Birthday present for a Red Rose.
အနီရောင်နှင်းဆီတစ်ပွင့်က
လေးစားမှုပါ ရိုဇယ်. . .။
_______________
အဲ့ဒီနေ့က ငါ့အခန်းမှာမီးပျက်ခဲ့တယ်။
တစ်ခုတည်းသော အလင်းရောင်က
အိပ်ရာဘေးက နှင်းဆီနီတစ်ပွင့်ကလာနေတယ်။
ရိုဇယ်ရေ. . .ငါမြင်သမျှက အနီရောင်တွေခြယ်နေကြတယ်။
ဆက်ဆံရေးဆိုတာ လိပ်ပြာတောင်ပံတွေထက်ကြွပ်ဆတ်လွန်းတာပဲ။
မင်းရောငါရော ကြုံခဲ့ဖူးလို့သိမှာပါ။
တစ်ခါတစ်လေ တစ်စုံတစ်ယောက်ရဲ့ဇာတ်လမ်းမှာ
ငါတို့က လူဆိုးဖြစ်ဖို့ထိုက်တန်ပါတယ်။
စီးကရက်မသောက်တောင် ငါ့နှုတ်ခမ်းတွေညိုနေတုန်းပဲ။
မင်းလည်းမအိပ်ပဲနဲ့ရူးနေတုန်းပဲလား။
ရူးရတာကို မင်းသိပ်ကြိုက်သလား ရိုဇယ်။
ကြုံတဲ့အခါ စီးကရက်တစ်လိပ်လောက်ဝယ်ပေးခဲ့စမ်းပါ။
အချစ်ဆိုတာ လူကပြုလုပ်တဲ့ စိတ္တဇနာမ်တစ်ခုပါပဲ။
တစ်ခါတစ်လေတော့ ဝတ္ထုထဲကအချစ်တွေကို
ငါတို့အလေးပြုသင့်တယ်။
တစ်ပါးသူကိုချစ်တာထက် ကိုယ်တိုင်ချစ်တတ်ဖို့
ငါတို့တွေက ဘွဲ့လွန်တတ်မြောက်ခဲ့ပြီထင်တယ်။
လူတွေက သိပ်ကိုပြောင်းလဲကြတာပဲ။
ငါကိုယ်တိုင်လည်း လူသားဖြစ်နေလို့ပြောင်းလဲနေဦးမှာပဲ။
ငါနားလည်ခဲ့တာတစ်ခုက။
တစ်ချို့လက်တွေက တွဲခေါ်ဖို့ထက်
တွန်းချလိုက်ဖို့သင့်တယ်။
ဒီလိုနဲ့ ငါလည်း တစ်စုံတစ်ယောက်ရဲ့ဇာတ်လမ်းမှာ
လူဆိုးအဖြစ်သရုပ်ဆောင်ဖို့ ဖြစ်လာပြန်တယ်။
ခါးလွန်းတဲ့ ကော်ဖီတွေလည်း ငါမကြိုက်သလို
ချိုလွန်းတဲ့ စတော်ဘယ်ရီတွေလည်း ငါမသောက်ဘူး။
ဒါပေမယ့်လည်း အဖြူရောင်နွားနို့တစ်ခွက်က
မသန့်စင်မှုတွေ ရောနှောပြီးသားဖြစ်နေခဲ့တယ်။
ငယ်ငယ်က ကော်ရုပ်မတွေကိုသဘောကျခဲ့တဲ့ငါနဲ့
နှင်းဆီနီနဲ့ကလောင်စွမ်းတွေကို ပိုသဘောကျခဲ့တဲ့မင်းက
အများကြီးကွာခြားပါတယ်။
ညီမျှခြင်းတွေကို လိုက်ရှာဖို့ ညလုံးပေါက်
သင်္ချာတွေတွက်ခဲ့ဖူးလား ရိုဇယ်. . .။
ငုံ့ကြည့်လိုက်ရင် ငါကမင်းထက်နိမ့်ပြီး။
မော့ကြည့်လိုက်ရင်လည်း မင်းကငါ့ထက်မြင့်နေဆဲပဲ။
YOU ARE READING
𝑹𝑶𝒁𝑬𝑳
Poetryအနီရောင်နှင်းဆီတစ်ပွင့်က လေးစားမှုပါ ရိုဇယ်. . .။ အနီေရာင္ႏွင္းဆီတစ္ပြင့္က ေလးစားမႈပါ ႐ိုဇယ္. . .။
