البيت المهجور

الفصل العاشر ( الأخير )

البيت المهجور
-------------------------
الفصل العاشر ( الأخير )
------------------------------------------------------------------------------------------------
تتسحب روح سالم تحت شهبور و تكتب ( صندوق ، عصا ، نار ) ، تعود روح سالم إلى جسد ياسين و تخرج تاتشي و يستمر القتال حتى يكاد سالم ان يهزم
شهبور: هه ، التلميذ بيتغلب على الاستاذ
سالم: طول عمرك تلميذ خايب ، بص تحتك
ينظر شهبور تحته فيجد ما كتبه سالم
شهبور: ايه !! لأ لأ
سالم: تفعيل التعويذة
يدخل شهبور في الصندوق فيضربه سالم بالعصا فيحترق ، و يضع سالم المتبقي في العرش و ينتهي كل شيء
سالم: خلاص شهبور انتهى
يفك سالم التعويذة اللتي كانت تحمي رانيا و الباقين
رانيا: بجد ؟
سالم: ايوة خلاص ، ثانية واحدة
يعيد سالم كل ما تحول إلى طبيعته
رانيا: أخيراً الكابوس ده خلص
مالك: الحمد لله
يوسف: كويس
هالة: و انت هتعمل ايه يا جدي ؟
سالم: هرجع لعالم الاموات تاني ، بس ابقوا زوروني
هالة: بس.....
تخرج روح سالم من جسد ياسين الذي ارتمى أرضا مغماً عليه ، فتتحرك رانيا لايقاظه
رانيا بانفعال: ياسين !!! ياسين فوق !!
يستيقظ ياسين ليجد نفسه بين يدي رانيا
ياسين: اول مرة اعرف ان عنيكي لونها عسلي و جميلة كده
رانيا: انت فايق و رايق
ياسين: ههههه ، حصل ايه بقى ؟
رانيا: الكابوس ده خلص أخيرا
هالة: طب هتفضلوا في وضع قيس و ليلى ده كتير ؟
رانيا تاركة ياسين و يصطدم رأسه بالأرض: لأ
ياسين: اه ، دماغي
رانيا: وجعتك ؟!!
ياسين: قلبي اللي واجعني
تضحك هالة و اخوات رانيا
رانيا بارتباك: بتضحكو على ايه ؟!!
هالة بضحكة صفراء: مفيش
------------------------------------------------------------------------------------------------
تعود الحياة إلى طبيعتها لكن تبقى تاتشي صديقة لرانيا و عائلتها و بعد عام
مالك مقتحما على رانيا و ياسمين مكتب العمل: رانيااااا ، انا نجحت ! جبت 95% يا رانيا ، هدخل هندسة يا رانيااااا
رانيا: خلاص يا اهبل ، الف مبروك
يدخل ياسين عليهم قائلاً: انت هندسة و هالة طب اسنان و تتخرجوا مع بعض ، الف مبروك
مالك: الله يبارك فيكو
ياسين: عن اذنك بقى اخد رانيا مشوار
مالك: اااه براحتك
ياسمين: عقبالي
يخرج ياسين مع رانيا و يجلسان في كافيه
ياسين: بصي يا رانيا على بلاطة كده انا بحبك من اول يوم جيتي فيه الشركة و عايز اتجوزك ، بس كنت مستني مالك و هالة لما يدخلوا الجامعة ، ها رأيك ايه ؟
تظل رانيا صامتة و يحمر وجهها
ياسين: ايه ؟
رانيا: السكوت علامة ايه ؟
ياسين بفرحة : الرضا ، يعني بتحبيني
------------------------------------------------------------------------------------------------
تعود رانيا إلى البيت في حالة نشوة ، فتجد مالك يودع تاتشي
رانيا: تاتشي راحة فين ؟
مالك: رايحة بيت عيلتنا
رانيا: ليه ؟
مالك: عشان تخلي عمي يرجعلنا الشقة
رانيا: بس ...
مالك: ده حقنا يا رانيا
-----------------------------------------------------------
في منزل العم ، اشياء تتحرك بمفردها
العم برعب: ايه ده؟ سلام قولاً من رب رحيم !!
تاتشي: لازم ترجع حق رانيا و اخواتها
العم: بس .....
تاتشي: لو معملتش كده هخلص عليك
العم: حاضر حاضر بس بلاش تؤذيني
------------------------------------------------------------------------------------------------
في اليوم التالي
يوسف: بتقول بحبك لمين ؟
مالك تاركاً الموبايل: واحد صاحبي
يوسف: واحد صاحبك اسمه هالة ؟😉
مالك: خد 10 جنيه و اسكت
يدق الباب فإذا بعم رانيا
رانيا: عمي !!!
العم: خدي ، ورق الشقة بتاعتكو كله اهو ، بس متزعلوش مني
رانيا: طب ايه اللي غيرك كده ؟
العم: انتو شكلكو أولياء
رانيا: ههههههههههه
يدق الباب مرة أخرى و يفتح مالك ليجد ياسين مع اسرته
ياسين: ندخل
مالك: اتفضل
ياسين: ده عمك يا رانيا ؟
رانيا: ايوة
ياسين: عمي انا جاي اطلب ايد بنت اخوك
العم: رانيا ، موافقة ؟
رانيا بخجل: ايوة
العم: الف مبروك يا ولاد
هالة: لولولولولولولولولولولوي
------------------------------------------------------------------------------------------------
رانيا: و ادي يا سيدي قصة جوازي انا و ابوك
حمزة ابن رانيا: يااااه
ياسين: يلا عشان نحضر فرح مالك و هالة
رانيا: طيب جايين اهو
------------------------------------------------------------------------------------------------
و خلصت الرواية
مفاجأة 1 : الفكرة جاتني بان الخفافيش بتكل علينا من شباك الصالة كل سنة في شهر 7 و اني قرأت قصة على جروب تاني عن الجن