Unicode
နေသာသောနေ့တစ်နေ့ရဲ့ကောင်းကင်ပြာကြီးနဲ့ ပန်းပေါင်းစုံတွေဖူးပွင့်နေတဲ့ဥယျာဉ်ကြားမှာရယ်မောပြီးပြေးလွှားဆော့ကစားနေကြတဲ့ကောင်လေးနှစ်ယောက်။အသက်အရွယ်အရ ငါးနှစ်-ခုနှစ်'နှစ်အရွယ်သာရှိကြမယ့်ကောင်လေးနှစ်ယောက်။ငါးနှစ်အရွယ်ကောင်လေးကရှေ့ကပြေးပြီး ခုနှစ်'နှစ်အရွယ်ကောင်လေးကနောက်ကနေလိုက်ဖမ်းကာ ပြေးတမ်းလိုက်တမ်းကစားနေကြသည်။
"ကိုကို မောင့်ကိုလိုက်ဖမ်းလေ"
"ညီညီ ကိုကိုမောနေပြီ ခဏလေးနားကြမယ်လေ ပြီးမှဆက်ဆော့ကြမယ်လေနော်"
"ရဘူး!"
ငါးနှစ်အရွယ်ကောင်လေးကအလိုမကျဟန်မျက်မှောင်သေးသေးလေးကိုကျုံပြီးလက်သေးသေးတုတ်တုတ်ကလေးကိုပိုက်ကာ ခုနှစ်'နှစ်အရွယ်ကောင်လေးကိုဆူပုတ်ပုတ်လေးကြည့်လို့ရယ်။ထို့နောက်ထို့ငါးနှစ်အရွယ်ကလေး'လေးနှုတ်ဖျားမှထွက်ဆိုလာသောစကားမှာ...
"နိုး! ညီညီ ၊ ရက်စ့် မောင်"
"ဟုတ်ပြီ....ဟုတ်ပြီ ၊ မောင် ကိုကိုတို့ခဏနားကြမယ်လေနော်"
"အွန်း"
သဘောကျဟန် ခပ်ပြုံးပြုံးလေးဆိုသည်။
ခုနှစ်'နှစ်အရွယ်ကောင်လေးက ငါးနှစ်အရွယ်ကောင်လေးရဲ့ခေါင်းလုံးလုံးလေးကိုခပ်ဖွဖွပွတ်ကာ...
"အဆိုးလေး"
ငါးနှစ်ကောင်လေးကသွားဖြူဖြူသေးသေးလေးတွေနဲ့ သွားကျိူးလေးတွေပေါ်အောင် ခုနှစ်နှစ်အရွယ်ကောင်လေးကိုပြုံးပြနေသည်။
ခုနှစ်'နှစ်အရွယ်ကောင်လေးကလည်း ပါးလေးမို့မို့လေးထက်စံပယ်တင်မှဲ့လေးထင်းနေအောင်ပေါ်တဲ့အထိပြန်လည်ပြုံးပြသည်။
"လာ...ကိုကိုတို့ ဟိုသရက်ပင်အောက်သွားထိုင်ကြမယ်"
သရက်ပင်အောက်ရောက်ကောင်လေးနှစ်ယောက်အမောဖြေရင်း ခုနှစ်'နှစ်အရွယ်ကောင်လေးအင်္ကျီအိပ်ကပ်ထဲကတစ်ခုခုကိုနှိုက်နေဟန် ထို့နောက်ခုနှစ်'နှစ်အရွယ်ကောင်လေးက ငါးနှစ်အရွယ်ကောင်လေးရှေ့လက်သီးဆုပ်ကလေးထိုးပေးသည်။
YOU ARE READING
မောင့်နှလုံးသားရဲ့ ဥယျာဉ်မှူးငယ်
Romanceအဏ္ဏဝါလှိုင်း_ဥယျာဉ်ပျိူး ⌠ ᴜɴɪᴄᴏᴅᴇ - ᴢᴀᴡɢʏɪ ⌡ sᴛᴀʀᴛ ᴅᴀᴛᴇ >>> ⌠ 24 .11.2021 ⌡
