ်နေဖြစ်နေ ကူညီတာပါ။ မင်းတို့အနေနဲ့ ငါပြောတဲ့စကားကိုထူးဆန်းနေမှာပါ။ ကျွန်တော်ပြောတာသာကြားပြီးရင် မင်းတို့လန့်သွားမှာပါ။ တစ်ခါက လမ်းမှာဒုက္ခရောက်နေတယ်လို့ထင်ရတဲ့ ဦးလေးကြီးတစ်ယောက်ကိုကူညီခဲ့တယ်တဲ့လေ။ ဖြစ်ချင်တော့အဲ့ဦးလေးကြီးက 2014တုန်းကBusanလူသတ်မှုရဲ့ တရားခံလို့ရဲတွေမှန်းဆထားတဲ့လူဖြစ်နေတာတဲ့။ ရဲတွေအဲ့လူကြီးကိုဖမ်းလို့မိတဲ့အချိန်မှာ soobinပါအတူရှိနေတာကြောင့် အထင်လွဲတာခံခဲ့ရပါတယ်။ ကံကောင်းတာက Choi Soobinရဲ့အဖေက Soeulရဲ့အကြီးဆုံး ရဲမှူးဖြစ်နေပြီး soobinကိုသူရဲ့သားမှန်းသိတဲ့အချိန်ကပြန်လွှတ်ပေးခဲ့ပါတယ်။ အဲ့ဒါတောင်မမှတ်သေးဘူး။ တွေ့သမျှကူညီနေတုန်းပါဘဲ။ ဒီကောင်ဘယ်လောက်ဆိုးလည်း။ စကားမစပ် ကျွန်တော်က Kang Taehyunပါ။ ဒီMOA High Schoolရဲ့တစ်ချိန်က အဆင့်(3)ရခဲ့တဲ့ ကျောင်းသားပါ။ တစ်ချိန်ကရခဲ့တာပါ။ ကျောင်းသားတစ်ယောက်မပြောင်းလာခင်ထိပေါ့....။ အဲ့ကျောင်းသားကsoobinရဲ့Rollကိုလုယူပြီး အဆင့်(1)ကို ကျောင်းစပြောင်းချင်း တစ်လအတွင်းမှာ ရအောင်လုပ်သွားတာပါ။ ဒီလိုနဲ့မနှစ်ကပထမနှစ်တစ်နှစ်လုံး သူနဲ့soobinဘဲ roll(1)ကိုပြိုင်နေကြတာပါ။ ကျွန်တော်တို့ကတော့ သူတို့အမှတ်ပြိုင်နေသ၍ rollကအောက်ကိုတက်လိုက် ကျလိုက်ဘဲပေါ့။ တစ်နှစ်လုံး အမှတ်စာရင်းပေါင်းကြည့်တဲ့အချိန်မှာ ခါတိုင်းလိုရင်မခုန်ဘဲမနေနိုင်တော့ပါ။ မျှော်လင့်ထားတဲ့အတိုင်း roll(1)ကတော့ Soobinပေါ့။ ဒါပေမဲ့...အမှတ်စာရင်းထွက်လာတော့
ကျွန်တော်က.....