Mafia Series 3: Chasing The Heiress

Chapter 26

Wade's POV:

Napangisi ako at ininom ang wine na nasa lamesa, kakatawag lang sa 'kin na nakuha na nila si Natasha. Tinignan ko si Emmanuel at nakitang palinga-linga na s'ya sa paligid, gusto kong tumawa sa kanya. Matagal ko ng pinagisipan ang tungkol sa ganito ang pagkuha kay Natasha, sa ganoong paraan mas makakausap ko s'ya ng maayos nang hindi kami nag-aaway.

Ilang linggo akong nanahimik para sundin ang sinabi ni Natasha, natatawa ako dahil lang sa isang salita niya napapasunod niya ang tulad ko. Alam ko rin na s'ya ang nagpapabagsak sa kumpanya namin, kaya para matigil na ang paghihiganti niya ay kakausapin ko s'ya ng mahinahon at maayos. I want to make it up to her sa loob ng walong taon na nagkahiwalay kaming dalawa.

Nitong mga nakaraang linggo pansin ko ang madalas na pagbisita ni Kuya kila Shane at may pinaguusapan sila. Hindi ko alam kung bakit kinakabahan ako, pansin ko 'yun dahil nakikita ko ang ngiti sa labi ni Kuya kapag nakikita niya si Troy.

"Excuse me..." malamig na paalam ko sa kanilang lahat.

"Saan ka pupunta?" tanong agad ni Shane na katabi si Troy na nakatingin sa 'kin.

"Kailangan ko bang sabihin sa'yo?" sarkastikang sambit ko sa kanya. "I need to leave," pinal na sambit ko.

Hindi na sila naka-angal dahil alam nila ang ugali ko. Humalik ako kay Mommy pati kay Troy at hindi na sila pinansin, ngumisi ako pagkatalikod ko nang makita na nasa tainga ni Emmanuel ang cellphone. Akala niya ba makukuha niya? Sa 'kin si Natasha simula pa nung una kaming magkita. Sumipol ako at kaagad na sumakay sa kotse ko paglabas.

Sa isla ko dadalhin si Natasha, sa Baguio kung saan namin gustong tumira. Pinaglalaruan ko ang labi ko at alam kong pinagsisipa na ni Natasha ang mga tao ko, naisip ko rin na handcuffs ang ilalagay ko dahil mabilis kumilos si Natasha.  Nakakapagtaka na ganoon lang nila kabilis na nahuli si Natasha sa iilang minuto lang.

Pagkarating ko sa condo ko ay kaagad kong pinautos kay Kent ang helicopter. Mabuti nalang rin at pumayag na s'ya, sinabi ko sa kanya ang gusto ko. Nung una ay natawa pa s'ya pero kalaunan ay pumayag rin dahil ayaw ni Kent sa fianceè ni Natasha. Hindi nila alam nagpaggawa ako ng background check sa fianceè ni Natasha at gumawa ng plano para mailayo s'ya.

[Ayusin mo lang Wade! Sinasabi ko sa'yo! Kapag hindi umubra 'yan baka masapak ako ng kapatid ko!] Si Kent sa iritadong boses.

Tumawa ako. "Hindi ko na pakakawalan, akin 'yun, sigurado ako..." sambit ko at narinig ko ang pagmumura niya.

Sumakay kaagad ako sa helicopter at mabilis naman na umandar. Kailangan kong maging malamig sa kanya nang sa ganoon hindi niya malalaman kung anong gusto ko. Kinikilabutan ako kapag iniisip ko na nasa iisa kaming yate at kaming dalawa lang. Hindi ako magaling magpigil pero para makausap s'ya ng matino ay gagawin ko.

Nakikita ko na ang isla ko kung saan nakapangalan kay Natasha lahat. Pangarap kong bumuo ng pamilya malayo sa siyudad, gusto ko ng tahimik. Nakita ko na rin si Natasha nang makababa ako ng helicopter ko, tama nga ako dahil panay ang piglas niya. Sumenyas ako sa kanila na iakyat na sa yate si Natasha.

"Sino ba kayo? Wala naman kayong mapapala sa 'kin!" Si Natasha sa pasigaw na boses habang pumipiglas sa mga may hawak sa kanya.

Nakatiim ang panga ko nang makita ang suot niya, halos makita ko na ang pisngi ng dibdib niya dahil sa sobrang liit ng suot niya. Huminga ako ng malalim at napamura nang bigla nilang binagsak si Natasha sa sofa.

"Fuck," mahinang mura ko at sinapak si Brent na nakangisi at taas ang kilay. "Leave!" dagdag ko sa malamig na boses.

Naiwan kami ni Natasha, pinagmamasdan ko s'ya at inayos ang coat niya. Panay pa rin ang piglas niya pero kalaunan ay agad ring tumigil dahil na rin sa pagod. Tinanggal ko ang sakong suot niya at humalukipkip sa mismong harapan niya, nanlaki ang mata niya nang makita ako na nakangisi.