الكاتبه( شيخه ال تميم)
لا تنشد علينه منين
احنه الوهگ بينه الضيم
خلص كل معانينه
وغير ألليل والدخان محد يعرف شبينه
وذني سنينه مخلصات بس الموت ناسينه
ذوله احنه
خرايب طين
نشب من الزعل والغيض وحدنه
ونرد نطفه بواجينه
كريم حاشوش
رانيا:كعدت على الم جسمي وانه بالغرفه و يزن يم راسي بس شافتي فتحت عيوني هو فز من مكانه
يزن: رررانيا انت زينه
_اي حبيبي زينه لا تخاف عليه
_رانيا خلينه نروح منا هم ما يحبونه وبس يكتلوج
_اه اه لو ادري اكو مكان ثاني جان اخذتك ورحت بس وين نروح!
شردت مناك بس حتى احافظ على شرفي وهذا اهم من حياتي عادي اتحمل الطك ولا ارجع هناك
احنه ونحجي دخلت زينب علينا
زينب: هاا رانيا حبيبتي شلونج
_جسمي راح يموتني من الالم زينب
_سوده عليه ولج كلت متي بين ايديها الحمدلله اجه عمر وفكج منها
_وهي شنو مخليه بيه لو كاتلتني وموتتني ولا هلعيشه
_صلي على محمد انت ترحين مافكرتي بهذا وين يروح من بعدج انت عايشه بنص ناس ما ترحم حتى بالطفل
_زينب كليلي شنو اسوي والله تعبت من كلشي انت مو منهم ماتعرفين شنو صاير وهيج يكرهوني على كره اهلي
_رانيا احنه صح منهم بس هذا الموضوع محد يدري عنه ولا نتجرأ نسأل شي عنه خاصه عمتي ساجده تصير نار اذا جابو سيره اهلج كدامها
_زين احجيلي عنهم عمامي خوالي وينهم
_ابوج عنه خوان ثنين عمي و ابوي بس بيبيتي ماتت راح يصير الها سنتين
اما خوالج ف عمامي متعاركين وياهم من زمان ومحد يحجي ويه الثاني على الرغم هم اولاد خاله وبيبي ام عماد (جدة رانيا ام امها) حتى بفاتحه اختها منعوها تجي وبيبي بوقتها كلش تعبانه ومتخربطه
_يعني هم متعاركين بسبب امي وابوي لو لا
_والله ما اعرف الي اعرفه هم صار سنين كطع
ظلت زينب تحجيلي عنهم وكل شي تعرفه حجته
_طلعت زينب تجيبلي دوة وانه ظل حجيها ببالي وكل شوي اتوقع توقع شكل واحلل وحدي لحد ما دخت من التفكير شربت الدوه ونمت
ساجده: ولك عمر هاي ثاني مرة توكف كدامي وتكسر كلمتي علمود هاي الكح......
_يماااه هاي لتحجين عنها بت عمي مو خدامه ومكعدتها بيتج تكتلين بيها وخالتها تشتغل مثل الخدم حتى اكل ما تخلينها تاكل ويانه
_وانت شنووو خالتك محامي ودافع الها
ولك بس خلي يجي ابوك و هو يعلمك شلون تحجي هيج
_وانه منتظرة عوددد
انتهت العركة بينهم وكل واحد دخل لغرفه وهو شايل حقده على الثاني
_كعدت قريب المغرب وانه على لحم بطني ويزن غافي يم راسي
_يزن يزن اكعد لا تنام هيج ويتأذه ضهرك
أنت تقرأ
ارواح عاريه من الرحمه
ChickLitانا فتاه فقدت كل ما املك ولم يبقى لي في هذا الحياه سوة الجحيم والشعور بالاستياء مُستمر لا يَنفع معي اي شيء لا حديث مع احدهم ولا حتى كتابة ثم البكاء و نحيب الروح هي ما أشعر به قبل النوم و اثناء الاستيقاظ كَجرعات الدواء انها مستمره للأبد يالها من...
