Mafia Series 3: Chasing The Heiress

Chapter 18

Wade's POV:

Mabilis kong dinaluhan si Shane na lumuluha, kanina ko pa s'ya pinapakalma. Nag-alala ako dahil sa malalim na sugat na nasa braso niya,nagpakuha kaagad ako ng medicine kit sa mga staff ni Mommy para na rin magamot ang sugat ni Shane at ngayon ay humihikbi na, wala akong makitang dahilan kung bakit kailangang gawin 'yun ni Natasha.

Pero natigilan ako nang may maalala ako, kumurap ako at para akong natauhan. Naalala ko ang nangyari nakaraan ang lumipas, na-alala ko kung papaano ako nawalan ng oras kay Natasha dahil sa paulit-ulit na pagtawag ni Shane. She's always upset at nakakaligtaan ko na ang mga importanteng nangyari sa'ming dalawa, mabilis kong nilingon si Natasha na naglalakad habang nakalagay ang dalawang kamay sa likod.

"Wade, saan ka pupunta? Please, dito ka nalang muna. Hindi mo ba nakita ang ginawa ni Natasha sa 'kin? She hurt me..." humihikbing sambit ni Shane habang hinihila sa t-shirt ko.

Tinignan ako ni Mommy at alam ko ang nasa isip niya. Noon pa man ay ayaw niya kay Shane dahil galit si Mommy sa kanya pero unti-unti ring nawala. Botong boto ang Mommy ko kay Natasha, kaya naman ganoon nalang ang galit at disgusto sa mukha niya nang malaman na may anak kaming dalawa ni Shane. Tinignan ko si Shane na nakikiusap ang mga mata, mugto rin sa kakaiyak.

"I can't Shane. Ang importante sa 'kin ngayon ay ang nararamdaman ni Natasha, kaya sana hayaan mo ako..." malamig na turan ko.

"Pero–Wade! Bumalik ka dito!" Si Shane sa malakas na boses ngunit hindi ko siya nilingon.

Tumakbo ako para maabutan si Natasha dahil ayokong maulit ulit ang mangyari sa nakaraan. Nagpalinga-linga ako sa paligid at nakita s'yang naglalakad papunta sa kotse niya sa hindi kalayuan. Inipon ko ang lakas ko at nagmamadaling sinundan s'ya, marahan kong hinablot ang braso niya. Kumunit ang noo niya nang bumaling sa'kin.

"Bakit ka nandito? Sisigawan mo ba ako? Sisihin mo ba ako?" aniya sa mahinahon ngunit mariing boses at tinignan ang kamay ko.

Lumunok ako at huminga nang malalim at mabilis ko s'yang niyakap. She stiffened at ramdam ko ang pagkabigla niya, wala ako pakielam kung suntukin niya ako pagkatapos nito. Binaon ko ang mukha ko sa batok niya kahit papaano nabawasan ang pagod ko sa trabaho.

"A-ano ba?!" Si Natasha sa galit na boses at inilayo ako sa katawan niya.

"I'm sorry..." napapalunok na sambit ko at sinuklay ang buhok ko.

She sighed. "Bakit ka nandito? Your wasting you time here, go back to Shane. She needs you..." sarkastikang sambit niya.

"Natasha..." napapagod na pagtawag ko sa kanya kaya natigilan s'ya pero nag-iwas ng tingin. "Anong nangyari bago ako dumating doon?" dagdag ko sa mahinahong boses.

Humalukipkip s'ya at tinagilid ang ulo. "Hindi ba nandoon ka? Bakit hindi mo alam? Oo nga pala, hindi mo naman ako papakinggan diba? Kaya para saan pa kung magpapaliwanag ako sa'yo," aniya sa walang emosyong  boses.

Lumunok ako. Noon, nag-aaway kami dahil wala akong oras para sa kanya, uuwi ako sa condo namin na tulog na s'ya. Palaging na kay Shane ang oras ko dahil sa maselan na pagbubuntis kaya wala akong masyadong oras para sa kanya. But I always make it up to her because I love her so much na kahit pagod na ako kinakaya ko pa rin sa kanya. There were times na nasigawan ko s'ya dahil muntik nang mahulog si Shane sa bleachers at dahil doon nag-away kami at ilang araw na hindi nagpansinan.

"Natasha..." mahinang sambit ko sa kanya ngunit umiwas s'ya ng tingin sa 'kin.

"Bumalik ka na doon. Hindi mo na ako kailangan pang sundan para sumbatan kung anong ginawa ko sa ina ng a-anak mo..." pumiyok ang boses niya ngunit huminga s'ya ng malalim.