هاي أنا عهد خليني نعرفكم عليا بسرعه 👀💛
آممم انا في بداية العشرينات مزلت صغيره يعني 😂💛 ونقرا حقوق مع انه كان خاطري ف فنون بس عادي المهم نفرح هلي🥺 واجتماعيه واجد وهرجتي واجده وهواياتي واجد ونحب اللون الاصفر كان لاحظتو👀💛 وبس الباقي تو تعرفوه عليا لقدام 🤸🏻♀️💛.
يوم من الآيام مش عارفه نقول يوم شؤم والا حلو لانه فيه الشيئين فيه الحلو والشين الحلو انه تعرفت عليه فيه والشين برضو انه تعرفت عليه فيه متخافوش مش هبله ونقول فـ كلام وخلاص بس لما تجربو اللي نمر بيه نا حـ تعرفو قصدي .
الأستاذ طلب منا مشروع صغير نحلو قضيه بس بالتعاون كل اثنين مع بعضهم ومن اختياره هو 💁🏻♀️.
الأستاذ: كل اثنين انادي عليهم معناها ينظمو امورهم مع بعضهم ويوم الاختبار الجزئي تسلموني المشروع ...هئحم خالد علي ، احمد طاهر ..فاطمه محمد، ناصر فتحالله.........عهد السنوسي ، ابراهيم بوبكر ..حنانـ.....قصيت عليه أنا
عهد: من ؟!!! ابراهيم !! لااا أستاذ لو سمحت نبي بنت معايا لو سمحت 🥺💔.
الأستاذ: نحن جايين نقرو والا نلعبو هنا؟ مش عاجبك تريحي ف الحوش🤨
إبراهيم ...كان مقعمز لاوره كالعاده ويتفرج وساكت مستغرب من ردة فعلي يفكر ليش درت هكي هل لانه نعرفه من قبل وما نحبش والا شن في ؟!.
يييييييييييه نسيت نعرفكم ع ابراهيم شاب كويس منظره بس عنده حتة لحيه 🤤 استغفر الله قصدي شاب خلوق وسيمح هك🥺😂 خلاص آخر مره والله من الاخير مش هنعرف نمسك روحي هو كويس وعمره ف نص العشرينات وجنتل وبس 🥺💛.
قولولي رايكم نكمل وإلا لا هذي لمحه سريعه ع البداية 💛.
